Charles James, Michuzi TV

WIZARA ya Elimu Sayansi na Teknolojia imewataka watumishi wake wote nchini kuzingatia nidhamu, ubunifu, maadili na weledi katika kazi zao ili kukuza kiwango cha elimu nchini.

Kauli hiyo imetolewa leo jijini Dodoma na Naibu Waziri wa Elimu Sayansi na Teknolojia, Omary Kipanga wakati akifunga mkutano wa 28 wa Baraza la 10 la Wafanyakazi wa Wizara hiyo.

Akizungumza na watumishi hao, Naibu Waziri Kipanga amewataka watumishi hao kuzingatia yale yote waliyoelekezwa na Waziri wa wizara hiyo, Prof Joyce Ndalichako jana wakati akifungua baraza hilo ambapo alisisitiza nidhamu kazini na kuacha kutumia lugha za ubabe kwa wateja ambao ni wananchi.

Ametoa rai kwa vyama vya wafanyakazi kama Tughe na Chama cha Walimu Tanzania CWT kushirikiana na Menejimenti ya Wizara kuhakikisha wanasimamia ipasavyo nidhamu na kukuza ubunifu kwa wafanyakazi lengo likiwa ni kuifanya wizara izidi kufanya vizuri kama ambavyo ilisifiwa na Rais Samia Suluhu Hassan.

" Nasisitiza mshikamano baina yetu watumishi, ili tuzidi kupongezwa kwa kufanya kazi vema ni lazima tushikamane tukiwa wamoja na wenye upendo, niombe kwa pamoja tuwe mabalozi wazuri wa kusimamia nidhamu na uwajibikaji kwenye vituo vyetu vya kazi.

Wizara yetu ndio uti wa mgongo wa Taifa letu, bila kukuza kiwango cha elimu na kuzalisha watalaamu wengi nchini ni vigumu kama Taifa kupata maendeleo, ni vema tukatoka na mkakati wa kuhakikisha tunazalisha vijana wasomi wenye tija kwa Taifa letu katika kuajiriwa na kujiajiri wenyewe," Amesema Kipanga.

Kwa upande wake Katibu Mkuu wa Wizara hiyo ambaye pia ndiye Mwenyekiti wa Baraza la Wafanyakazi, Dk Leonard Akwilapo ameahidi kuwa watayafanyia kazi maelekezo yote yaliyotolewa kwao na Waziri Prof Ndalichako na kwamba watatekeleza yale yote yaliyokusudiwa na baraza hilo katika kukuza kiwango bora cha elimu nchini.

Nae Mwenyekiti wa Tughe, Archie Mntambo amesema wataendelea kufanya kazi kwa bidii na ufanisi mkubwa ili kulinda sifa ya wizara hiyo ambayo imekuepo kiasi cha kupokea sifa kutoka kwa Rais Samia.

" Nikuhakikishie Naibu Waziri yale yote mliyotuelekeza tutayafanyia kazi kuhakikisha tunakua wabunifu, wenye weledi na nidhamu katika kazi lengo likiwa ni kuzalisha kundi kubwa la vijana wasomi wenye tija kwa Taifa letu," Amesema Mntambo.

Naibu Waziri wa Elimu Sayansi na Teknolojia, Omary Kipanga akizungumza na wajumbe wa Baraza la Wafanyakazi wa Wizara hiyo katika mkutano wa 28 wa baraza hilo jijini Dodoma.

 WAZIRI wa Viwanda na Biashara Prof Kitila Mkumbo  amewataka Wakuu wa Taasisi zilizo chini ya Wizara hiyo kufanya kazi kwa mujibu wa Sheria, Kanuni na Taratibu  zinazotumika kusimamia taasisi hizo na sikuwa kikwazo katika kutoa huduma  bora kwa wananchi.

Waziri  Mkumbo  aliyasema hayo alipokuwa akitoa mwelekeo wa utekelezaji wa majukumu ya Wizara katika kikao na Wakuu wa Taasisi hizo  kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

“Taasisi zote zilizochini ya Wizara ya Viwanda zinamchango mkubwa katika utekelezaji wa majukumu ya Wizara hivyo nawasihi muendelee kufanya kazi kwa mujibu wa Sheria Kanuni na taratibu zinazosimamia taasisi zenu katika utoaji wa huduma bora kwa wananchi na si kuwa kikwazo”  Amesema Waziri Mkumbo.

Aidha, Wakuu wa Taasisi waliohudhuria kikao hicho kutoka TBS, WMA, BRELA, TANTRADE, SIDO, NDC, EPZA, FCC, FCT, WRRB, TIRDO, CAMARTEC, TEMDO na CBE walipata fursa ya kutoa maoni na changamoto mbalimbali zinazozikabili taasisi hizo katika utekelezaji wa majukumu yake kwa Waziri wa Viwanda na Biashara.

Waziri Mkumbo ameahidi kuendelea kupokea ushauri wa kitaalamu kutoka katika taasisi hizo pamoja na kutatua changamoto mbalimbali zinazozikabili taasisi hizo katika utekelezaji wa majukumu yake ikiwemo upatikanaji Bodi zinazofanya kazi katika kila taasisi ili kurahisisha utoaji wa maamuzi sahihi na kwa wakati.

Naye Naibu Waziri akiongea na Wakuu wa Taasisi hizo, alisema kuwa mchango wa taasisi hizo  ni muhimu na zinategemewa katika kuifanikisha Wizara  kufikia malengo ya taifa katika ukuaji wa viwanda na biashara shindani na hivyo kukuza uchumi wa nchi.

Waziri wa Viwanda na Biashara Prof. Kitila Mkumbo (Mb) akitoa mwelekeo wa utekelezaji wa majukumu ya Wizara  alipokutana na Wakuu wa Taasisi zilizopo chini ya Wizara katika kikao kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

Mkurugenzi Mkuu wa Tume ya Ushindani Dkt John Mduma akitoa maoni kuhusu ukamilishaji wa mapitio mbalimbali ya Sera na Sheria zinazosimamia taasisi zilizopo chini ya Wizara ili kuboresha utoaji wa huduma kwa wananchi kwa Mhe. Waziri wa Viwanda na Biashara Prof. Kitila Mkumbo katika kikao na wakuu wa taasisi hizo kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

Mkurugenzi Mkuu wa Shirika la Kuhudumia Viwanda Vidogo (SIDO) Mhandisi Prof. Sylvester Mpanduji akitoa maoni kuhusu uboreshaji wa huduma zinazotolewa na SIDO kwa Mhe. Waziri wa Viwanda na Biashara Prof. Kitila Mkumbo katika kikao na Wakuu wa Taasisi zilizopo chini ya Wizara kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

Katibu Mkuu wa Naibu Waziri wa Viwanda na Biashara Bw. Dotto James akifafanua jambo katika Kikao cha Wizara na Wakuu wa Taasisi zake Kikao hicho kilicholenga kujadili mwelekeo wa utekelezaji wa majukumu ya Wizara kilifanyika  tarehe 09/04/2021 katika ukumbi wa Chuo cha Biashara jijini  Dodoma.

Waziri wa Viwanda na Biashara Prof. Kitila Mkumbo (Mb) akitoa mwelekeo wa utekelezaji wa majukumu ya Wizara  alipokutana na Wakuu wa Taasisi zilizopo chini ya Wizara katika kikao kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

Kushoto ni Kaimu Afisa Mtendaji Mkuu wa Wakala wa Vipimo (WMA) Bi. Stella Kahwa, Katikati ni Mrajis wa Baraza la Ushindani Bw Renatus Rutatinisiwa akifuatiwa na  Kaimu Mkurugenzi Mkuu waa  NDC Bi Rhobi Sattima wasilikiliza maelekezo ya Waziri wa Viwanda na Biashara Prof. Kitila Mkumbo  katika kikao na Wakuu wa Taasisi zilizopo chini ya Wizara kilichofanyika  tarehe 09/04/2021 katika ukumbi wa Chuo cha Biashara jijini  Dodoma.

Naibu Waziri wa Viwanda na Biashara Mhe. Exaud Kigahe (Mb) (kulia) akiwa na Naibu Katibu Mkuu wa Wizara ya Viwanda na Biashara Dkt  Hashil  Abdallah (kushoto) wakiwa katika Kikao  cha Wizara na Wakuu wa Taasisi zake. Kikao hicho kilicholenga kujadili mwelekeo wa utekelezaji wa majukumu ya Wizara kilifanyika  tarehe 09/04/2021 katika ukumbi wa Chuo cha Biashara jijini  Dodoma

Na Abdullatif Yunus Michuzi TV.

Serikali tayari imetenga Milioni 579 za Ujenzi wa Daraja na ukarabati wa Barabara Eneo Korofi la Katokoro Kata Katoro Halmashauri ya Wilaya Bukoba, kazi inayotegemewa kuanza Mwezi Aprili Mwaka huu.

Akiongea na Wananchi wa Kata Katoro wakati akijibu Risala iliyosomwa kwake Mbunge wa Jimbo la Bukoba Vijijini Dkt Samson Rweikiza, katika Mkutano wa Hadhara alipofika Kata hiyo kufahamu changamoto zilizopo na kuwashukuru kwa kumpatia Kura katika Uchaguzi uliopita.

Katika shukrani hizo Dkt Rweikiza (MB) hakusita kuwakumbusha Wananchi hao Juu ya Miradi iliyotekelezwa kwa kipindi cha Miaka mitano iliyopita licha ya Kata hiyo kuongozwa na upinzani, ikiwemo Miradi ya Afya, Elimu, Umeme, Barabara ambayo imetekelezwa na CCM bila hiyana.

"... Tukiwa kwenye Kampeini mengi tuliyasema na kuyaahidi, ingawa wengine walidhani Ni Uongo lakini Mimi sipendi kusema Uongo, na leo Nimekuja kutekeleza ahadi yangu.." Alisema Dkt Rweikiza (Mb).

Ameongeza kuwaomba Wanachi wa Kata hiyo kuendelea kujitolea Nguvu zao kuchangia maendeleo huku akichangia Milioni Tano Kati ya Milioni Sita alizoahidi kuchangia.

Aidha kuhusu Mradi wa Maji amewaomba Wananchi kuendelea kuwa  wavumilivu wakati ambapo Serikali inaendelea na Tatatibu za usanifu na uhakiki wa Mradi Mkubwa wa Maji kwa Kata Sita za Bukoba Vijijini zikiwemo kata za Izimbya, Mugajwale, Ruhunga, Katoro, Kaibanja na Kyaitoke.

Waziri wa Nchi, Ofisi ya Waziri Mkuu (Sera, Uratibu, Bunge, Kazi, Vijana, Ajira na Wenye Ulemavu) Mhe. Jenista Mhagama, ametoa maagizo kwa menejimenti ya ofisi hiyo ili kuboresha  utendaji katika ofisi hiyo kutokana na mabadiliko ya kiuongozi yaliyofanywa  hivi karibuni na Rais wa Jamhuri ya Muungano wa Tanzania Mhe. Samia Suluhu Hassan.

Kwa sasa majukumu ya ofisi hiyo ya Sera, Uratibu, Bunge, Kazi, Vijana, Ajira na Wenye Ulemavu yatakuwa yanasimamiwa na Katibu Mkuu mmoja na Manaibu Makatibu Wakuu wawili, awali majukumu hayo yalikuwa yanasimamiwa na  Makatibu Wakuu wa tatu kwa kila mmoja akisimamia majukumu yake.

Kabla ya kutoa maelekezo hayo kwenye kikao kazi na menejimenti ya ofisi hiyo kilichojumuisha wakuu wa idara, vitengo na taasisi zilizo chini ya ofisi hiyo leo tarehe 9 Aprili, 2021 Jijini Dodoma, Waziri Mhagama amebainisha kutoridhishwa na baadhi ya watendaji kutoshiriki kikamilifu kwenye kikao cha Mkaguzi Mkuu wa Hesabu za Serikali kwa ajili ya kutoa ufafanuzi wa masuala kama ilivyotakiwa na mkaguzi huyo.

“Kila tunachofanya ni kwa ajili ya taswira ya Mhe. Waziri Mkuu na  ofisi ya  Waziri Mkuu,  nasikitika miongoni mwetu tukishindwa kutekeleza wajibu wetu tutatia doa ofisi ya Waziri Mkuu. Katibu mkuu fikiria utaratibu wa kudhibiti uzembe lazima kila mmoja awajibike. Tumepanga katika mambo ya msingi hatutasita kufuatilia utendaji ili kila mmoja atekeleze wajibu wake.”Amesema Mhe. Mhagama.

Akitoa maagizo katika kikao hicho amewataka watumishi kutanguliza taifa kwa kila jambo pia na kuwa wazalendo katika kutekeleza majukumu yao. Aidha amewataka kutumia ubobezi wa  taaluma walizo nazo ili kuleta matokeo yenye tija kwenye ofisi hiyo. Amewasistiza kuwa wabunifu katika  utendaji wa shughuli zao kwa kuizingatia kasi ya serikali ya  awamu ya sita.

Aidha, Mhe. Mhagama ameagiza kufanyika kwa  vikao vya kila robo muhula ili kujipima na kutathimini namna ya utendaji wa shughuli za idara na taasisi za ofisi hiyo, amesisitiza vikao hivyo vitaweza kuchangia kuleta mabadiliko ya haraka ya kiutendaji katika idara zote na kupata matokeo yaliyo kusudiwa.

Pia, Mhe.Mhagama amezitaka Idara na Taasisi zilizo chini ya  ofisi hiyo kuendeleza dhana ya mshikamano katika utekelezaji wa shughuli za ofisi hiyo. Amefafanua kuwa mafanikio ya moja ya idara ya ofisi hiyo  ni mafanikio ya ofisi nzima hivyo amewataka watumishi wote kushirikiana.

Mhe.Mhagama ameagiza kuhakikisha Mabaraza ya wafanyakazi katika ofisi hiyo yaendelee kufanyika.Aidha,  amesisitiza kuhakikisha katika idara,wizara  na tasisi za serikali  pamoja na  kwenye sekta binafsi mabaraza hayo yanafanyika ili  waweze kuimarisha mauhusiano kati ya waajiri na wafanyakazi.

Aidha Waziri  ameagiza kabla ya mwisho wa mwezi huu wa Aprili, mfumo wa kielektroniki wa vibali vya kazi na ukaazi kwa wageni  uwe umezinduliwa na kufanya kazi ili kudhibiti mianya ya rushwa. Mfumo huo utasaidia kupunguza urasimu wa utoaji vibali kwa wawekezaji.

“Tayari tumesha wafukuza baadhi ya maafisa kazi wanye tabia ya kupokea rushwa kwenye vibali, tunataka mfumo huo kusaidia kuondoa tatizo la  rushwa kwenye vibali, tunazo taarifa sisi tukisha pitisha utoaji vibali hivyo vinachukua zaidi ya wiki mbili havijatolewa ili kumfikia muhusika. Nataka mfumo huo uanze kufanya kazi.” Amesisitiza Mhe. Mhagama.

Pia, Mhe. Mhagama meagiza andaliwe kikao na maafisa rasilimali watu kutoka kwenye makampuni makubwa ya uwekezaji nchini,  ili waelezwe utaratibu sahihi wa utoaji vibali. Amefafanua kwamba baadhi ya mawakala wanao wasaidia makampuni hayo katika kupata vibali hivyo wamekuwa wakikiuka taratibu na tayari wamewachukulia hatua. Aidha ameagiza kuhakikisha kuwa mikataba ya ajira inatolewa na wajiri nchini pamoja na kuzingatia  masuala ya mishahara.

Mhe.Waziri ameagiza  kila Ijumaa ya mwisho wa mwezi,  ufanyike utekelezaji wa  Mpango kazi wa  kushughulikia kero  na malalmiko za wafanyakazi, waajiri na  ya wadau wengine katika sekta ya kazi na ajira.Aidha,  ameagiza kufanyika ukaguzi kwenye makampuni na migodi, miradi ya kimkakati na makampuni, amesema kuwa ukaguzi huo utasaidia uwekezaji kuwa wa tija  kwa watanzania kwa kuwa  na uwiano wa ajira pamoja na mishahara. 

“Natambua tupo kipindi cha mpito cha kubadili mifuko ya hifadhi ya jamii nataka ndani ya wiki moja Katibu Mkuu hakikisha vikao vya kimkakati tulivyo viweka kwa kushirikiana vyama vya waajiri, vyama vya wafanyakazi na sisi serikali vinaanza kufanyika ili zoezi hilo liweze kukamilika kama lilivyo agizwa. ” Amesisitiza Mhe.Mhagama.

Masuala mengine ambayo ameagiza Mhe.Mhagama ni kufuatilia mradi wa kukuza ujuzi, mafunzo ya uwanagenzi, mafunzo kwa vitendo mahali pa kazi kwa wahitimu, suala la migogoro kwa wafanyakazi kupitia tume ya usuluishi na uwamuzi, masuala ya mawakala kukagua mahali pa kazi. Pia ameitaka Kitengo cha Huduma za Ajira kushirikiana na Uhamiaji na Wizara ya Mambo ya nje na Ushirikiano wa Afrika Mashariki, kwa kuibua ajira zenye staha nje ya nchi na kuangalia masuala ya mikataba ya  ajira hizo.

Aidha,   ameelekeza utekelezaji wa maagizo yake kwenye miradi ya Mbigili na Mkulazi iliyopo chini ya NSSF. Ameagiza  aandaliwe kikao kazi  na timu ya NSSF kwajili ya miradi hiyo pia ameelekeza kukutana na maafisa matekelezo wa mikoa wa NSSF. Amesisitiza  na kuagiza ni muhimu shughuli zote zinazotekelzwa kwenye ofisi hiyo zizingatie kuhusisha masuala ya wenye ulemavu pia na ameataka wahakikishi hata sekta nyingine kufanya hivyo.

Kwa upande wake katibu Mkuu Ofisi ya Waziri Mkuu, (Sera, Uratibu, Bunge, Kazi, Vijana, Ajiara na Wenye Ulemavu) Tixon Nzunda, amemhakikishia Waziri Mhagama kutekeleza Maagizo yote  kwa kuzingatia misingi ya weledi, Uadilifu, bidii ya kazi ili kuhakikisha maagizo hayo yanatekelezwa kwa wakati.

Kikao hicho kimehudhuriwa na Naibu Waziri, Ofisi ya Waziri Mkuu (Kazi, Vijana na Ajira) Mhe. Patrobas Katambi, Naibu Waziri  Ofisi ya Waziri Mkuu (Wenye Ulemavu) Mhe. Ummy Ngeriananga, Katibu Mkuu Ofisi ya Waziri Mkuu (Sera, Uratibu, Bunge, Kazi, Vijana, Ajira na Wenye Ulemavu), Bw. Tixon Nzunda pamoja na Manaibu Makatibu Wakuu ; Profesa Jamal Adam Katundu na Kaspar Kaspar Mmuya.

Baadhi ya Wakuu wa Idara, Vitengo na Taasisi zilizo chini ya Ofisi ya Waziri Mkuu (Sera, Uratibu, Bunge, Kazi, Ajira, Vijana na Wenye Ulemavu) wakifuatilia kikao cha Waziri wa Nchina Menejimenti hiyo alipokutana nao kwa lengo la kuboresha utendaji wa ofisi hiyo.

Kamishna Msaidizi Idara ya Kazi Ofisi ya Waziri Mkuu (Kazi, Vijana, Ajira na Wenye Ulemavu) Bw. Andrew Mwalwisi akichangia jambo wakati wa kikao hicho.

Baadhi ya Wakuu wa Idara, Vitengo na Taasisi zilizo chini ya Ofisi ya Waziri Mkuu (Sera, Uratibu, Bunge, Kazi, Ajira, Vijana na Wenye Ulemavu) wakifuatilia kikao cha Waziri wa Nchina Menejimenti hiyo alipokutana nao kwa lengo la kuboresha utendaji wa ofisi hiyo.

Waziri wa Nchi Ofisi ya Waziri Mkuu (Sera, Uratibu, Bunge, Kazi, Ajira, Vijana na Wenye Ulemavu) Mhe. Jenista Mhagama akitoa ,maagizo kwa Menejimenti ya ofisi hiyo alipokutana nao kwa lengo la kuboresha utendaji wa shughuli za ofisi hiyo. Kulia kwake ni Naibu Waziri Ofisi ya Waziri Mkuu (Wenye Ulemavu) Mhe. Ummy Nderiananga  na kushoto ni Naibu Waziri Ofisi ya Waziri Mkuu (Kazi, Vijana na Ajira) Mhe. Patrobas Katambi.

Katibu Mkuu Ofisi ya Waziri Mkuu (Sera, Uratibu, Bunge, Kazi, Ajira, Vijana na Wenye Ulemavu) Bw. Tixon Nzunda (wa kwanza kulia), Naibu Katibu Mkuu Profesa Jamal Katundu (katikati) na Naibu Katibu Mkuu wa ofisi hiyo, Bw. Kaspar Mmuya (mwenye tai) wakifuatilia kikao hicho.

Baadhi ya Wakuu wa Idara, Vitengo na Taasisi zilizo chini ya Ofisi ya Waziri Mkuu (Sera, Uratibu, Bunge, Kazi, Ajira, Vijana na Wenye Ulemavu) wakifuatilia kikao cha Waziri wa Nchina Menejimenti hiyo alipokutana nao kwa lengo la kuboresha utendaji wa ofisi hiyo.

Mbunge wa Jimbo la Njombe Mjini, Deodatus Mwanyika akiuliza swali kwa Serikali kwamba inachukua hatua gani kumaliza tatizo la upungufu wa Walimu nchini hasa shule zilizopo maeneo ya vijijini. PICHA NA RICHARD MWAIKENDA


Na Richard Mwaikenda, Dodoma

Dodoma.Spika, ili kukabiliana na changamoto ya uhaba wa walimu katika Shule za Msingi na Sekondari, Serikali imeahidi kuendelea kuajiri walimu ili kuziba pengo hilo. Kauli hiyo ilitolewa bungeni na Naibu Waziri Ofisi ya Rais Tamisemi David Silinde wakati akijibu swali la mbunge wa Njombe mjini Deodatus Mwanyika (CCM). 

Naibu Waziri amesema kuanzia Disemba 2015 hadi Septemba 2020, Serikali imeshaajiri walimu 10,666 wa Shule za Msingi na Walimu 7,515 wa Shule za Sekondari na ambapo wamepangwa kwenye maeneo yenye uhitaji mkubwa. Katika swali la msingi mbunge huyo alitaka kujua Serikali inachukua hatua gani kumaliza tatizo la upungufu wa Walimu nchini hasa shule zilizopo maeneo ya vijijini. 

Katika swali la nyongeza Mwanyika ameuliza iwapo Serikali itakuwa na mkakati thabiti wa kuajiri walimu wengi kutokana na utoaji wa elimu bure ulioongeza idadi ya wanafunzi na kuangalia maeneo yenye uhitaji mkubwa. Silinde alisema, katika kipindi cha Desemba 2015 hadi Septemba 2020, Halmashauri ya Mji Njombe imeajiri walimu 21 wa Shule za Msingi na 111 wa Shule za Sekondari. 

"Vilevile Ofisi ya Rais-Tamisemi kwa kushirikiana na Ofisi ya Rais-Utumishi na Utawala Bora na Wizara ya Elimu, Sayansi na Teknolojia itaajiri Walimu wapya 6,000 wa Shule za Msingi na Sekondari ifikapo Juni 2021 ili kujaza nafasi zilizoachwa na Walimu waliofariki ama kustaafu kazi," alisema Silinde. 

Alisema Tamisemi imekuwa ikifanya uhamisho wa ndani kwa kuwahamisha walimu waliozi katika maeneo ya mijini na kuwapanga kwenye Shule zenye uhaba wa walimu ambazo nyingi zipo maeneo ya vijijini. 

Kwa mujibu wa Silinde, Serikali itaendelea kuajiri na kuwapanga walimu kwenye Shule za Msingi na Sekondari hasa zenye mahitaji makubwa kwa kadri ya upatikanaji wa fedha. Mdau, nakuomba uendelee kusikiliza clip hii ya video Mbunge Mwanyika akiibana Serikali kuhusu suala hilo na Naibu Waziri wa Tamisemi, Silnde akijibu....

Rais wa Jamhuri ya Muungano wa Tanzania Mheshimiwa Samia Suluhu Hassan akipokea Barua yenye Ujumbe Maalumu kutoka kwa Rais wa Jamhuri ya Kenya Mheshimiwa Uhuru Muigai Kenyatta iliyowasilishwa kwake na Dkt. Amina Mohammed Mjumbe Maalumu wa Rais Kenyatta leo tarehe 10 Aprili 2021 Ikulu jijini Dar es Salaam

Rais wa Jamhuri ya Muungano wa Tanzania Mheshimiwa Samia Suluhu Hassanakisalimiana na Dkt. Amina Mohammed Mjumbe Maalumu wa Rais wa Jamhuri ya Kenya Mheshimiwa Uhuru Muigai Kenyatta leo tarehe 10 Aprili, 2021 Ikulu jijini Dar es Salaam.

Rais wa Jamhuri ya Muungano wa Tanzania Mheshimiwa Samia Suluhu Hassanakisalimiana na Balozi wa Kenya hapa nchini Mheshimiwa Dan Kazungu ambaye aliambatana na Dkt. Amina Mohammed Mjumbe Maalumu wa Rais wa Jamhuri ya Kenya Mheshimiwa Uhuru Muigai Kenyatta leo tarehe 10 Aprili 2021 Ikulu jijini Dar es Salaam

Dkt. Amina Mohammed Mjumbe Maalumu wa Rais wa Jamhuri ya Kenya Mheshimiwa Uhuru Muigai Kenyatta akizungumza na Wanahabari mara baada ya kuwasilisha Ujumbe huo pamoja na kufanya mazungumzo na Rais wa Jamhuri ya Muungano wa Tanzania Mheshimiwa Samia Suluhu Hassan Ikulu jijini Dar es Salaam. PICHA NA IKULU

Rais wa Jamhuri ya Muungano wa Tanzania Mheshimiwa Samia Suluhu Hassan akizungumza na Wanahabari mara baada ya kupokea Ujumbe Maalumu kutoka kwa Rais wa Kenya, Uhuru Kenyatta Ikulu jijini Dar es Salaam.

Rais wa Jamhuri ya Muungano wa Tanzania Mheshimiwa Samia Suluhu Hassan akiwa katika picha ya pamoja na Dkt. Amina Mohammed Mjumbe Maalumu wa Rais wa Jamhuri ya Kenya Mheshimiwa Uhuru Muigai Kenyatta wakwanza kushoto, Waziri wa Mambo ya Nje na Ushirikiano wa Afrika Mashariki Balozi Liberata Mulamula, Katibu Mkuu Kiongozi Balozi Hussein Athman Kattanga wakwanza (kulia) pamoja Balozi wa Kenya hapa nchini Balozi Dan Kazungu mwenye tai nyekundu, mara baada ya mazungumzo yao Ikulu jijini Dar es Salaam.

Waziri wa Maliasili na Utalii, Mhe. Dkt. Damas D. Ndumbaro (Mb), amemsimamisha kazi Mkurugenzi Mkuu wa Bodi ya Utalii Tanzania (TTB), Bi. Devotha Mdachi ili kupisha uchunguzi wa madai ya   ubadhirifu wa fedha pamoja na masuala ya kiutawala yanayohusu Rasilimali Watu katika ofisi yake.

Kufuatia hatua hiyo Mhe. Waziri amemteua Betrita James Lyimo, Kamishna Msaidizi Mwandamizi wa Uhifadhi kutoka Shirika la Hifadhi za Taifa (TANAPA) kuwa Kaimu Mkurugenzi Mkuu wa Bodi hiyo hadi pale uchunguzi utakapokamilika.

Aidha, Dkt. Damas Ndumbaro ameielekeza Bodi ya Wakurugenzi ya TTB kuwasimamisha kazi watumishi wengine wanaohusika na tuhuma hizo kwa kuwa suala hilo lipo chini ya  Mamlaka yao ili waweza kupisha uchunguzi dhidi ya madai yanayowakabili.

Hata hivyo, Waziri Dkt. Ndumbaro amesema maamuzi hayo hayahusiani na Ripoti ya Mdhibiti na Mkaguzi Mkuu wa Hesabu za Serikali (CAG). Uteuzi huo unaanza rasmi leo tarehe 10 Aprili, 2021.

Aliyekuwa Mkurugenzi Mkuu wa Bodi ya Utalii Tanzania (TTB), Bi. Devotha Mdachi

Na Mwandishi Wetu, Michuzi TV

Mkazi wa Tabora - Sikonge, ambaye ni Maajiriwa wa Duka la Dawa na Maabara, Abdulaziz M. Ibrahim (24) amejishindia kitita cha Shilingi 521,471,360/- alichoshinda katika Jackpot ya Mechi 13 akiwa Mshindi wa awamu ya Sita wa Jackpot hiyo.

Akizungumza na Waandishi wa Habari jijini Dar es Salaam, Mwenyekiti wa Bodi ya Wakurugenzi SportPesa, Abbas Tarimba amesema mshindi huyo wa Jackpot ya Mechi 13 atakabidhiwa kitita cha Shilingi 417,177,488/- na atalipa Kodi ya Shilingi 104,293,872/-

Tarimba amesema ili Wachezaji wa Jackpot hiyo washinde ilikuwa lazima watabiri matokeo yote 13 ya michezo hiyo kwa usahihi kwa matokeo yanayotokea uwanjani.

Kwa upande wake, Mshindi wa Jackpot hiyo, Abdulaziz M. Ibrahim amesema ushindi huo alioupata kupitia Jackpot hiyo ana malengo ya kujenga Msikiti, amesema hana maelngo ya kupata jiko kwa sasa hivyo atatumia pesa hiyo kwa masuala mengine.

 Wachezaji wa Young Africans, Farid Mussa, Bakari Mwamnyeto, Carlos Carlinhos na Mchezaji wa Simba SC, Miraji Athuman wakimkabidhi mfano wa hundi Mshindi wa awamu ya Sita wa Jackpot ya Sportpesa, Abdulaziz M. Ibrahim (24) alijishindia kitita cha  
Shilingi 521,471,360/-

2 Mwenyekiti wa Bodi ya Wakurugenzi SportPesa, Abbas Tarimba akimkabidhi Mshindi mfano wa Hundi yenye kiasi hicho cha fedha.

Waziri wa Ujenzi na Uchukuzi Mheshimiwa Dkt. Leonard Chamuriho, akizungumza na Wakurugenzi wa Wizara, Wakuu wa Vitengo,  pamoja na Viongozi wa Taasisi zilizo chini ya Wizara yake (hawapo pichani), katika kikao kazi kilichofanyika jijini Dodoma. Kulia ni Naibu Waziri wa Wizara hiyo Mheshimiwa Mwita Waitara.

Naibu Waziri wa Wizara ya Ujenzi na Uchukuzi, Mheshimiwa Mwita Waitara, akisisitiza jambo katika kikao kazi kilichowakutanisha Wakurugenzi wa Wizara, Wakuu wa Vitengo pamoja na Viongozi wa Taasisi zilizo chini ya Wizara hiyo jijini Dodoma. Kushoto ni Waziri wa Ujenzi na Uchukuzi Mheshimiwa Dkt. Leonard Chamuriho. 

Wakurugenzi wa Wizara, Wakuu wa Vitengo pamoja na Viongozi wa Taasisi zilizo chini ya Wizara wakimsikiliza Waziri wa Ujenzi na Uchukuzi Mheshimiwa Dkt. Leonard Chamuriho (hayupo pichani),  katika kikao kazi kilichowakutanisha viongozi hao jijini Dodoma.

Katibu Mkuu wa Wizara ya Ujenzi na Uchukuzi (Sekta ya Uchukuzi), Gabriel Migire (Wakwanza kushoto), akitoa maoni yake kuhusu uboreshaji wa Utendaji wa Wizara hiyo kwa Waziri wa Ujenzi na Uchukuzi Mheshimiwa Dkt. Leonard Chamuriho, katika kikao kazi kilichofanyika jijini Dodoma.

Mtendaji Mkuu wa Wakala wa Barabara Tanzania (TANROADS), Mhandsi Patrick Mfugale akishauri jambo katika kikao kazi kilichowakutanisha Wakurugenzi wa Wizara, Wakuu wa Vitengo pamoja na Viongozi wa Taasisi zilizo chini ya Wizara ya Ujenzi na Uchukuzi jijini Dodoma. PICHA NA WUU

************************************

Waziri wa Ujenzi na Uchukuzi, Mhandisi Dkt. Leonard Chamuriho, amewataka Wakuu wa Taasisi zilizo chini ya Wizara yake kuhakikisha wanaandaa taarifa kila mwezi zinazoelezea utekelezaji wa majukumu yao ili kusaidia Wizara kufahamu kwa undani utendaji wa Taasisi hizo ikiwemo mafanikio na changamoto zake.

Hayo aliyasema Waziri huyo, jijini Dodoma, katika kikao kazi cha kumtambulisha Naibu Waziri wa Wizara hiyo  Mhe. Mwita Waitara, kwa mara ya kwanza kwa viongozi wa Taasisi hizo ambapo pamoja na mambo mengine amesisitiza kuwa Wizara itakuwa inaandaa vikao kama hivyo  mara nne kwa mwaka ili kujadiliana kwa pamoja na kupata tathmini na  mwelekeo wa Wizara katika ufanisi wake wa utendaji kazi.

“Nimeamua leo kuitisha kikao hiki ili kumtambulisha Naibu Waziri kwa wakuu wa Taasisi zilizo chini ya Wizara yangu, pia kukumbushana kuhusu utekelezaji wa masuala mbalimbali yaliyo katika Taasisi zao”, amesema Waziri Chamuriho.

Aidha, Chamuriho amezisisitiza Taasisi hizo kushirikiana na kuwajibika ipasavyo katika miradi wanayoitekeleza kwani mingi huigusa jamii ambapo ameongeza kuwa, kufanya hivyo kutapelekea maendeleo kwa wananchi na Taifa kwa ujumla.

Kwa upande wake, Naibu Waziri wa Wizara hiyo, Mhe.Mwita Waitara, amewataka viongozi hao wa Taasisi kumpa ushirikiano wa kutosha na kwamba ofisi yake itakuwa wazi kwa ajili ya kupokea ushauri na maoni mbalimbali  lengo likiwa ni kusaidia kufanikisha utekelezaji wa miradi mbalimbali iliyo chini ya Wizara hiyo ili kuleta maendeleo kwa wananchi.

“Naomba Wakuu wa Taasisi wanipe tu ushirikiano wa kutosha na niwabainishie kuwa Ofisi yangu itakuwa wazi wakati wote kwa ajili ya kupokea ushauri lengo likiwa ni kuleta tija na maendeleo kwa wananchi”, amefafanua Naibu Waziri Waitara.

Naye, Msajili wa Bodi ya Usajili wa Wabunifu Majengo na Wakadiriaji Majenzi, Arch.Edwin Nunduma,  amesema kuwa agizo hilo la Waziri la kuleta taarifa za utekelezaji Wizarani litawafanya kuwajibika zaidi kutokana na kuwa Wizara itafuatilia kwa karibu utendaji wao.

“Utaratibu huu ni mzuri, kwani hata changamoto zikitokea itakuwa ni rahisi kuzitafutia ufumbuzi mapema na kwa haraka kuliko kusubiri kuleta taarifa ya robo mwaka  kwa kila kota kama ilivyo awali”, amesema Nunduma.

Kikao hiki cha siku moja ambacho kimemkutanisha Waziri wa Ujenzi na Uchukuzi, Mheshimiwa Dkt. Leonard Chamuriho, Naibu Waziri wa Wizara hiyo, Mhe.Mwita Waitara, Menejimenti ya Wizara hiyo pamoja na viongozi wakuu wa Taasisi 23 zilizo chini ya Wizara hiyo , kilikuwa na lengo la kutambuana na kukumbushana kuhusu uwajibikaji katika Taasisi zao.

Na,Jusline Marco:Arusha

Mkuu wa Wilaya ya Arumeru Ndg.Jerry Muro ametoa siku 30 za mazungumzo ya familia ya Losujake Sung'are ikiwa ni pamoja na kuifunga njia ambayo ilikuwa ikitumiwa na mmoja wa wanafamilia hao.

Hatua hiyo imefuatia kutokana na kuwepo kwa mgogoro wa ardhi baina ya wanafamilia hao ambapo Mkuu huyo wa Wilaya ameagiza kufungwa kwa njia hiyo baada ya kujiridhisha pasipo shaka kuwa ipo njia nyingine ya umma ambayo itamuwezesha kupita na mahakama itakapotoa hukumu.

"Eneo hili halitapita tena mtu mpaka hapo mahakama itakapoamua,wewe mama hutapita yena hapa na wewe kijana hutakanyaga kwenye hii nyumba mpaka mahakama itakapotoa maamuzi."Alisisitiza Mkuu huyo wa wilaya

Aidha Muro alieleza kuwa ametoa uamuzi huo baada ya kuzunguka eneo na kujiridhisha pasipo shaka kuwa ipo njia nyingine ya umma ambayo anaweza kupita ambapo amesema mamlaka hiyo anayo kwani sheria ya usalama wa yaifabinampa nguvu kuzuia ili watu wasiendeleze mgogoro kwa kipindi hicho alichokitoa.

Awali Mkuu huyo akisikiliza malalamiko ya pande zote mbili aliwataka wanafamilia hao kutouza maeneo yao ya urithi baada ya mgogoro huo kuisha kwani kila mmoja anastahili kupata haki sawa na mwingine kutoka katika urithi wa wazazi wao na kusema kuwa mgogoro unatokea pale mtu mmoja anapotaka kupata sehemu mara mbili ambapo amemtaka kila mmoja kuridhika na alichonacho.

Kwa upande wa wanafamilia hao aliejitambulisha kwa jina la Withness Osujake mama mdogo wa Olais Osujake amesema kuwa hajaridhishwa na uamuzi alioutoa Mkuu huyo wa Wilaya wa kumzuia kupita akidai kuwa hana mahali pengine pa kupita ili hali Olais Osujake alitenga njia mbadala ya mama huyo kupita.

Alieleza kuwa kitu kilichokuwa na mgogoro siyo barabara bali ni nyumba hivyo ataendelea kupita katika barabara hiyo ambapo ameiomba serikali imsaidie ili aweze kupata haki yake.

Naye Olais Osujake Laizer ambaye eneo lake ndilo yenye mgogoro ameunga mkono maamuzi aliyoyatoa Mkuu wa Wilaya hiyo ya kumzuia kwa muda wa siku 30 mama huyo kupita katika njia iluyopo kwenye eneo lake na yeye kutoingia katika nyumba hiyo yenye mgogoro mpaka pale watakapo weka mambo yao sawa na mahakama kutoa maamuzi kwani mama huyo amekuwa akitoa kauli za matusi wakati anapopita katika eneo hilo ameiomba serikali kumsaidia ili aweze kupata haki yake.

Kwa upande wake Mwanasheria wa Halmashauri ya Wilaya ya Arusha,Bi.Eliasifiwe Kileo amesema kuwa suala lolote linapofikishwa mahakamani kinachotakiwa kutekelezwa ni maamuzi ya mahakama hivyo amewataka wanafamilia hao kufuata amri iliyitolewa na mahakama ya kurudia kusikiliza utekelezaji wa amri ya baraza la kata katika baraza la ardhi la nyumba la wilaya.

Pamoja na hayo Kaimu Mkuu wa Idara ya Ardhi Halmashauri ya Wilaya ya Arusha,Bi.Hadija Ntimizi amesema kuwa migogoro mingi ya ardhi inatokana na maeneo kutorasimishwa hivyo kutokana na mgogoro huo amesema kuwa eneo hilo halina njia katikati.

"Moja ya kanuni katika urasimishaji kila kipande cha ardhi kifikike ili kuweza kutoa urahisi wa huduma pindi majanga yanapotoa ikiwa ni pamoja na kutokomeza vichochoro."Alieleza Bi.Hadija

Katika hatua nyingine Muro amesitisha ujenzi wa nyumba na utaratibu wa kuomba maeneo kwa ajili ya ujenzi wa nyumba katika maeneo katika eneo lililowazi kwa muda wa siku 7 hadi atakapokaa na kuzungumza na uongozi wa halmashauri,wakala wa mbegu ASA pamoja na wakaazi walio katika maeneo hayo.

Muro ameleza kuwa lengo ni kutafuta ukweli kama wakala wa mbegu ASA wametoa eneo hilo kwa Halmashauri na baada ya upimaji wa eneo hilo halmashauri waliweza kutoa kipaumbele kwa wananchi wanaokaa katika eneo hilo au lah!ikiwa ni pamoja na kutaka kufahamu kama Halmashauri imepima na kuuza viwanja.

"Katika hatua ya awali tumesitisha chchote hapa mpaka serikali ya wilaya itakapomaliza kulichunguza jambo hili na kuja kutoa taarifa rasmi kwenu wananchi ya nani anamiliki nini na nani ni nani katika eneo husika."Alieleza Muro.

Mkuu wa Wilaya ya Arumeru Mkoani Arusha,Ndg.Jerry Muro katikati akitoa ushauri kwa familia ya mzee Osujake ili kuweza kupata utatuzi katika  mgogoro wa ardhi kwenye familia hiyo.

Mkuu wa Wilaya ya Arumeru,Jerry Muro akiwataka wakazi wa Ngaramtoni walio katika eneo lililokuwa likimilikiwa na wakala wa mbegu ASA kuwa na subiri wakati serikali ya wilaya ikifanya mazungumzo na ASA pamoja na Halmashauri ya Arusha kuweza kubaini eneo hilo kama limepimwa na ninani miliki halali wa eneo hilo ili kuweza kutoa fursa kwa wakazi hao kununua eneo hilo na kujenga makazi yao.

Mkuu wa Wilaya ya Arumeru Jerry Muro akiwa na wanafamilia wenye mgogoro wa nyumba,mali ya marehemu mama yao.
 

BOLT yapokea uwekezaji wa Euro 20 millioni kutoka IFC kuongeza upatikanaji wa huduma za usafiri katika nchi zinazoendelea

 Kampuni inayoongoza ya usafiri kwa njia ya mtandao, Bolt imepokea uwekezaji wa €20 millioni (Euro) kutoka kwa Shirika la Kimataifa la Fedha (IFC) utakaosaidia kuongeza upatikanaji wa huduma za usafiri katika masoko yanayokua, ikiwemo Tanzania.

 Uwekezaji huo ambao unajumuisha huduma za ushauri kutoka IFC – mshirika wa Benki Ya Dunia, itasaidia Bolt kupanua huduma za usafiri zinazochangia ukuaji wa biashara ndogo ndogo, kukuza fursa za ajira na kuboresha upatikanaji wa huduma za usafiri katika masoko ya Afrika na Ulaya Mashariki.

  “Tuna matarajio makubwa ya kushirikiana na IFC kuchangia ujasiriamali, kuwezesha wanawake na kuongeza upatikanaji wa huduma nafuu za usafiri barani Afrika na Ulaya Mashariki. Uwekezaji huu ukijumuishwa na ule tuliopata mwaka jana kutoka Benki ya Uwekezaji Ulaya inatufanya tuwe na washirika wengi wakubwa wanaoamini umuhimu wa Bolt katika masoko mapya,” Markus Villig, Mkurugenzi Mkuu na Mwanzilishi wa Bolt alisema.

 Stephanie von Friedeburg, ambaye ni Makamu Mkuu wa Rais wa IFC anayesimamia masuala ya utendaji alisema “Teknologia inaweza na inafaa kufungua fursa mpya za maendeleo endelevu na kuwawezesha wanawake. Uwekezaji wetu katika kampuni ya Bolt unalenga kuwezesha teknologia kuleta mageuzi chanya katika sekta ya usafiri kwa njia ambazo ni rafiki kwa mazingira, kutoa fursa zaidi za ajira kwa wanawake na kuleta usafiri salama na wa gharama nafuu katika masoko yanayochipuka.”

 Bolt kwa sasa inapatikana katika nchi 7 barani Afrika huku ikitoa fursa za kipato wa madereva 400,000 katika miji 70 barani.

 “Tunaongeza kipato miongoni mwa jamii kwa kuwapa madereva wanaotumia mfumo wetu fursa za kujipatia malipo. Huduma zetu zinaleta mageuzi ya usafiri wa haraka na nafuu kwa mamilioni ya watu wanaoishi mjini,” Mkurugenzi wa Bolt Tanzania, Remmy Eseka alisema.

 Nchini Tanzania, Bolt inatoa huduma za usafiri wa magari, pikipiki (bodaboda) na pikipiki za miguu mitatu almaarufu bajajii katika miji ya Dar es Salaam, Dodoma, Arusha na Mwanza.