Monetary Policy Committee Statement

The Monetary Policy Committee (MPC) held its 213^th Ordinary Meeting on 6^th April 2021 to assess the recent performance of the economy and outcome of monetary policy. The MPC was satisfied with the performance of the economy, amidst circumstances of gloomy global growth caused by COVID-19. Against this backdrop, the MPC decided to maintain monetary policy easing stance to facilitate fast economic growth and lending to the private sector. The decision is in line with the objective of achieving inflation of 3-5 percent in 2020/21.

 The MPC was concerned about the slow pace of recovery of the global economy over recent months due to COVID-19 pandemic, and observed that the outlook has improved owing to fiscal stimulus and accommodative monetary policy executed in several countries. The improved growth prospects provide favourable environment for exports and investment in the country.

 On domestic economy, the MPC observed that the performance was fairly satisfactory compared to regional peers, despite global effects of the pandemic on economies. The economy grew at 4.7 percent in the first three quarters of 2020, driven by construction, agriculture, transport, and mining and quarrying. Given the relatively good performance of some sectors in the fourth quarter, growth projection of 5.5 percent in 2020 could be realized. In 2021, the economy is projected to grow at 5.7 percent or higher, due to sustained public investment, normalization of global trade and investment, and rolling out of measures to improve the business environment and bank lending to the private sector.

 The MPC also took note of rebasing of consumer price index (CPI) in January 2021, to reflect current consumption pattern of goods and services by households, due to changes in taste, preference and technology. The new CPI covers 383 consumer goods and services compared to 278 in the old CPI. The proportion of core increased to 73.9 percent from 54.3 percent, while that of food declined to 28.2 percent from 38.5 percent, indicating growth in average income of households. Inflation remained low, within the target range of 3-5 percent, and is projected to remain low, despite renewed increase in oil prices in the world market. 

The external sector remained sustainable, benefiting from higher gold prices and subdued oil prices in the world market, despite realizing reduced tourism receipts. Foreign exchange reserves were adequate, sufficient to cover about 6.2 months of imports. Government fiscal operations were broadly on track, with satisfactory revenue performance, notwithstanding the global challenging environment on some sources. The country debt remains sustainable, with low risk of distress. 

 The MPC took note of the progress made by the Bank of Tanzania in addressing constraints to credit to the private sector and high lending rates, and underscored the need to expedite implementation of the measures adopted to facilitate growth of the economy. In addition, the MPC noted the extension of LIBOR cessation to 2023, and urged the Bank of Tanzania to continue engaging stakeholders during the transition period, with a view to reaching consensus on available alternative reference rates.

 Governor

  Bank of Tanzania

 Charles James, Michuzi TV

KATIBU Mkuu Wizara ya Katiba na sheria, Prof. Sifuni Mchome amewataka watumishi wa ofisi ya wakili Mkuu wa Serikali kuzingatia ushirikishwaji katika ngazi zote sambamba na kufanya kazi kwa uwazi, huku wakifuata miiko ya kazi yao.

Prof. Mchome ameyabainisha hayo jijini Dodoma wakati akifungua baraza la wafanyakazi wa ofisi ya wakili mkuu wa Serikali ambapo amesema kutokana na unyeti wa ofisi hiyo inahitajika kila mtumishi kufanya kazi wa weredi huku wakilenga kutafuta matokeo.

“ Mfuate maadili ya kazi yenu maadili yanakusaidia katika kutekeleza majukumu yako kikamilifu, sekta yenu ni muhimu sheria ikisimama na hata nchi itatulia” amesema Prof. Mchome.

Amesema mabaraza ya wafanyakazi ni muhimu sana katika maeneo ya kazi kwa sababu huko ndiko ushirikishwaji utafanyika ni muhimu kila taasisi iwe na mabaraza hayo ambayo yapo kwa mujibu wa sheria.

“Serikali itahakikisha taasisi zake zote zinatekeleza takwa hili la sheria la kuwa na mabaraza ya wafanyakazi huku ndiko kutafanyika ushirikishwaji katika mambo mbalimbali kwa watumishi katika ngazi zote” amesema.

Amesema katika majukumu yao wafanye kazi wakilenga kupata matokeo chanya katika kutafuta ushindi katika kesi mbalimbali ambazo wanazisimamia katika ofisi zao zilizopo katika maeneo mbalimbali hapa nchini.

Amewataka kujenga utaratibu wa kufanya tathmini za mara kwa mara katika kazi wanazozifanya ili kuona namna ya kuboresha kazi zao kwani bila tathmini hawawezi kupata kile walichokusudia katika sekta ya sheria hapa nchini.

Ameongeza kuwa “mkasikilize kero za wananchi tunakofanya ziara huko mikoani malalamiko ni mengi, naamini huko mnaofisi zenu mkashughulikie hayo malalamiko ni mengi sanaesema.

Aidha amewataka wataalamu hao kwendana na kasi ya sasa na sio kufanyakazi kwa mazoea kwani kwa sasa nchi imeingia katika uchumi wa kati hivyo nao wabadilishe namna ya ufanyaji kazi ili kuendana na kasi ya uchumi wa kati ili kama nchi kupata mafanikio zaidi.

Awali Wakili Mkuu wa Serikali ambaye pia ni mwenyekiti wa baraza hilo, Gabriel Malata amesema kikao hicho ni cha pili kwa mwaka wa fedha 2020 -2021, ambao wanakutana kwa ajili ya kujadili mambo mbalimbali yanayohusu ofisi hiyo.

Pia amebainisha kuwa ofisi ya wakili Mkuu wa Serikali ilianzishwa Feb, 12, 2018 na aliyekuwa Rais wa awamu ya tano hayati Dkt John Magufuli na kupewa jukumu la kuendesha, kuratibu, na kusimamia mashauri mbalimbali yanayohusu Serikali na taasisi zake.

Amesema katika kipindi cha mwezi julai 2020, hadi Februari 2021 ofisi hiyo imeshughulikia jumla ya mashauri 3715, kati ya hayo mashauri ya madai ni 3625 na 90 ni ya usuluhishi, jumla ya mashauri 451 kati ya 3715 yaliendeshwa na kumalizika.

Kati ya mashauri hayo 422 ni ya madai ambayo yanajumuisha mashauri 418 ya madai ya ndani ya nchi yakiwamo 13 ya uchaguzi na mashauri manne (4)ya madai ya nje ya nchi, na kukamilika kwa mashauri hayo kumepelekea kuokoa zaidi ya shilingi  bilioni 643.7, ambazo zingelipwa na serikali kama ingeshindwa.

Aidha amesema ofisi hiyo inakabiliwa na changamoto mbalimbali ikiwamo ya kukosa muundo wa uendeshaji wa ofisi hiyo ambapo kwa sasa wanatumia muundo wa ofisi ya mwanasheria mkuu wa serikali.

Na Mwandishi Wetu.

TAASISI ya ECLA Africa Consult  yenye makao makuu yake Jijini Dar es Salaam, inayojihusisha na masuala ya ukaguzi, ushauri wa kifedha na kodi  inatarajia kuendesha kwa vitendo mafunzo ya siku tano kwa wahasibu na wakaguzi  kutoka NGO's, taasisi za Kidini na  mashirika ya serikali.

Aidha mafunzo  yatahusisha mbinu ya kuandaa taarifa za fedha (financial statements)  kwa kutumia mfumo wa IPSAS (IPSAS framework).

Mafunzo hayo yameandaliwa kufuatia maamuzi ya Bodi ya wahasibu na wakaguzi, ya 22 June 2020 kubadili mfumo wa kuandaa taarifa za kifedha kutoka IFRS (International Financial Reporting Standards) kwenda IPSAS (International Public Sector Accounting standards)  kwa NGOs, Taasisi za dini na Mashirika.

Akizungumza juu ya mafunzo hayo Meneja Ubia  wa ECLA Africa Consult,  Lauden Cheyo, alisema kuwa, mafunzo hayo yanatarajiwa kufanyika  kuanzia 12 Aprili hadi 16 Aprili, mwaka huu katika hoteli ya Regency Park , iliyopo Mikocheni Jijijini Dar es Salaam.

"ECLA Africa Consult, tayari tumefungua milango kuanzia  Aprili Mosi mwaka huu kwa washiriki kujiunga na mafunzo haya kwa vitendo  kwa kulipia kiasi cha Shilingi za kitanzania Milioni moja (Mil.1000000)" alisema Cheyo  na kuongeza kuwa

"Nafasi bado zipo kwa mshiriki kuweza kulipia kupitia benki ya CRDB akaunti namba 0150554143800, jina la akaunti Ecla Africa Consult."

Aidha Cheyo  alieleza kuwa, washiriki watapata wasaa wa kupata mafunzo hayo ya kibobezi na mwisho wa mafunzo hayo  washiriki wote  watatunukiwa vyeti maalum.

Aidha, washiriki pia wanaweza kuwasiliana na waandaji hao moja kwa moja kupitia mawasiliano yao +255762148095 ama +255713040994.

Pamoja na mambo mengine  Cheyo alijinasibu kuwa Kampuni ya ECLA Africa Consult inaamini mafunzo hayo yataleta tija kwa washiriki kwa kuwawezesha kuandaa taarifa za fedha zinazokidhi viwango vya mfumo wa IPSAS.

Na WAMJW-Dodoma

Waziri wa Afya, Maendeleo ya Jamii, Jinsia, Wazee na Watoto Dkt. Dorothy Gwajima amewataka watumishi wa Wizara hiyo pamoja na Sekta ya Afya kwa ujumla kukubali mabadiliko ya uongozi na kuangalia namna ya uendeshaji ili kuzidisha uweledi katika maeneo yao ya kazi.

Waziri Gwajima amesema hayo leo wakati wa hafla fupi ya kuwapokea viongozi wapya walioteuliwa na  Rais wa Jamhuri ya Muungano wa Tanzania Mhe. Samia Suluhu Hassan na kuapishwa mapema wiki hii.

Viongozi hao ni Katibu Mkuu Prof. Abel Makubi pamoja na Mganga Mkuu wa Serikali Dkt. Aifello Sichwale ambao leo wameripoti rasmi ofisi za  Wizara  jijini Dodoma.

"Tuimalishe mifumo ya kufanya kazi pamoja kama tulivyoimarisha mifumo ya kufanya na mataifa mengine, tuna makubaliano ya kufanya kazi pamoja katika kutekeleza dira ya afya duniani. Tunashindwaje kuwa na makubaliano ya kufanya kazi pamoja katika kutekeleza sera yetu?". amehoji Waziri Gwajima.

Waziri Gwajima ameongeza kuwa kuna watu huwa wanaanzisha ajenda ambazo kimsingi Wizara inakua haina haja nazo huku akitoa onyo kwa watumishi wa Wizara ya Afya pamoja na Ofisi ya Rais TAMISEMI kutoandaa vikao ambavyo ajenda zake zinakua siyo za kueleweka.

Aidha, Waziri Gwajima ameagiza wakurugenzi wa idara zilizopo Wizarani kutengeneza vikao vya mashirikiano ili kuwezesha mnyororo wa kutoa huduma za afya kufanyika kwa uweledi na kuepusha malalamiko kutoka kwa wananchi.

Naye Naibu Waziri wa Afya Dkt. Godwin Mollel amesema ushirikiano baina ya viongozi mbalimbali wa Wizara pamoja na taasisi zake ni chachu kubwa ya kuleta mabadiliko ya kiutendaji na kuongeza kuwa viongozi hao wote ni washauri wa Mhe. Waziri wakiwa na lengo la kuboresha huduma za afya nchini.

Kwa upande wake Katibu Mkuu Prof. Abel Makubi amesema ana imani kubwa kuwa wataalamu waliopo katika Sekta ya Afya wanaweza kufanya kazi nzuri katika kusimamia afya za Watanzania na kuweza kutimiza matarajio ya Rais. Lakini pia Prof. Makubi amewashukuru watumishi wa afya kwa kazi kubwa na hakusita kuomba ushirikiano kutoka kwao ili kuweza kuitekeleza sera ya afya ambayo iliandaliwa na Wizara.

Vilevile Mganga Mkuu wa Serikali Dkt. Aifello Sichwale akitoa Shukrani zake mbele ya Waziri Gwajima amebainisha maeneo yake kadhaa ya utendaji ili kuboresha sekta ya afya.

Ametaja  maeneo hayo ni Uongozi, Uwajibikaji na Utawala bora. Eneo la pili ni kuhusu masuala ya fedha, eneo la tatu ni kuhusu bidhaa za afya, Nne ni Rasilimali watu, Tano ni Masuala ya TEHAMA, Sita ni Huduma kwa Mteja, Saba ni kuhusu masuala ya utafiti na la Nane ni Kuhusu ushirikiano na Sekta Binafsi

Katibu Mkuu wa Wizara ya Afya Prof. Abel Makubi akitoa neno la shukrani kwa watumishi wa Wizara ya Afya (Hawapo pichani) wakati akipokelewa katika Wizara hiyo Jijini Dodoma.

Na. Peter Haule na Saidina Msangi, WFM, Dodoma

Serikali imesema kuwa Benki Kuu ya Tanzania (BoT) hutoa adhabu kwa Benki yeyote itakayobainika kusababisha fedha za mteja kuibwa kutokana na utaratibu uliowekwa na Benki husika kuwa na kasoro.

Hayo yamebainishwa bungeni jijini Dodoma na Naibu Waziri wa Fedha na Mipango, Mhe. Mhandisi, Hamad Yussuf Masauni (Mb), alipokuwa akijibu swali la msingi la Mbunge wa Jang’ombe, Bw. Ali Hassan King, aliyehoji wizi unapotokea kwenye akaunti ya benki ya mteja uliofanywa na mtumishi wa benki nani mwenye wajibu wa kumlipa mteja.

“Endapo itabainika kuwa wizi umefanywa na mtumishi wa Benki, hatua stahiki huchukuliwa kwa mujibu wa sheria na taratibu zilizopo ikiwa ni pamoja na mteja kulipwa kiasi alichoibiwa”, alisema Mhandisi Masauni.

Alieleza kuwa mhalifu huchukuliwa hatua za kinidhamu pamoja na kufikishwa kwenye vyombo vya sheria ili Sheria ichukue mkondo wake.

Mhandisi Masauni alibainisha kuwa, wizi unapotokea kwenye akaunti ya benki ya mteja, uchunguzi wa kina hufanywa na vyombo husika katika masuala ya upelelezi ikiwa ni pamoja na Jeshi la Polisi na Taasisi ya Kuzuia na Kupambana na Rushwa (TAKUKURU) kwa kadri hali na mazingira ya tukio yatakavyokuwa.

Na Dotto Mwaibale, Singida.

VIONGOZI wa dini wamewataka wazazi kutowaruhusu na kuwaelekeza watoto wao mambo ya kufanya na yale yasio wapasa kuyafanya kuliko kuogopa wakidhani kufanya hivyo ni kuwajengea tabia mbaya.

Hayo yalisemwa jana na viongozi hao katika Kata ya Uhamaka Manispaa ya Singida walipokuwa wakipatiwa mafunzo ya kuwawezesha kupambana na ukatili wa kijinsia yanayotolewa na Shirika lisilokuwa la Serikali la Empower Society Transform Lives (ESTL) la mkoani hapa.

Katika Mafunzo hayo yaliyoshirikisha makundi mbalimbali yenye zaidi ya watu 70 ya vijana, wakunga wa jadi, mangariba wastaafu,watu maarufu pamoja na viongozi wa dini ndani ya kata hiyo, Viongozi hao walieleza bayana kuwa baadhi ya wazazi wamekuwa kuwa wakiwaachia uhuru sana watoto wao na kupelekea kujifunza mambo yasiyofaa ambayo yanakuja kuzaa vitendo vya ukatili.

"Wapo wazazi hasa wa kike wanatumia hizi simu kubwa angali hawajui vitu vingi vilivyopo kwenye hiyo simu,kuitumia hiyo simu sio shida lakini unakuta mtoto ndio anajua vitu vingi kwenye Simu ya Mzazi mpaka Video za Ngono na mzazi yupo anaangalia baada ya siku utasikia amebaka ama amepata ujauzito kabla ya wakati."

Aidha waliomba viongozi kwenye nyumba zao za ibada kukemea kwa nguvu zote na kutoruhusu ndoa za utotoni huku wakiwafundisha waumini wao bila kuogopa mambo yasiyofaa kwenye jamii bila kuyaficha ficha ili kuokoa na kujenga jamii itakayo kuwa na maadili mema.

 Monica Irumba ambaye ni Mkunga wa Jadi alisema kukosekana kwa elimu kwa wazazi ni chanzo mojawapo ya kuendelea kuwepo ukatili wa kijinsia kwani wazazi wengi wanaishi kwa mazoea ndio maana wengine ukiwauliza kwanini anamkeketa mtoto atakwambia nimekuta bibi yangu anafanya hivi.

"Niwaombe wazazi wenzangu tuishi kwa upendo, upendo ukikosekana ndio inapelekea kuwepo Vitendo vya ukatili,tuache mazoea,tuachane na mila zisizofaa." alieleza Monica kwa uchungu.

ESTL imeendelea kutoa mafunzo mbalimbali ya kuiwezesha jamii kupambana na ukatili wa kijinsia kwenye maeneo yao kupitia mradi wao wa kutokomeza ukatili na ukeketaji mradi unaofadhiliwa na Ubalozi wa Finland hapa nchini ukitekelezwa na Shirika hilo chini ya Mratibu Annamaria Mashaka.

 Mwanamfalme Philip, mume wa Malkia Elizabeth II wa Uingereza amefariki dunia akiwa na umri wa miaka 99.

Tangazo kutoka Kasri ya Buckingham linaeleza: "Ni kwa masikitiko makubwa, Malkia ametangaza kifo cha mumewe mpenzi, Mwanamfalme Philip, Duke (Mtawala) wa Edinburgh."

Waziri Mkuu wa Uingereza Boris Johnson anasema ni "kwa huzuni kubwa" kupokea habari za kifo cha Mwanamfalme Philip kutoka Kasri la Buckingham.

Mwanamfalme Philip alimuoa Bintimfalme Elizabeth mnamo 1947, miaka mitano kabla ya kuwa Malkia, na amekuwa mwenza wa mfalme ama malkia aliyehudumu kwa muda mrefu zaidi katika historia ya Uingereza.

 

Mwanamfalme Philip akiwa na mkewe Malkia Elizabeth II wakati wa uhai uhai wake.

MWANAMFALME Philip ambaye pia ni mume wa Malkia Elizabeth II amefariki dunia akiwa na umri wa miaka 99.

Kwa mujibu wa taarifa iliyotolewa na kasri ya Buckingham kwa niaba ya Malkia imeelezwa  kuwa, "Kwa masikitiko Malkia anatangaza  kifo cha mumewe kipenzi,  Mwanamfalme Philip mtawala wa Edinburgh aliyefariki dunia kwa amani leo asubuhi Katika kasri ya Windsor Castle."

Mwanamfalme Philip alimuoa binti mfalme Elizabeth mwaka 1947 kabla ya kuwa Malkia miaka mitano baadaye na kuwa Malkia aliyehudumu kwa muda mrefu zaidi nchini Uingereza.

Mwanamfalme Philip alipata heshima kutoka kwa watu wengi kutokana na kujitolea na kumuunga mkono mkewe Malkia Elizabeth II katika kazi zake, na malkia alipenda  kumwelezea mumewe kwa maneno mawili ya  'Strength and Stay.'

Viongozi mbalimbali wametuma salamu za rambirambi kwa familia huku Waziri mkuu wa Taifa hilo Boris Johson akimwelezea Mwanamfalme Philip kuwa ni jasiri aliyeongoza familia ya kifalme na ufalme kwa upendo wa hali ya juu.

 Na Prisca Ulomi, WMTH
 
Waziri wa Mawasiliano na Teknolojia ya Habari, Dkt. Faustine Ndugulile amewataka watumishi wa Wizara yake pamoja na taasisi zilizo chini ya Wizara hiyo kufanya kazi kwa kasi ya Serikali ya Awamu ya tano ya Jamhuri ya Muungano wa Tanzania inayoongozwa na Mhe. Samia Suluhu Hassan
 
Dkt. Ndugulile ameyasema hayo wakati akifungua mkutano namba 2/2020/2021 wa Baraza la Wafanyakazi wa Wizara ya Mawasiliano na Teknolojia ya Habari kilichofanyika kwenye ukumbi wa mikutano wa Jakaya Kikwete, Dodoma
 
Amewaeleza wafanyakazi wa Wizara hiyo kuwa wameyasikia maelekezo ya Mhe. Samia Suluhu Hassan kwa Wizara yetu ikiwemo usimamizi na uendeshaji wa Mkongo wa Taifa wa Mawasiliano, Shirika la Mawasiliano Tanzania (TTCL), mikakati ya kufikisha mawasiliano kwenye maeneo ya pembezoni mwa nchi yetu na kuangalia upya suala la mabando na kuweka uratibu mzuri wa utekelezaji wake pamoja na ripoti ya Mdhibiti na Mkaguzi Mkuu wa Hesabu za Serikali (CAG), Charles Kichere ambapo tayari Wizara ilianza kuyatekeleza na kufanyia kazi hivyo ana imani kuwa wataalamu wa Wizara wana majibu yote na ndio umuhimu wa kufanya kazi kwa pamoja na kwa ushirikiano
 
Vile vile, amesisitiza kwa wafanyakazi hao kuwa Wizara hii sio ya kwake wala ya menejimenti ya Wizara hiyo bali ni Wizara ya wafanyakazi wote, hivyo wafanyakazi wote wana wajibu wa kutumikia watanzania kuendana na majukumu ya kila mfanyakazi kwa kuongeza kasi zaidi ya kutekeleza majukumu ya Wizara ikizingatiwa kuwa Wizara imeongezewa bajeti kutoka shilingi bilioni kumi na sita kwa mwaka wa fedha wa 2020/21 na kufikia shilingi bilioni 216 kwa mwaka wa fedha wa 2021/22.
 
Pia, amewataka wafanyakazi kuhakikishia wanaongeza kasi ya kuitambulisha Wizara mpya kwa wananchi ili waelewe majukumu ya Wizara kwa kuzingatia kuwa Wizara hii ndiyo yenye dhamana ya masuala ya TEHAMA nchi nzima na inasimamia utekelezaji wa Sera ya Taifa ya TEHAMA na Wizara hii ni mtambuka, ni kiungo mchezeshaji kwa kuwa inagusa nyanja ya kijamii, kiuchumi, ulinzi na usalama
 
Naye Naibu Waziri wa Wizara hiyo, Mhandisi Kundo Andrea Mathew amewaeleza wafanyakazi hao kuwa Serikali ya Awamu ya Tano na ya Sita ni sawa na makocha wa mpira, hivyo kila mmoja awajibike kutekeleza majukumu yake na kuonesha anatosha katika nafasi yake na kuendeleza ushirikiano baina ya wafanyakazi na viongozi ili Wizara iweze kutekeleza majukumu yake kuendana na matakwa ya Serikali ya sasa
 
Katibu Mkuu wa Wizara hiyo, Dkt. Zainab Chaula amesema kuwa lengo la Mkutano huo ni kutoa taarifa ya utekelezaji wa majukumu ya Wizara kwa mwaka wa fedha wa 2020/21 na kuwasilisha mpango wa bajeti kwa mwaka 2021/22; mada mbali mbali zinazohusu afya na ustawi wa wafanyakazi mahali pa kazi na kuhimiza viongozi kuzingatia maslahi ya wafanyakazi na kuleta umoja, mshikamano na upendo kazini.
 
Mwenyekiti wa TUGHE wa tawi la Mawasiliano, Laurencia Masigo, akizungumza kwa niaba ya wafanyakazi wa Wizara hiyo, amewashukuru viongozi wa Wizara kwa kuchochea amani mahali pa kazi na kuwaomba viongozi kufuatilia mwongozo wa gharama za usafiri wa mabasi kutoka kwa Wakala wa Barabara Tanzania (TANROADS) na Wakala wa Usafiri Nchi Kavu (LATRA) ili watumishi waweze kulipwa nauli stahiki wakati wa likizo zao na kufuatilia malipo ya malimbikizo ya mishahara kwa watumishi kwa mamlaka husika ili watumishi 19 waliobaki kati ya watumishi 30 waweze kulipwa.
 

 SHINDANO maalumu la 'The Capital Markets, Universities and Higher Learning Institutions Challenge' kwa wanafunzi wa vyuo vikuu na Taasisi za elimu ya juu za Tanzania Bara na Visiwani Zanzibar lililoendeshwa kwa njia ya Teknolojia ya Mawasiliano na Mamlaka ya Masoko ya Mitaji na Dhamana limefika tamati na jumla ya washindi  80 sawa na asilimia 0.4 ya washiriki 21338 wamepatikana na kupatiwa zawadi zao.

Akizungumza na waandishi wa habari Mkoani Dar es Salaam Afisa Mtendaji Mkuu wa Mamlaka ya Masoko ya Mitaji na Dhamana (CMSA),CPA Nicodemus Mkama alisema kuwa Mamlaka hiyo iliendesha shindano kwa wanafunzi wa vyuo vikuu na Taasisi za elimu ya juu kwa malengo ya kujenga uelewa na weledi wa masoko ya mitaji na uwekezaji nchini.

"Shindano hili lilifunguliwa Agosti 4,2020 na kufungwa Novemba 30, 2020 na liligawanyika katika makundi mawili ambalo kundi la kwanza lilikuwa ni la kujibu maswali 100 yaliyolenga kujenge uwezo kwa washiriki kuhusiana na masuala ya masoko ya mitaji na uwekezaji, na kundi la pili lilikuwa ni la kuandika Insha ya kueleza fursa na faida zinazopatikana katika uwekezaji wa masoko ya mitaji kwa mifano." Amesema.

Mkama amesema, katika mashindano hayo washindi ni wale waliopata alama za juu kuzidi washiriki wengine na hafla hiyo ni muendelezo ya kujenga uelewa zaidi kuhusiana na masuala ya masoko ya mitaji na uwekezaji, sekta ambayo inazidi kuendelea zaidi kutokana na matumizi ya Teknolojia ya Habari na Mawasiliano.

"Ushiriki wa wanafunzi umezidi kuongezeka zaidi kutokana na matumizi ya Teknolojia ya Habari na Mawasiliano ambapo tunatumia simu za mkononi, Internet na barua pepe katika kuwafikia washiriki na tunaona wanafunzi hapa wametoka katika vyuo mbalimbali ikiwemo Mzumbe- Morogoro, Dar es Salaam, UDOM,St.Joseph, St.Augustine na Zanzibar." Amesema.

Amesema shindano hilo ni la kwanza kufanyika barani Afrika kwa kutumia Teknolojia ya Mawasiliano na limekuwa kivutio kwa wasimamizi wengi wa masoko ya mitaji barani humo na wengi wametoa hitaji la kutaka kujifunza na kuliendesha katika nchi zao.

Katika shindano hilo mshindi wa kwanza kwa kila shindano amezawadiwa fedha za kitanzania shilingi milioni moja na laki nane, mshindi wa pili milioni moja na laki nne, mshindi wa tatu shilingi laki nane, washindi wa tano hadi 20 shilingi laki mbili na washindi walioingia katika fainali wamepatiwa vyeti vya utambuzi pamoja na T-Shirt.

 ''Washindi watatu waliopata alama za juu katika makundi yote watagharamiwa ziara ya kwenda kujifunza na kutembelea miradi mbalimbali ya kimkakati ambayo inagharamiwa na Mamlaka ya Masoko ya mitaji na Dhamana, Mamlaka hii uwekezaji wa Trilioni 29 fedha za kitanzania ambapo trilioni 15 ni uwekezaji katika hisa, Trilioni 11 ni hati fungani (serikali na kampuni,) na Bilioni 500 ni uwekezaji wa mifuko ya pamoja hii inathibitisha umuhimu wa Mamlaka hii katika sekta ya fedha na uchumi.'' Amesema.

Shindano hilo lililoanza na washiriki 2000 limefikia kiwango cha kuwafikia washiriki 20,000 zaidi kutoka vyuo vikuu mbalimbali vya Tanzania Bara na Visiwani Zanzibar huku matunda ya mashindano hayo yakionekana kwa baadhi ya washiriki kuwekeza katika masoko ya mitaji na mifuko ya pamoja.

Afisa Mtendaji Mkuu wa Mamlaka ya Masoko ya Mitaji na Dhamana (CMSA),CPA Nicodemus Mkama akizungumza wakati akihitimisha  Shindano maalumu la 'The Capital Markets, Universities and Higher Learning Institutions Challenge' kwa wanafunzi wa vyuo vikuu na Taasisi za elimu ya juu za Tanzania Bara na Visiwani Zanzibar lililoendeshwa kwa njia ya Teknolojia ya Mawasiliano na Mamlaka ya Masoko ya Mitaji na Dhamana ,ambapo jumla ya washindi  80 sawa na asilimia 0.4 ya washiriki 21338 wamepatikana na kupatiwa zawadi zao.

Washindi wa  Shindano maalumu la 'The Capital Markets, Universities and Higher Learning Institutions Challenge' wakiwa katika picha ya pamoja na Waandaji wakiongozwa na Afisa Mtendaji Mkuu wa Mamlaka ya Masoko ya Mitaji na Dhamana (CMSA),CPA Nicodemus Mkama (pichani kati),Mashindano hayo yalikuwa maalum kwa wanafunzi wa vyuo vikuu na Taasisi za elimu ya juu za Tanzania Bara na Visiwani Zanzibar lililoendeshwa kwa njia ya Teknolojia ya Mawasiliano.

Baadhi ya Wanafunzi kutoka vyuo mbalimbali wakifuatilia yaliyokuwa yakijiri kwenye Shindano maalumu la 'The Capital Markets, Universities and Higher Learning Institutions Challenge' kwa wanafunzi wa vyuo vikuu na Taasisi za elimu ya juu za Tanzania Bara na Visiwani Zanzibar lililoendeshwa kwa njia ya Teknolojia ya Mawasiliano na Mamlaka ya Masoko ya Mitaji na Dhamana likifikia tamati,ambapo jumla ya washindi  80 sawa na asilimia 0.4 ya washiriki 21338 wamepatikana na kupatiwa zawadi zao.

Majaji waktafuta washindi wa shindano hilo

Wakifuatilia yaliyokuwa yakijiri ukumbini humo wakati wa kutafuta Washindi

 Na WAMJW- Dom

Mganga Mkuu wa Serikali ametakiwa kusimamia mifumo ya uwajibikaji katika sekta ya afya nchini ili kupunguza vifo vya wajawazito pamoja na kupanua huduma za kibingwa ikiwemo vifaa vya kisasa ili kuvutia nchi za jirani kupata huduma za afya hapa nchini

Hayo yamesemwa na Katibu Mkuu Wizara ya Afya, Maendeleo ya Jamii, Jinsia, Wazee na Watoto (Idara Kuu Afya), Prof. Abel Makubi, leo tarehe 9 Aprili,2021 wakati  akimkabidhi ofisi Mganga Mkuu wa Serikali  Dkt. Aifelo  Sichalwe kwenye ofisi ya Mganga Mkuu wa Serikali  iliyopo katika mji wa Serikali Mtumba Jijini Dodoma.

Prof. Makubi ambaye alihudhumu nafasi ya Mganga Mkuu wa Serikali  hapo awali amempongezà Dkt. Sichalwe kwa kuaminiwa na Rais wa Jamhuri ya Muungano wa Tanzania Mhe. Samia Suluhu Hassan na kuteuliwa kuwa Mganga Mkuu wa Serikali.

Aidha, Prof. Makubi amemtaka CMO huyo kusimamia  kusimamia suala la dawa, vifaa na vifaa tiba, kupambana na magonjwa yasiyoambukiza,  huduma za tiba asili,  ujenzi wa miundombinu pamoja na kusimamia mwenendo wa kuanza kwa Bima ya Afya kwa wote.