Charles James, Michuzi TV

SERIKALI imewaagiza maafisa elimu kata kuhakikisha wanasimamia fedha na miradi yote ya  elimu katika  shule za msingi na sekondari ili ikamilike kwa wakati na kuleta manufaa kwa jamii na Taifa kwa ujumla.

Hayo yamesemwa leo jijini Dodoma na Naibu Waziri Ofisi ya Rais Tamisemi, David Silinde wakati akifungua kikao cha maafisa elimu kata nchini(UMEKTA).

“Kuhusu usimamizi wa fedha na miradi ya elimu, kila Afisa Elimu kata asimamie miradi na fedha zote za serikali ndani ya kata yake kwa shule zote za msingi na sekondari.

Baadhi yenu mnazembea kwenye usimamizi na kuisababishia Serikali hasara na kutokuonekana kwa thamani ya fedha kwenye baadhi ya miradi inayotekelezwa katika Kata zetu,” Amesema Silinde.

Silinde amesema  imebainika kuwa baadhi ya walimu wamekuwa na mikopo mingi kupita kiasi hali inayopelekea kukosa utulivu kazini na kusababisha utendaji kazi usioridhishi hivyo kila Afisa Elimu kata ametakiwa kuhakikisha, walimu wanaelimishwa juu ya madhara ya mikopo hiyo.

Amesisitiza maafisa elimu kata wanatakiwa kusimamia  kikamilifu ufundishaji na ujifunzaji wa wanafunzi katika Shule za Msingi na Sekondari kwa kuwa imebainika kuwa baadhi ya Maafisa Elimu kata hawasimamii shule za Sekondari.

“Kila Afisa Elimu Kata afanye tathmini ya maendeleo ya taaluma kwenye kata yake ili kubaini changamoto zinazokwamisha utoaji wa elimu bora ndani ya kata husika na kuzitafutia ufumbuzi kwa kushirikisha jamii na viongozi wa kata husika,” Amesema Naibu Waziri Silinde.

Kwa upande wake Naibu Katibu Mkuu TAMISEMI Gerald Mweli amesema  Serikali imewawezesha maafisa elimu kata kwa  kuwapa nyenzo ya usafiri pamoja na posho ya kuwasaidia kutekeleza majukumu yao.

Amesema hata hivyo, baadhi wamekuwa hawatimizi majukumu yeo ipasavyo ikiwemo kutokufika kwenye shule kwa muda mrefu.

“Tutakuwa na usimamizi wa karibu kuona kuwa, mnatekeleza majukumu yenu, na pale ambapo itabainika kuwa na udhaifu au uzembe, hatua kali za kisheria na kiutumishi zitachukuliwa dhidi ya wahusika,” Amesema Mweli.

Mweli ameongeza kuwa ili kuboresha mazingira ya kufundishia na kujifunzia kwenye Shule za Msingi na Sekondari, Serikali kwa kushirikiana na Wadau mbalimbali, Washirika wa Maendeleo na jamii imejenga vyumba vya madarasa kwenye shule za msingi na hivyo kuongezeka kutoka 115,665 mwaka 2015 hadi kufikia 136,292 mwaka 2020.

“Wakati huo huo, idadi ya shule za msingi imeongezeka kutoka 16,899 mwaka 2015 hadi 17,804 mwaka 2020 na shule za Sekondari kutoka 4,708 mwaka 2015 hadi 5,330 mwaka 2020,” Amesema Mweli.

Naibu Waziri Ofisi ya Rais Tamisemi, David Silinde 

Charles James, Michuzi TV

WAZIRI wa Elimu Sayansi na Teknolojia, Prof Joyce Ndalichako amezionya Halmashauri zote nchini ambazo zimekua na tabia ya kufanya udanganyifu kwenye uandikishwaji wa wanafunzi ambao wanamaliza Darasa la Saba.

Prof Ndalichako ametoa kauli hiyo leo jijini Dodoma alipokua akizindua mkutano wa Baraza la Wafanyakazi la Wizara hiyo ambapo amewataka watumishi wote wa Wizara kuzingatia weledi na kuacha kutumia lugha za ubabe wanapowahudumia wateja wao.

Akizungumzia suala la udanganyifu wa wanafunzi wanaoandikishwa kwa ajili ya mitihai ya kumaliza Darasa la Saba, Prof Ndalichako amesema amepata taarifa ya halmashauri ambazo zimeondoa majina ya wanafunzi wanaotakiwa kufanya mitihani hiyo kwa kuepuka kwamba watafeli na kuziletea sifa mbaya halmashauri hizo.

Ametoa onyo kwa maafisa elimu wa halmashauri hizo na walimu wakuu kwenye shule ambazo zimeondoa majina ya wanafunzi hao kuacha mara moja na wale watakaokaidi hatua kali za kisheria zitachukuliwa dhidi yao.

" Nimepata taarifa kutoka kwa raia mwema kuhusu hii tabia kwenye Halmashauri nchini ambapo kwa makusudi kabisa maafisa elimu na walimu wakuu wanaondoa majina ya wanafunzi wenye uwezo mdogo kwa kuepuka kwamba watafeli na halmashauri zao kuonekana zinafanya vibaya, wanachokifanya wanawarudisha hao wanafunzi darasa la sita.

Nitoe onyo kwa maafisa elimu wote kuacha mara moja tabia hiyo na wale wote waliofanya udanganyifu huo majina yao ntayapeleka Tamisemi ili wachukuliwe hatua maana Tamisemi ndio wanahusika nao," Amesema Prof Ndalichako.

Amesema serikali imeamua kuwekeza kwenye elimu kwa kutoa elimu bila malipo hivyo kitendo cha kuwaondoa wanafunzi hao ni kuchongesha serikali na wananchi kwani hao wanafunzi wanaorudishwa nyuma bila mpango wa serikali wanakua hawapo kwenye hesabu ya elimu bila malipo.

" Unajua serikali tunatenga fedha nyingi kwenye Sera hii ya elimu bila malipo, hawa maafisa elimu na walimu wakuu wanavyowarudisha nyuma hawa wanafunzi wakati serikali ishatenga bajeti yao inaajua wanamaliza matokeo yake mwaka unaofuata idadi ya wanafunzi inaongezeka nje ya kiasi kilichopangwa," Amesema Prof Ndalichako.

Waziri Ndalichako amewatoa hofu pia watumishi wote wenye sifa za kupandishwa madaraja kuwa watapandishwa kwani tayari Katibu Mkuu wa Wizara hiyo, Dk Leonard Akwilapo ameshapeleka taarifa zao Ofisi ya Rais Utumishi.

" Niwaombe mfanye kazi kwa bidii ili kuipa sifa zaidi wizara yetu, Rais Mama Samia ameendelea kutuamini ndio maana mnaona timu yote Mimi, Katibu Mkuu na Naibu Katibu Mkuu wote tumerudishwa hajatubadilisha, hiyo maana yake anatuamini sana, twendeni tukafanye kazi kwa weledi kwa kufuata taratibu na sheria zetu na watakaofanya vizuri basi tunawapandisha madaraja maana inakua ni haki yao, mtu akifanya vizuri lazima apewe haki yake.

Nisisitize tena nidhamu makazini hasa kuwa waungwana na wastaarabu kwa wananchi wetu, haiwezekani mtu amefunga safari amefuata huduma toka asubuhi hadi jioni yupo tu na bado unamwambia arudi kesho, huu siyo uungwana ni kuwagombanisha wananchi na serikali yao, tabia hii sitaki kuiona nachotaka ni utii, ufanisi na utendaji kazi uliotukuka," Amesema Prof Ndalichako.

WAZIRI wa Elimu Sayansi na Teknolojia, Prof Joyce Ndalichako

 Zainab Nyamka, Michuzi Tv

WANANCHI wa Wilaya ya Mkuranga waanza kunufaika na mradi wa Mkubwa wa Maji uliotumia takribani Bilion 5.6 hadi kukamilika.

Mradi wa Maji Mkuranga umetekelezwa na Mamlaka ya Majisafi na Usafi wa Mazingira Dar es Salaam (DAWASA) ili kuondoa adha ya maji ya muda mrefu kwa  wakazi wa eneo hilo.

Mamlaka imewezea kutumia fedha za ndani kukamilisha mradi huo ambapo zoezi lililobaki ni kuanza maunganisho mapya kwa wateja walioomba kupatiwa huduma ya maji safi.

Akizungumzia kukamilika kwa mradi huo, Mhandisi wa DAWASA Mkuranga Richard Katwiga amesema tayari maji yameshaingia kuanzia Aprili 02, mwaka huu katika tanki lenye ujazo wa lita 1.5 na leo mafundi watafungulia ili kuweza kuyaruhusu maji kusafisha mtandao wa mabomba waliyoyalaza kabla ya kuanza kupeleka huduma kwa wateja.

Amesema, wamelaza mtandao wa mabomba takribani km 65 katika kata ya Mkuranga na Kiparang'anda ambazo zitaanza kufaidika na mradi huo kwenys awamu ya kwanza kabla ya kwenda maeneo mengine ya karibu.

"Maji tayari yameshaingia katika tanki letu hatua iliyobaki ni kuyaruhusu kutoka ili yakasafishe mtandao wa mabomba ambao tumeulaza kwa km 65 kwenye kata za Mkuranga na Kiparang'anda," amesema.

Katwiga amesema, wapo wananchi walioathirika wakati wa ujenzi wa mradi wa Mkuranga lakini kufikia Oktoba 2019 walianza kupata huduma ya maji kupitia mtandao mpya wa mabomba waliyoyalaza kwa kutumia tanki la zamani lililojenga mwaka 2002

Aidha, amesema kuanzia Aprili 9 mwaka huu wanatarajia kufanya maunganisho ya tanki kubwa la maji kwenye mtandoa mpya ili wananchi waendelee kupata huduma kama kawaida na kuanza kufanya maunganisho mapya kwa wateja waliofanya maombi.

"Kuna jumla ya wateja 50 wameshaomba kuunganishiwa huduma ya maji, tutaanza kuwatembelea ili kuwaunganishia huduma ya maji na zaidi lengo la Dawasa ni kuwafikia wananchi wengi zaidi ndani ya mji wa Mkuranga," amesema Katwiga

"Lengo letu ni kukusanya milion 60 kwa mwezi na hilo litawezekana kama tutafanya maunganisho kwa wateja wengi na ili kutoa huduma zaidi Dawasa tutaanza kutembelea maeneo wateja walipo ili kuweza kuwasogezea huduma zaidi kwa ukaribi,"

Hata hivyo, Katwiga ameeleza kuwa chanzo cha maji kina uwezo mkubwa wa ambapo kwa saa Lita za ujazo 284,500 zinazalishwa sawa na Lita milion 6.8 kwa siku.

Mradi huo uliweza kuhusisha ujenzi wa Tanki la maji Lita 1.5 kituo cha kusukumia maji kutoka kwenye chanzo na ulazaji wa mabomba kwa urefu wa Km 65 na wanufaika kwa awamu ya kwanza ya mradi huo ni wananchi katika Vijiji vya Mkwalia Kitumbo, Kididimo, Sunguvuni na Kiguza wa kata ya Mkuranga huku Kata ya Kiparang'anda ni Kiparang'anda A, Kiparang'anda B na Magoza.

Mhandisi wa Miradi Mkoa wa Kihuduma DAWASA Mkuranga Richard Katwiga akitoa maelezo kwa moja ya mafundi wakati wa kuyaruhusu maji yaanze kwenda katika mtandao ili kuyasafisha na kuanza kutoa huduma ya maji kwa wananchi wa Mkuranga kupitia mradi mkubwa wa maji wenye thamani ya Bilion 5.6 uliohusisha na ujenzi wa tanki la lita Milion 1.5

Mhandisi wa Miradi Mkoa wa Kihuduma DAWASA Mkuranga Richard Katwiga akionesha na kutoa maelezo ya  chanzo cha maji kinachotumika katika mradi wa maji wa Mkuranga. Chanzo hicho kina uwezo wa kuzalisha lita za maji milion 6.8  kwa siku sawa na lita 284,500 kwa saa

Kituo cha kusukumia maji kikiwa katika hatua za mwisho za ukarabati. Pampu moja ikiwa tayari imeshafungwa.

 Tanki la Ujazo wa Lita Milion 1.5 likiwa limekamilika na kuanza kupokea maji kutoka chanzo kilichopo Kijiji cha Mkwalia Kitumbo

Charles James, Michuzi TV

MDHIBITI na Mkaguzi Mkuu wa Hesabu za Serikali (CAG) amefanya ukaguzi maalum katika Mamlaka ya Bandari Tanzania (TPA) na kubaini kuwepo kwa mapungufu kadhaa ikiwemo upotevu wa mapato kwa kutoa msamaha usiostahili wa Dola za Marekani 979,126.5 kwa Kampuni ya Saruji ya Mbeya.

Hayo yamebainishwa katika taarifa ya CAG aliyoisoma leo kwa wandishi wa habari jijini Dodoma ambapo ambaini pia kuwepo kwa matumizi mabaya ya fedha na ubadhirifu wa malipo ya Sh Bilioni 3.76.

Akizungumzia ukaguzi huo wa TPA, CAG Charles Kichere amesema April 30, 2018 menejimenti ya TPA ilipeleka kwenye Bodi ya Usimamizi maombi ya msamaha wa Dola za Marekani Milioni 1.52 kuiombe kampuni ya saruji Mbeya kwa ajili ya wateja wake waliopo Burundi na DR Congo wanaosafirisha saruji kupitia Bandari ya Kasanga.

Amesema Kampuni hiyo ilieleza kuwa wateja wao walipata changamoto ya kukosa meli za kuja Bandari ya Kasanga kuchukua shehena za saruji zao walizokua wameagiza na hivyo kupelekea shehena hiyo kuharibika.

Amesema April 17, 2019 kupitia azimio la Bodi ilitoa msamaha wa asilimia 100 kama ilivyoombwa hivyo kampuni hiyo ya Saruji Mbeya ilipaswa kulipa Dola za Marekani 50,000 kama gharama za utunzaji wa shehena hizo na Dola za Marekani 7,726 kwa ada tu ya kuondolea shehena.

CAG Kichere amesema ukaguzi wake uliangalia ukweli wa msamaha uliotolewa na uligundua shehena ya tani 1,445 (mifuko 28,904) ambayo iliharibika katika Bandari ya Kasanga ilikua na malimbikizo ya gharama ya Dola za Marekani 543,224 iliyostahili kutolewa msamaha.

" Maombi ya msamaha yaliyopelekwa katika Bodi April 14, 2019 yalikua ya Dola za Marekani Milioni 1.52 yakijumuisha madeni ya saruji iliyoharibika ya Dola za  Marekani 543,244 na gharama za utunzaji Dola za Marekani 979,126 kwa shehena zilizosafirishwa kutoka Bandari ya Kasanga katika kipindi cha Januari 2013 na Oktoba 2017 na hakukua na hasara iliyopatikana na hivyo  kutostahili msamaha.

Kuchukulia shehena nzima ya tani 1445.2 kama imeharibika na kutoa msamaha wa Dola za Marekani Milioni 1.52 badala ya gharama sahihi ya Dola 543,244 kuliisababishia hasara TPA ya upotevu wa mapato wa Dola za Marekani 979, 126.59.

    Waziri wa Madini Doto Biteko akizungumza na Wanahabari  wakati  akifunga Mkutano wa Saba wa Mawaziri wa Nchi za Afrika Zinazozalisha Madini ya Almasi (ADPA) uliofanyika  kwa Njia ya Video tarehe 8 Aprili, 2021 Jijini Dodoma

   Waziri wa Madini Doto Biteko na baadhi ya Wataalam wa Madini waliohudhuria Mkutano wa Saba wa Mawaziri wa Nchi za Afrika Zinazozalisha Madini ya Almasi (ADPA) kwa Njia ya Video uliofanyika  tarehe 8 Aprili, 2021 Jijini Dodoma

    Picha ya pamoja ya Waziri wa Madini Doto Biteko (Katikati), Naibu Waziri wa Madini Prof. Shukrani Manya (Kushoto) na Katibu Mkuu wa Wizara ya Madini Prof. Simon Msanjila (kulia) wakati wakifuatilia Mkutano wa Saba wa Mawaziri wa Nchi za Afrika Zinazozalisha Madini ya Almasi (ADPA) uliofanyika  kwa Njia ya Video tarehe 8 Aprili, 2021 Jijini Dodoma

Asteria Muhozya na Steven Nyamiti, Dodoma

Kiswahili kimekubalika kuwa moja ya Lugha ya Mawasiliano zitakazotumika katika Umoja wa nchi Zinazozalisha Madini ya Almasi Afrika na hivyo kuongeza idadi ya lugha zilizokuwa zikitumika awali  katika umoja  huo za  Kiingereza, Kireno na Kifaransa.

 Hayo yamesemwa  Aprili 8, na Waziri wa Madini Doto Biteko wakati akifunga Mkutano wa 7  wa Mawaziri wa nchi zinazozalisha Madini ya Almasi Afrika  ( African Diamond Producers Association- ADPA) uliofanyika kwa njia ya Video Conference na kutanguliwa na Mkutano wa  Wataalam wa jumuiya hiyo ambapo Tanzania ilikuwa mwenyeji wa mkutano huo.

Aidha, Tanzania imekabidhiwa  Uenyekiti wa Jumuiya hiyo nafasi ambayo itadumu nayo kwa kipindi cha miaka 2 ikipokea kutoka kwa nchi ya Jamhuri ya  Namibia ambayo ilikuwa Mwenyekiti kwa muda wa mwaka mmoja. Pia, nchi ya Zimbabwe imekubalika kuwa Makamu Mwenyekiti na inatarajia kuwa mwenyeji wa mkutano  wa 8.

Akieleza kuhusu yaliyojadiliwa na kukubaliwa katika mkutano huo, Waziri Biteko amesema kuwa mkutano huo umekubaliana kuwa Kamati Tendaji ya umoja huo kupitia upya mifumo ya kiutendaji  ya umoja huo ndani ya kipindi cha miezi sita  na kutoa mrejesho.

Aidha, Waziri Biteko ametumia fursa ya Uenyekiti wa jumuiya hiyo  kuzisisitiza nchi wanachama kutumia masoko ya madini yaliyoanzishwa maeneo mbalimbali nchini, akilenga kuzifanya nchi wanachama kuyatumia masoko hayo kufanya biashara ya madini  ili manufaa ya madini hayo yaendelee kubaki Afrika na kwa wanachi wenyewe.

Awali, Waziri Biteko amewaeleza mawaziri walioshiriki mkutano huo kuhusu mafanikio yaliyopatikana katika Sekta ya Madini kufuatia Marekebisho yaliyofanywa kwenye Sheria ya Madini ambayo pamoja na mambo mengine, yalipelekea kuanzishwa kwa masoko ya madini katika mikoa mbalimbali nchini ambapo hadi sasa, Tanzania ina jumla ya Masoko ya Madini 39 na Vituo vya Ununuzi wa Madini 41.

Naye, Waziri wa Madini na Nishati wa Jamhuri ya Namibia, Tom Alweendo wa nchi ambayo imemaliza uenyekiti wake, ameutaka umoja huo kupata viongozi shupavu wa kamati tendaji watakaosaidia kuweka msukumo katika utekelezaji wa malengo ya jumuiya hiyo.

 Ameongeza kuwa, kama wanachama ni lazima  wachochee na kuweka mikakati ya kupigania maslahi ya Afrika kwa madini ya Almasi ikiwemo kuzitaka  nchi hizo  kuhakikisha zinalipa  michango yao kwa mujibu wa sheria.

Pia, Ametumia fursa hiyo kuelezea yale ambayo yalifanywa na nchi hiyo wakati ikishikilia kiti cha Uenyekiti na kueleza kuwa, pamoja na kipindi chake kukabiliwa na changamoto za janga la ugonjwa wa Corona, ilifanikiwa kuunda kamati ya uendeshaji ya jumuiya hiyo.

Mkutano wa 7 wa Mawaziri wa Nchi zinazozalisha madini ya Almasi Afrika, umehudhuriwa na nchi zote 19 wanachama wa umoja huo zikiwemo  Nchi za Angola, Jamhuri ya Kidemokrasia ya Congo, Afrika Kusini, Namibia, Tanzania, Zimbabwe, Cameroon, Afrika ya Kati, Ghana, Togo, Guinea na Sierra Leone. Nchi waangalizi zilizoshiriki ni Algeria, Jamhuri ya Congo, Cote D’ivore, Gabon, Liberia, Mali na Mauritania pia zimeshiriki.

 Na Mwandishi wetu, Babati

 

 Serikali imetenga shilingi  milioni 311.9 zitakazotumika  kuchonga Barabara yenye urefu wa kilometa 20 katika hifadhi ya Taifa  Rumanyika karagwe na kilometa 51 katika  Hifadhi ya Taifa ya Ibanda Kyerwa katika mwaka wa fedha 2020/2021.

Kauli hiyo imetolewa leo Bungeni Jijini Dodoma na Naibu Waziri wa Maliasili na Utalii Mhe. Mary Masanja wakati akijibu swali la Mbunge wa jimbo la Kyerwa Mhe. Innocent Sebba  Bilakwate (CCM)  ambaye alihoji kuhusu mpango wa  Serikali  wa kuweka miundombinu mizuri ya Barabara katika hifadhi hizo Ili kuvutia watalii.

Akijibu Swali hilo kwa niaba ya Waziri wa Maliasili na Utalii Dkt Damas Ndumbaro  ,Mhe. Masanja ameeleza kuwa hifadhi za Taifa za Ibanda Kyerwa na Rumanyika karagwe  zilianzishwa kupitia tangazo la Serikali Na 509 na 510 la tarehe 5/7/2019 .

Amesema hifadhi hizo zilitokana na kupandishwa hadhi kwa yaliyokuwa mapori ya akiba ya Ibanda na Rumanyika .

"Ili  kuwezesha hifadhi hifadhi hizo kufikika kwa urahisi Serikali kupitia  TANROADS na TARURA iliyokuwa ikitengeneza Barabara mbalimbali zinazorahisha kufika kwa watalii katika hifadhi hizo , Barabara hizo ni pamoja Mgamkorongo iliyopo wilaya ya korogwe hadi murongo wilayani Kyerwa yenye urefu wa kilometa 112 ambayo inafanyiwa   matengenezo na TANROADS kila mwaka na imewekwa  katika mpango wa Kujengwa kwa kiwango cha lami katika mwaka wa fedha 2020/2021" Amesisitiza Mhe.Mary Masanja.

Aidha, amesema jitihada hizo za kuboresha miundombinu ya Barabara katika hifadhi ya Taifa Ibanda Kyerwa na Rumanyika Karagwe na maeneo mengine yote ya hifadhi zitasaidia kuweka Mazingira mazuri  yatakayowezesha hifadhi hizo kutembelewa na watalii wengi wa maeneo ya karibu pamoja na wageni kutoka nchi jirani.

Kuhusu ulinzi wa maeneo hayo  ameeleza  kuwa wizara imekuwa ikiyaanisha maeneo yote na kuweka mipaka.

" Katika hifadhi ya Ibanda Kyerwa na Rumanyika tulifanya tathmini baada ya  wataalamu wetu kuainisha mipaka, utekelezaji wake tunaendelea nao kwa kuandaa Mazingira ya kuwapeleka wataalamu kwa ajili ya gharama za uthamini na kuanisha maeneo ambayo yanachangamoto za uhifadhi " Amesisitiza.

Naibu Waziri wa Maliasili na Utalii, Mhe. Mary Francis Masanja akiwasili katika viwanja vya Bunge kuhudhuria mkutano wa 3 wa Kikao cha 5 cha Bunge la 12 la Jamhuri ya Muungano wa Tanzania mapema leo April 08, 2021 Jijini Dodoma.

Na Mwandishi wetu, Siha

Halmashauri ya Wilaya ya Siha, Mkoani Kilimanjaro imekabidhi jumla ya kiasi cha shilingi milioni 72 kwa ajili ya mkopo kwa vikundi vya wanawake, vijana na watu wenye ulemavu, Wilayani humo ikiwa ni fedha zinazotokana asilimia 10 mapato ya Halmashauri hiyo.

Akikabidhi fedha hizo, Naibu Waziri wa Afya, Maendeleo ya Jamii, Jinsia, Wazee na Watoto Dkt. Godwin Mollel amewapongeza wanavikundi kwa kurejesha mikopo yao kwa wakati ili fedha hizo ziweze kuwanufaisha walengwa wengi zaidi.

Aidha, amewataka walengwa hao kuendelea kushikamana na kufanya kazi kwa bidii ili kujiinua kiuchumi na hatimaye kufanikisha Maendeleo ya Taifa kwa ujumla.

Amesema Serikali itaendelea kuwashika mkono ili kuhakikisha wanaimarika zaidi katika vikundi vyao pamoja na mtu mmoja mmoja.

Dkt. Mollel pia ameipongeza Halmashauri ya Wilaya ya Siha kwa kubuni vyanzo zaidi vya mapato na kuweza kuhakikisha inatenga zaidi ya Sh.Mil.48 kila mwaka kwa ajili ya kuwawezesha wanawake kiuchumi.

" Tunapoelekea sasa tutaangalia zaidi sheria hii ili wanufaika hawa waweze kupewa mmoja badala ya vikundi, tumetembea maeneo mengi lakini Wilaya ya Siha mnafanya vizuri" alisema Dkt.Mollel.

Mkuu wa Wilaya ya Siha, Onesmo Buswela alisema mikopo hiyo imechangia kupungua kwa vitendo vya unyanyanyasaji wa kijinsia katika Wilaya hiyo kutokana na wanawake wengi kujikwamua kiuchumi.

Kwa upande wake Mkurugenzi wa Halmashauri hiyo, Ndaki Stephano alisema hakuna vikundi ambavyo ni sugu kulipa na kuongeza kuwa, mikopo hiyo inawasaidia hasa wanawake na kuwa Halmashauri inaendelea kuwatembelea vikundi hivyo na kuwapatia elimu ya mikopo.

Ndaki aliongeza kuwa Halmashauri ina mpango wa kutenga fedha zaidi ili vikundi hivyo viweze kuanzisha viwanda vidogo vidogo vitakavyosaidia kutoa ajira nma kukuza uchumi.

Awali akitoa taarifa ya mikopo hiyo, Afisa Maendeleo ya Jamii wa Halmashauri ya Wilaya ya Siha Marco Masue alisema kiasi cha Sh.Mil. 48.5 ni mapato ya ndani ya Halmashauri na Sh.Mil 23.7 ni marejesho ya mikopo hivyo imesaidia katika kuwafikia wanufaika wengi zaidi kupata mikopo .

Kwa upande wao baadhi ya wanufaika Penina Maduhu na  Michael Nko wameishukuru Serikali kwa kuwawezesha kupata mikopo hiyo na kueleza kuwa inawasaidia kuinua uchumi wa familia zao na kuongeza wigo wa shughuli wanazozifanya.

Naibu Waziri wa Afya, Maendeleo ya Jamii, Jinsia, Wazee na Watoto Dkt. Godwin Mollel akimpongeza mmoja wa akina mama wa Wilaya ya Siha kwa kupata mkopo wa Sh.Mil. 3 kutokana na fedha za mapato ya ndani ya Halmashauri ya Wilaya ya Siha.

MKE, WATOTO NA FAMILIA YA MAREHEMU WILLIE LADISLAUS MBUNGA, WANATOA SHUKRANI ZAO ZA DHATI KWA MAJIRANI, NDUGU, JAMAA NA MARAFIKI WALIJITOA KWA HALI NA MALI KUSHIRIKIANA NAO KWENYE MSIBA NA MAZISHI YA MPENDWA WAO MAREHEMU WILLIE LADISLAUS MBUGA ALIYEFARIKI TAREHE 3 FEBRUARI, 2021 AKIWA  NJIANI KUPELEKWA HOSPITALI YA MLOGANZILA NA KUZIKWA TAREHE 6 FEBRUARI, 2021 NYUMBANI KWAKE TEMBOMGWAZA, TABATA KISUKULU.

 PIA WANAWASHUKURU MAPADRE WALIOHUDUMU KWENYE MSIBA NA MAZISHI, KWAYA YA DON BOSCO WALIOKESHA KUIMBA, VIKUNDI NA VYAMA MBALIMBALI WALIOTOA RAMBIRAMBI ZAO ZA UPENDO.

 MUNGU BABA AWABARIKI WOTE NA KUWAPATIA THAWABU KWA UPENDO WAO ULIOPITILIZA.

 IBADA YA SHUKRANI (MISA) ITAFANYIKA JUMAMOSI TAREHE 10 APRILI 2021, KUANZIA SAA SABA MCHANA NYUMBANI KWA MAREHEMU TEMBOMGWAZA, TABATA KISUKULU.

           “MUNGU AILAZE ROHO YAKE MAHALI PEMA PEPONI”

                                                        AMEEEEEN

 MRAJISI wa asasi zisizo za kiserikali Zanzibar, Ahmed Khalid Abdalla, amewataka wakulima kisiwani Pemba kuchangamkia fursa za uwepo wa mradi wa  Viungo, Mboga na Matunda Zanzibar ili uwasaidie kujikwamua kiuchumi kupitia uzalishaji wa mazao hayo.

Mrajisi ametoa wito huo wakati wa ziara yake ya kutembelea maeneo ya shamba darasa yaliyotengwa kwaajili ya kuwafundishia wakulima wanufaika wa mradi huko katika Shehia za Ole na Mjini Ole Wilaya ya Chake chake Mkoa wa Kusini Pemba.

Alisema Serikali inamatumaini makubwa na utekelezaji wa mradi huo kwa wakulima Zanzibar kwani unalenga kuwakomboa wakulima wa mazao hayo kwa kukuza uchumi pamoja na upatikanaji wa chakula majumbani.

“Serikali inaridhishwa sana na mradi huu kwani ni mradi ambao umekuja kuisaidia serikali kuwainua wakulima wetu kupitia shughuli hizi za kilimo ambacho mradi unafanyia kazi. Nikuombeni endeleeni kuchangamkia fursa hii kwa kutumia taaluma mnayoipata kila siku kutoka kwa wataalam huku mkitambua kwamba serikali inaungana nayi katika kila hatua,” alisema.

Aliwataka wakulima kutokatishwa tamaa na changamoto zinazowakabili katika hatua ya awali na badala yake kufanyakazi kwa karibu na wataalam wa kilimo ili kuzitaftia ufumbuzi changamoto zinazojitokeza.

“Naomba tusivunjike moyo, tuendelee tuwe na ari ya kufanya kazi. Nafahamu mwanzo ni mgumu lakini tunatakiwa tushirikiane na tupokee yale tunayoelekezwa na wataalam wetu wa kilimo. Najua kwenye jamii wapo baadhi ya watu watakao wabeza kwa juhudi zenu, lakini fanyeni malengo yenu yaliyokusudiwa na mradi huu hatimaye mtakuja kuona faida yake,” alisema.

Katika hatua nyingine Ahmed alisema ufanisi wa utekelezaji wa mradi huo unaofadhiliwa na Umoja wa Ulaya (EU) utaisaidia Serikali ya Mapinduzi ya Zanzibar chini ya Rais Dkt. Hussein Mwinyi kufanikisha kutekeleza ahadi yake ya upatikanaji wa ajira laki tatu Zanzibar.

Alisema, “Serikali ya Mapinduzi ya Zanzibar kupitia kwa Rais wa Zanzibar na Mwenyekiti wa Baraza la Mapinduzi, imezungumzia suala la ajira laki tatu. Nimearifiwa kwamba mradi huu ukikamilika karibu ajira 21,000 zinaweza kupatikana, sasa ajira hizi zikipatikana maana yake lengo la Serikali kuongeza fursa za ajira limetekelezeka.”

Meneja wa mradi huo, Amina Ussi Khamis alisema ziara hiyo imelenga kukagua maendeleo ya uandaaji wa shamba darasa na kubaini changamoto zinazowakabili wakulima katika uandaaji wa maashamba hayo wakati ambapo wakulima wanaendelea na zoezi la uandaaji wa mashamba yao kwaajili ya upandaji wa mazao.

Alisema, “leo tumekuja hapa kwa lengo la kuangalia maendeleo yetu ya maandalizi ya shamba darasa ili tuweze kujua kila hatua ambayo tumeifikia katika utekelezaji wa mradi wetu wa Viungo.”

Mapema akitoa maelezo wakati wa ziara hiyo, afisa kilimo anayeshughulika na mboga kanda ya Pemba,  Sada Juma Segeja, alisema taaluma inayotolewa na wataalam wa kilimo kupitia Shamba darasa zilizoandaliwa katika Shehia ambazo mradi unatekelezwa itasaidia kuongeza kasi ya uzalishaji wa mazao na kufanikisha kwa haraka ufikiaji wa malengo ya mradi.

Wakulima kupitia mradi huo wameshukuru uwepo wa mradi kutokana na taaluma wanayoipata kupitia shamba darasa imewawezesha kila mkulima kuanza maandalizi ya shamba lake kwaajili ya uzalishaji.

Ziara hiyo ya Mrajisi wa asasi zisizo za kiserikali Zanzibar ni  mwendelezo wa utekelezaji wa mradi wa Viungo, Mboga na Matunda unatekelezwa Zanzibar na Chama cha Waandishi wa Habari Tanzania, Zanzibar, (TAMWA ZNZ), People’s Development Forums, (PDF) na Community Forests Pemba (CFP) kwa ufadhili wa Umoja wa Ulaya (EU).

Meneja wa mradi huo, Amina Ussi Khamis (kushoto), mrajisi wa asasi zisizo za kiserikali Zanzibar, Ahmed Khalid Abdalla(katikati) na meneja uendeshaji wa mradi wa VIUNGO kanda ya Pemba Sharif Maalim Hamad (kulia) wakiwa shambani wakati wa ziara.

 

Meneja wa mradi wa VIUNGO, Amina Ussi Khamis akizungumza wakati wa ziara.

MRAJISI wa asasi zisizo za kiserikali Zanzibar, Ahmed Khalid Abdalla akitoa maelekezo kwa wakulima.

Maelekezo: afisa kilimo anayeshughulika na mboga kanda ya Pemba,  Sada Juma Segeja, (kushoto) akitoa maelezo kwa mrajisi wa asasi zisizo za kiserikali wakati wa ziara.

Karachi [Pakistan], April 6 (ANI): The speakers at a session on human development and inequality on Saturday called for the redressal of systemic flaws that have led to a rise in income inequality in Pakistan.

The panellists at the session titled, Human Development and Inequality, of the first international conference on economics and sustainable development hosted online by the Institute of Business Administration (IBA), expressed the view that the issues of inequality must be understood in terms of wealth and ownership in the economy, and discourse on fighting inequality must be along the lines of foreign influences, gender disparity and social mobility, reported The Express Tribune.

The session, held in collaboration with the United Nations Development Programme (UNDP), began with opening remarks by UNDP Pakistan's resident representative Knut Ostby, who emphasised the need to understand economic situations through the lens of power, policy and people.

To address inequality in Pakistan, he stressed on thinking of sustainable growth in lines with income and social mobility. Approximately 20 per cent of the population holds half of the total income generated in Pakistan, he said.

The panel also featured Special Assistant to the Prime Minister (SAPM) on Social Protection and Poverty Alleviation Dr Sania Nishtar, senior researcher at the Collective for Social Science Research Ayesha Khan, SAPM on Revenue Dr Waqar Masood Khan, IBA executive director Dr Akbar Zaidi.

Adding to Osby's initial remarks, Dr Zaidi emphasised on the factor of land ownership and the influence landowners have on the country's politics - and by extension, in policy-making, reported The Express Tribune.

Dr Masood posed the question of fiscal policies and factors that contributed to inequality in the country. He argued that financial exclusion, which refers to a lack of financial services such as credit transfers and loan facilities, was a major contributor to inequality. (ANI)

Beijing [China], April 6 (ANI): China and the United States have sailed aircraft carriers into the disputed waters in the East and South China Seas, as Beijing continues to assert its maritime claims in the region and Washington has ramped up military exercises to counter it.

This comes as Beijing has moored over 200 vessels in the Whitsun Reef in the South China Sea claimed by both China and the Philippines.

The Philippine foreign ministry on Monday said China's claims that the boats were sheltering from bad weather were "blatant falsehoods" and "clearly [a] false narrative of China's expansive and illegitimate claims in the West Philippine Sea".

On Sunday, a US aircraft carrier strike group led by the USS Theodore Roosevelt entered the South China Sea from the Strait of Malacca, according to the Beijing-based South China Sea Strategic Situation Probing Initiative, citing satellite data.

It said the USS Mustin guided-missile destroyer was also operating in the East China Sea and edged close to China's Yangtze River on Saturday.

Meanwhile, Chinese aircraft carrier the Liaoning passed through the Miyako Strait off southwestern Japan on Saturday, days after China's defence ministry urged Japan to "stop all provocative moves" over the contested Diaoyu Islands in the East China Sea, which Tokyo calls the Senkakus.

The PLA Navy announced on social media on Monday night that the Liaoning was en route to conduct "scheduled exercises" near Taiwan, to "test the effectiveness of troop training, and to improve the capacity to safeguard the country's sovereignty, safety and development interests". Similar naval exercises would continue to be organised as planned, it said.

After China's carrier group was spotted passing the waterway between Okinawa and Miyako islands towards the Pacific on Saturday, Japan has also sent destroyer JS Suzutsuki, a P-1 maritime patrol aircraft and a P-3C anti-submarine warfare patrol aircraft to gather information and monitor the movements of the Chinese vessels.

Regional tensions have also been rising over Taiwan, where Beijing has in recent months ramped up "grey zone" warfare tactics against the democratic island it claims as its own.

China claims sovereignty over almost the entire South China Sea and has overlapping territorial claims with Brunei, Malaysia, the Philippines, Vietnam and Taiwan.

China has been increasing its maritime activities in both the South China Sea and the East China Sea over the past few months, partly in response to Beijing's concerns over the increasing US military presence in the region because of escalating Sino-US tensions.

Beijing's rising assertiveness against counter claimants in the East and South Sea has resulted in unprecedented agreement across the Indo-Pacific.

The Philippines' defence chief Delfin Lorenzana on Sunday said the continued presence of Chinese maritime militias around the Whitsun Reef reveals their intent to further occupy features in the West Philippine Sea.

This comes as Lorenzana has called for the Chinese boats to leave Whitsun Reef (Julian Felipe Reef), located within its exclusive economic zone in the South China Sea.

The Whitsun Reef belongs to the Spratly archipelago, the territory of which is claimed by Brunei, China, Malaysia, the Philippines, Taiwan, and Vietnam.

China considers the Spratly archipelago to be its territory, despite the Hague-based Permanent Court of Arbitration ruling, which said there was no legal basis for China's maritime claims. The arbitration proceeding was initiated by the Philippines in January 2013, Sputnik reported. (ANI)