Kikosi kizima cha Golden bush kilikuwa Morogoro mwishoni mwa wiki kupambana na wazee wenzao Moro Star Veterans wakiongozwa na Nahodha wa zamani wa timu ya Taifa ya Tanzania Mecky Maxime na wachezaji wengine waliowika kwenye ligi yetu ya Tanzania wakiwemo Ali Moshi, Delta na wengine wengi.
Katika mpambano huo, golden bush veterans waliibuka na ushindi wa goli 3-1. Magoli matatu ya Golden bush yalitiwa wavuni na Athumani Machuppa magoli mawili na Abuu Mtiro goli moja wakati goli la Moro Star veterans likiwekwa wavuni na mshambuliaji wao hatari Ushua.
Wapenzi wa soka wa morogoro na vitongoji vyake walihamisika sana na mechi hii na hasa walivutiwa na kiwango cha wachezaji ambao wengi wao wameacha mpira hivi karibuni.
Golden Bush veterans wametumia game hiyo ya morogoro kama sehemu ya maandalizi yao kabambe ya kupambana na wapinzani wao wa jadi Wahenga Veterans game itakayopigwa siku ya Muungano yaani tarehe 26/04/2013 katika uwanja wa TP Africa Sinza.
Pichi hii ndiyo kikoso kamili cha Golden Bush veterans kilichokuwa mjini morogoro siku ya jumamosi.
Waliosimama kutoka kushoto nyuma kabisa: Shomari Pengo, Macocha Tembele, Ali Chuo, Humphrey Machota, Wisdom Ndlovu, Godfrey Bony, Steve Mkumba, Katina Shijja na Faraji Rashid.
Walioinama mstari wa pili kutoka kushoto: Amani Simba, Sadik Muhimbo, Onesmo Waziri, Noel Katepa, Said Sued, Joseph kisenge, Yahaya Issa, Athumani Machuppa na Steven Marash. Na aliyechuchumaa mbele kabisa ni Abuu Mtiro.
Imetolewa na
Onesmo Waziri
Msemaji wa timu na mchezaji mwandamizi.