NA BALTAZAR MASHAKA,Mwanza

BARAZA Kuu la Waislamu Tanzania (BAKWATA),Mkoa wa Mwanza,limewaasa watumishi wa Idara ya Mahakama na vyombo vya dola,kutenda haki kwenye kesi zinazohusu taasisi za dini ili kuondoa migogoro inayoweza kusababisha taharuki na uvunjifu wa amani.

Pia amewaonya waislamu mkoani humu wasiruhusu chokochoko zinazolenga kuwarudisha nyuma kwenye suala la maendeleo yao na uwe wimbo wa kila mmoja katika kufikia malengo waliyojiwekea lakini kwenye baadhi ya taasisi za kiislamu, kumeibuka jambo ambalo analiona, kadiri wanapofanya vizuri wapo watu wanazuia mazuri yasiendelee kufanyika.

Kauli hiyo imetolewa jana na Sheikhe wa Mkoa wa Mwanza, Alhaji Sheikhe Hasani Kabeke, wakati akifunga maadhimisho ya mwaka mpya wa Kiislamu ulioanza Agosti 10 mwaka huu na kutoa mwelekeo wa nini wanakihitaji katika mwaka mpya wa 1443 wa kiislamu.

Alisema baadhi ya watumishi wa Idara ya Mahakama waliokosa maadili na uaminifu wakiwemo wa vyombo vingine vya dola, wanapokea na kusikiliza mashauri yenye sura ya migogoro inayohusu taasisi za kidini kwa hila na kuwataka wawe makini ili wasijiingize kwenye migogoro hiyo na kuwa sehemu ya kuvunja amani.

Sheikhe huyo wa Mkoa wa Mwanza alidai baadhi wanapokea kesi zenye sura ya migogoro ya kidini na kusikiliza upande mmoja bila wadaiwa kuitwa kujitetea ilhali inahusu taasisi za kiimani,wamekosa maadili na uaminifu, wawe makini wanapotoa maamuzi bila kuathiri amani ya nchi.

“Niviombe vyombo vinavotoa haki mfano mahakama,kumekuwa na hila na ujanja ujanja unaotumika, mtu anawahi mahakamani,akifika baadhi ya watendaji waliokosa maadili na uaminifu,wanapokea kesi za aina hiyo na wanaambiwa tuiendeshe na isikilizwe upande mmoja,huyo Bakwata haambiwi,haitwi na hafahamishwi,na huyo hakimu anasikiliza kesi upande mmoja kwa siku moja wakati ni jambo linagusa hisia za umma,linaweza kuhatarisha uvunjifu wa amani,” alisema na kuongeza kuwa;

“Kwa unyenyekevu mkubwa nikiwa kiongozi wa waislamu Mkoa wa Mwanza, niwaombe baadhi ya watendaji wa mahakama,wawe makini na amani ya nchi,chonde chode na ni vizuri tukafahamiana amani hailindwi na mhimili mmoja tu wa serikali,kama jeshi,usalama wa taifa,polisi kwamba hao ndio wanahakikisha amani ya nchi inakuwepo au Rais, Waziri Mkuu,mawaziri, wakuu wa mikoa na wilaya,hapana, amani ya nchi inalindwa na vyombo vyote.”

Alisistiza kuwa taasisi za dini zinawajibu wa kulinda amani ya nchi, lakini alikwenda mbali zaidi kuwa Mahakama na Bunge pia vinawajibu huo,hivyo wanapopelekewa mashauri ya aina hiyo na watu kuwa Bakwata imeingia kwenye misikiti yao, hawaulizwi imeingiaje,Bakwata haihitwi na kuulizwa imekuwapo na inasimamia misikiti hiyo tangu lini, kunakuwa na walakini.

Alisema watu au mtu huyo aulizwe amekuwa kiongozi toka lini, kwa muda gani,aliwekwa na nani,lakini hakimu kuhukumu kesi hiyo bila kuzingatia hoja za pande mbili,inaweza kuleta athari na matatizo gani kwenye jamii, na kwamba baadhi ya taasisi za kiislamu wapo watu wanazuia maendeleo,pia wamechukua mali za BAKWATA na kuzikabidhi kwenye taasisi zingine kinyume.

Sheikhe Kabeke alisema kufanya hivyo wanazua mtafaruku,wanaleta mpasuko na migogoro,hivyo BAKWATA haitaki kuona mali za waislamu zinahamishiwa taasisi nyingine baada ya kuondoa mitafaruku,ugomvi baina ya waislamu, makundi na taasisi zote za kiislamu zimesimama pamoja,waislamu wamerudisha imani na wametoa mali na viwanja vyao na kuleta wakfu, wamejenga misikiti, kuisajili na kuikabidhi BAKWATA.


Mwenyekiti Mwenza huyo wa Kamati ya Amani ya Viongozi wa Dini aliviomba vyombo vya ulinzi na usalama kuwa makini na matukio hayo,ni ukweli usiopingika kuwa wana baraza au viongozi wa BAKWATA hawatakubali kuona misikiti yao inachukuliwa na taasisi nyingine,hilo likiachwa bila kuangaliwa kwa macho makini litaleta mgogoro mkubwa.

“Mtu anakuja kusema msikiti huu ama kiwanja hiki hakina mtu,hakina mmiliki hivyo navikabidhi kwenye taasisi fulani ya kiislamu, wakati anafahamu kiwanja hicho au msikiti huo kwa muda wa zaidi miaka 30 kiko chini ya Baraza Kuu la Waislamu,sasa ukifanya hivyo maana yake wewe hauleti tu matatizo madogo,bali mtafaruku na mpasuko kati ya waislamu,”

“Bakwata inayosimamiwa na Mufti,tulijiwekea utaratibu,hatuko tayari kuona mali za waislamu kurudi tuliko toka,zinamilikiwa na watu wachache,mali na vitu vya waislamu vitaendelea kumilikiwa na kusimamiwa na waislamu lakini mtu anakwambia nataka kuusajili msikiti ndani ya taasisi yako,wewe kiongozi wa taasisi hiyo unakubali,unasema karibu unausajili,aha jambo ambalo humwulizi kwa miaka 15 msikiti huu upo ulikuwa chini ya taasisi gani?” alihoji Sheikhe Kabeke.

Aliziomba baadhi ya taasisi akisema mwaka 1442 walikwenda vizuri sana katika hali ya umoja na kuyashika maelekezo ya Mufti, basi wanaotaka kuvuruga wasiwalazimishe waislamu kuingia kwenye mitafaruku na ugomvi kwa kuwa waislamu ni kitu kimoja,na wanafahamu wakiingia kwenye mizozo isiyo ya lazima wanaweza kujenga kitu kibaya sana kikaharibu mazuri yote yaliyokwisha kufanyika.

Aidha alilishukuru jeshi la polisi kusimama imara kuanzia ngazi ya kata hadi mkoa kwa kuwadhibiti wakorofi wanaoleta chokochoko katika baadhi ya maeneo,Mwanza imetulia na kuwaasa mwaka 1443 wasizue chokochoko na ugomvi wa kurudisha tena waislamu nyuma kwa yale yaliyosemwa zamani na kuonyooshewa vidole,kwani ndani ya Quran Mwenyezi Mungu amesema Shikamaneni katika dini ya Mwenyezi Mungu msifarakane.

Hivyo, mali ikiwa ya taasisi fulani ibaki ilivyo na iwe na ushahidi,ikiwa chini ya BAKWATA vivyo hivyo,asije mtu akasema nakuja kusajili msikiti kwenye taasisi yako na wewe kiongozi ukakubali bila kutafakari na kufanya utafiti, huko ni kusababisha chokochoko na uvunjifu wa amani. Aliongeza kiongozi wa dini ameamua kupaza sauti kulinda amani ya yetu nchi, waislamu na viongozi wa serikali,iwe mahakama na polisi wasikubali kuingia kwenye migogoro ya kuhatarisha amani na kuleta machafuko kwenye jamii,wasipokuwa makini wanapotoa maamuzi ya kesi zenye sura ya migogoro ya kidini, Bakwata haiko tayari kuona hata dhiraa moja ya mali yao inachukuliwa na taasisi zingine kinyume.

WAZIRI MKUU Kassim Majaliwa amesema Serikari inayoongozwa na Rais Samia Suluhu Hassan imedhamiria kuhakikiisha sekta ya elimu inapata muelekeo mpana na kutengeneza fursa kwa watoto wa kitanzania kutimiza ndoto zao za kusoma katika ngazi zote mpaka vyuo vikuu.

Amesema kuwa katika kufanikisha hilo Serikali imeendelea kuboresha miundombinu kwa shule za msingi, Sekondari pamoja na kuongeza idadi ya vyuo vikuu nchini lengo likiwa ni kuwaandaa watoto kutimiza ndoto zao.

Waziri Mkuu amesema hayo leo (Jumamosi, Agosti 28, 2021) alipokuwa katika muendelezo wa ziara ya kikazi ya kukagua miradi ya maendeleo Mkoani Tabora, ambapo ametembelea Shule ya Sekondari ya Wavulana ya Tabora na Shule ya Sekondari ya Wasichana ya Tabora ambako pia amefurahishwa na matokeo ya ufaulu wa shule hizo kimkoa na kitaifa sambamba na maboresho ya miundombinu yaliyofanywa katika shule hizo kongwe.

“Mheshimiwa Rais kaleta fedha nyingi sana za sekta ya elimu, kaleta Bilioni moja, akaleta tena Milioni 500 na fedha nyingine Bilioni saba ambazo naamini zimeshafika na zitajenga madarasa 590 ikiwa ni maandalizi ya kuwapokea watoto wa kidato cha kwanza, Hii Bilioni saba ni sehemu ya Bilioni 29 ambazo zimesambazwa kwa ajili ya sekta ya afya na elimu makusanyo ambayo yametokana na miamala.”

Aidha, Waziri Mkuu amesema hivi karibuni Rais Samia, ametoa kibali cha kuajiri walimu wa masomo ya sayansi, ili kukabiliana uhaba wa walimu katika masomo ya sayansi ili kuweka uwiano sawa wa ufundishaji baina ya walimu na Wanafunzi.

“Tumefurahi sana kuona kuna Watanzania wenzetu wanajitolea tunajua wanafanya kazi, napenda kuwahakikishia kuwa Serikali inalitazama suala hilo kwa umakini mkubwa na ninaiagiza Ofisi ya Rais na Serikali za Mitaa (TAMISEMI) kuhakikisha walimu hawa wanapewa kipaumbele katika ajira, wameonesha uzalendo wa hali ya juu.”

Akizungumza na wanafunzi wa Shule ya Sekondari ya Wasichana ya Tabora, Mheshimiwa Majaliwa amesema dhamira ya Serikali ni kuhakikisha shule zote kongwe zinakarabatiwa na kuzirudisha katika ubora na ili kuwa na mazingira rafiki ya ujifunzaji na ufundishaji.

Hali kadhalika, Waziri Mkuu ameliomba Baraza la Madiwani la Halmashauri ya wilaya ya Tabora kuweka utaratibu na kutafuta fedha kwa ajili ya ujenzi wa uzio katika shule hizo.

IGP Sirro amesema hayo leo wakati wa gwaride maalum la kuwaaga Makamishna wastaafu wa Jeshi hilo akiwemo Balozi Valentino Mlowola, Robert Boaz aliyekuwa Mkurugenzi wa Upelelezi wa Makosa ya Jinai nchini katika hafla iliyofanyika kwenye viwanja vya Chuo cha Taaluma ya Polisi Kurasini, Dare s salaam.

Akizungumza na waandishi wa habari, baada ya kumalizika kwa gwaride hilo pia IGP Sirro amezungumzia suala la mtu aliyewashambulia askari Polisi kwa risasi na kuwaua na baadae mtu huyo nae kuuawa amesema Jeshi hilo limemaliza taratibu zake hivyo familia inaruhusiwa kuuchukua mwili wa kijana huyo kwa ajili ya taratibu nyingine.

Kwa upande wake Kamishna Mstaafu Robert Boaz amesema licha ya kustaafu utumishi wa umma lakini bado ataendelea kushirikiana na Jeshi la Polisi kuhakikisha Jeshi hilo linaendelea kutenda kazi zake kwa weledi na kwa kufuata misingi ya kanuni na taratibu zilizopo.

 Matukio mbalimbali pichani ya kionesha namna Mkurugenzi wa Upelelezi wa Makosa ya Jinai Nchini Kamishna Mstaafu Robert Boaz akiagwa kwa gwaride maalum la heshima lililoandaliwa kwa ajili yake baada ya kumaliza utumishi wa umma kwa mujibu wa sheria, hafla ya kumuaga ilifanyika katika viwanja vya Chuo cha Taaluma ya Polisi Kurasini, Dar es salaam. Picha na Jeshi la Polisi.

  Na Muhidin Amri,Tunduru


WAKULIMA wa mbaazi katika wilaya ya Tunduru mkoani Ruvuma wameendelea kuvuna  fedha kufuatia kupanda kwa bei ya zao hilo kutoka shilingi 1,294 katika mnada wa kwanza hadi shilingi 1,428 mnada wa tatu.

Wakizungumza, wakati wa mnada wa tatu uliofanyika katika kijiji cha Lukumbule wilayani humo,baadhi ya wakulima wamefurahi  mfumo wa stakabadhi ghalani ambao umewezesha  kupanda kwa bei ya mbaazi  kwa kila mnada.

Hadija Mitete amesema, kabla ya zao hilo kuingizwa katika mfumo wa stakabadhi ghalani hawakuwa na manufaa yoyote licha ya kutumia nguvu kubwa katika uzalishaji kutokana na wafanyabiashara kununua mbaazi kwa bei ndogo tofauti na sasa tangu Serikali ilipoanzisha mfumo wa stakabadhi ghalani.

Ameipongeza Serikali kwa kusimamia mfumo  huo, ambao umewasaidia kumaliza unyonge wa muda mrefu wa kukosa soko la uhakika wa zao hilo ikilinganisha na wakulima wa mazao mengine.
Hata hivyo,amewaomba wanunuzi kulipa fedha kwa wakati ili  ziwasaidie kusomesha watoto na kununua pembejeo za kilimo hususani dawa(Salphur)kwa ajili ya kupulizia korosho.

Daimu Kalambo amesema, mfumo wa stakabadhi ghalani ni nzuri kwa kuwa umeleta tija  kwa wakulima kwa kupata bei  kubwa ya mazao yao tofauti na soko hulia ambapo wafanyabiashara walinunua mazao kwa bei wanayopanga wao jambo lililosababisha umaskini mkubwa kwa wakulima.

Ameiomba Serikali, kuendelea kusimamia mfumo wa stakabadhi ghalani hata kwa mazao mengine ya biashara ikiwemo mpunga ili kuwasaidia wakulima kupata soko la uhakika na bei nzuri.Kwa upande wake Afisa Ushirika wa wilaya ya Tunduru George Bisani amesema,  katika mnada huo jumla ya kilo 1,324.886 zimeingizwa mnadani  na wanunuzi saba walijitokeza katika mnada huo.

Bisani amesema, kampuni ya Export Trading Co Ltd imeshinda  ambayo imenunua mbaazi zote kwa bei ya Sh.1,428 kwa kilo moja na kufanya jumla ya Sh. 1,891,937,208.00 kuingia katika mzunguko wa fedha katika wilaya ya Tunduru kupitia zao la mbaazi.

Amesema, mpaka sasa  mwenendo wa  minada ni nzuri kwa bei  ya mbaazi inaendelea kupanda tokea mnada wa kwanza ambayo ilikuwa Sh 1,294 kwa kilo moja.

Kwa mujibu wa Bisani,katika mnada wa pili bei ilikuwa Sh 1,341 kwa kilo moja ikiwa ni ongezeko la Sh. 47 na katika mnada wa tatu bei imefikia Sh 1,428 sawa na ongezeko la Sh 87.

Bisani, amewashukuru wakulima wote ambao wameamua kupeleka mazao yao kwenye Vyama vya msingi ili wakutanishwe na  wanunuzi  wenye bei ya juu(kubwa) ambayo itahamasisha wakulima wengi zaidi kupeleka mbaazi zao kwenye vyama vya ushirika na kuongeza uzalishaji katika msimu ujao.

Amewatoa hofu wakulima juu ya  kukosekana kwa vifungashio(mifuko) na kusema kuwa,tayari Serikali kupitia Chama Kikuu cha Ushirika imeshaleta kwa wingi na vinatosheleza mahitaji ya wakulima wa zao hilo.

Aidha amesema kuwa,malipo ya wakulima  waliopeleka mbaazi katika mnada wa tatu wataingiziwa fedha  kwenye akaunti zao ndani ya siku saba tokea  siku ya mnada.

Akifunga mnada huo, Kaimu Mwenyekiti wa Chama Kikuu cha Ushirika wilayani humo(Tamcu Ltd) Pino Chikojola, ameishukuru Serikali kwa kuwadhibiti wanunuzi na walanguzi holela wa mazao ambao wanapenda wapate faida kubwa na kumuacha mkulima akiendelea na umaskini.

Amesema, mfumo wa stakabadhi ghalani katika wilaya ya Tunduru umewezesha kupandisha  uzalishaji na thamani ya mazao yao.

Amewataka wakulima kujitahidi kulima mazao mbalimbali ya chakula na biashara ili kutatua changamoto ya umskini kwenye kaya zao kwa kuwa Serikali imeonesha dhamira ya kuwasaidia wakulima.

 Na Mwandishi Wetu,Michuzi TV

WAUMINI wa Kanisa la Baptist Kinondoni mkoani Dar es Salaam  wakiongozwa na  Mchungaji wa kanisa hilo Samweli Kabonaki wamefanya ibada maalum ya kuliombea Taifa la Tanzania katika kipindi hiki cha janga la Corona.

Akizungumza wakati wa Ibada hiyo ,Mchungaji Kabonaki amesema Watanzania na Dunia wanajua kipindi tunachopitia kutokana na uwepo wa janga la Corona ambalo limeleta madhara katika mataifa mbalimbali,hivyo wameona ni vema Kanisa hilo likafanya maombi maalum kuliombea taifa la Tanzania.

Amesema kwamba katika kukabiliana na janga la Corona pamoja na hatua ambazo zinachukuliwa, ni vema kila mmoja wetu akamtanguliza Mungu zaidi na yvema ikajulikana Mungu ndiye mwenye majibu yote na  ni mponyaji mkuu.

Amefafanua hilo kwa kunukuu maandiko matakatifu kutoka Neno lilitoka 1 Wafalme 18:35-40 na ijulikane kwamba katika Tanzania kuna Mungu wa pekee ndiye Mungu aponyaye.

Katika hatua nyingine Mchungaji Kabonaki amewaomba waumini wa kanisa hilo wafuate maelekezo kutoka Wizara ya Afya,Maendeleo ya Jamii,Jinsia, Wazee na Watoto pamoja na watalaam wa afya kuhakikisha kila mmoja anajikinga na kumkinga mwingine dhidi ya maambukizi ya Corona.

"Watumishi wa Mungu tunalo jukumu la kuliombea Taifa na watu wake wakiwemo viongozi wetu, lakini kwa nafasi ya kila mmoja wetu tunatakiwa kufuata maelekezo yanayotolewa na Serikali kupitia watalaam wake wa afya,"amesema Mchungaji Kabonaki.

Amesisitiza kuwa utawala wa Awamu ya Sita umekuwa ukimtanguliza Mungu mbele ,hivyo amewaomba Watanzania kuendele kuwaombea viongozi wote ili watekeleze majukumu yao licha ya kuwepo kwa vikwazo mbalimbali.

Mchungaji Kabonaki pia amewaomba waumini wa dini ya Kikristo kuwa mfano wa kuigwa katika utunzaji wa mazingira kwani bila kuwepo kwa mazingira safi magonjwa yatapata nafasi katika jamii."Kwa nafasi yetu tutahakikisha tunaendelea kufanya Maombi kuiombea Serikali ya Awamu ya Sita na viongozi wake."

Pia amewaomba wananchi wote kuhakikisha hawawapi nafasi watu ambao wamekuwa na roho za uadui,kusema vibaya na kukatisha tamaa wengine."Tusivunjike moyo kwa maneno ya watu wenye roho za uadui,chuki,usenganyaji na wenye kukatisha tamaa.Sisi sote tujikite kufanya kazi kwa maendeleo ya nchi yetu."

Benki ya NBC imeendelea kuongeza juhudi za kuwafikia Watanzania katika kila kona ya nchi kwa dhumuni la kujenga jamii yenye uchumi shirikishi, juhudi zinazoenda sambamba na malengo Serikali ya Awamu ya Sita ya Rais wa Jamhuri ya Muungano wa Tanzania, Samia Suluhu Hassan ya kuhakikisha kila Mtanzania anafikiwa na huduma za kibenki.

Benki  hiyo imefanya hivyo kupitia huduma yake ya NBC Wakala Plus kwa kufungua tawi ya wakala mkuu katika Mtaa wa Mama Madaba, Mji wa Mbinga, Mkoani Ruvuma katika hafla fupi iliyohudhuriwa na wadau mbali mbali.

Hatua hii imefanyika miezi kadhaa baada Benki ya NBC kuzindua tawi kama hilo la NBC Wakala Plus katika Manispaa ya Mpanda, Mkoa wa Katavi na kuleta manufaa kwa wajasiriamali na wananchi wa mkoa huo.

Pamoja na kusogeza  huduma za kibenki kwa wananchi, NBC Wakala Plus pia inategemewa kufungua na kuendeleza fursa mbali mbali za kibiashara pamoja na kuinua uchumi wa wafanyabiashara, waajiriwa na wakulima wa mkoa huo.

Akizungumza na wadau mbalimbali wakiwemo wafanyabiashara waliohudh weee uria hafla ya uzinduzi wa NBC Wakala Plus, Mgeni rasmi na Mkurugenzi wa Halmashauri ya Mji wa Mbinga Grace  Quintine ameipongeza Benki ya NBC kwa kuona fursa kubwa wilayani humo zinazotokana na shughuli mbali mbali za kiuchumi zinazofanywa na wananchi.

Grace amesema benki hiyo imefanya  uwekezaji wake na kutoa elimu kwa wakulima na wajasiriamali wa wilaya ya Mbinga na  kwamba Benki ya NBC imeonyesha mfano wa kuigwa wa kutoa elimu kwanza kabla ya kuleta huduma hali inayopelekea wakazi wa Mbinga kutumia huduma za kibenki kikamilifu ili kuwaletea maendeleo.

Aidha, Grace pia ameishukuru benki hiyo kwa msaada wa  mabati 240, mifuko 120 ya saruji na kilo 30 za misumari ya bati katika kuchangia juhudi za kukamilisha ujenzi wa vyumba vya madarasa katika Shule ya Msingi Nazareth iliyopo Wilaya ya Mbinga.

Kwa upande wake Mkurugenzi wa Kitengo cha Wateja Binafsi wa Benki ya Taifa ya Biashara NBC, Elibariki Masuke amesema kuwa uzinduzi wa Wakala Mkuu wa NBC Mbinga ni moja ya mikakati ya benki hiyo ya kupanua na kusogeza huduma za kibenki karibu zaidi kwa wananchi hasa katika maeneo yanayokua kiuchumi.

“NBC inaamini kwamba mpango wa upandaji wa mawakala wakuu katika maeneo yenye uchangamfu wa kiuchumi utaongeza ushirikishwaji wa kifedha kwa wananchi na kuinua kipato cha wajasiriamali. Mchakato wa NBC Wakala Plus unaenda sambamba na malengo ya serikali yetu ya kusogeza huduma bora kwa wananchi  kwani mawakala wetu wakuu watatoa huduma kama zile zinazotolewa katika matawi yetu yalioenea nchi nzima.” amesema Masuke.

Aidha kwa upande wake, mmiliki wa ofisi hiyo ya NBC Wakala Plus, Agasto James ameishukuru Benki ya NBC kwa kumpa fursa hiyo ya kipekee itakayomuongezea kipato pia kuwa wakala mkuu inampa  fursa mbali mbali kwa wakazi wa Mbinga hasa wale watakaotumia ofisi yake kupata huduma mbali mbali zikiwemo kuweka, kutoa, kupokea na kuhamisha fedha, kufungua akaunti mbali mbali na kupata kazi mbali mbali za kibenki pamoja na kufanya malipo na kodi za serikali kupitia mfumo wa GePG.

Kabla ya uzinduzi wa NBC Wakala Plus Wilayani humo, Benki ya NBC iliendesha semina kwa makundi mbali mbali ya wajasiriamali kwa dhumuni la kutoa mafunzo ili kuwasadia wajasiriamali hao kuendesha biashara zao kwa ufanisi zaidi. Kupitia semina hizo, Benki ya NBC pia ilipata fursa ya kutambulisha bidhaa zake na kuwaelimisha wajasirimali hao juu ya faida na manufaa ya bidhaa hizo.

Pamoja na kutoa elimu kwa wafanyabiashara wadogo, wa kati na wakubwa semina hizo pia zililenga viongozi na wanachama wa vyama vya ushirika (AMCOS) Wilaya na Mbinga na Mkoa wa Ruvuma kwa ujumla kwa lengo la kuwapa mafunzo mbalimbali yakiwemo umuhimu wa huduma za bima, matumizi ya fedha za kigeni  pamoja na elimu ya kuweka kumbukumbu za hesabu na matumizi sahihi ya mapato yao ili waweze kukopesheka kwa urahisi. Mafunzo kwa wakulima yalilenga kufafanua  zaidi huduma ya #NBCShambani inayowalenga wateja wanaoshughulika katika sekta ya kilimo

Mkurugenzi wa Halmashauri ya Mji wa Mbinga Grace  Quintine (wanne kushoto), akikata utepe kuashiria uzinduzi rasmi wa  o fisi ya Wakala Mkuu wa huduma ya Benki ya NBC Wakala Plus katika Manispaa ya Wilaya ya Mbinga mkoani  Ruvuma yenye lengo yakuwafiki a na ku wa sogeza huduma za kibenki kwa wananchi   na wateja wake .   Wengine kwenye picha ni Mkuu wa Kitengo cha Wateja Binafsi wa Benki ya NBC  Elibariki Masuke (w anne kulia )  na  Wakala wa Ofisi hiyo , Nd. Agasto James (watatu kulia )  na wengine ni maofisa kutoka Benki hiyo.

Na Karama Kenyunko,Michuzi TV .

SERIKALI imetenga sh.bilioni 149 kwa ajili ya kufanikisha mchakato wa Bima ya Afya kwa Wote ambapo Muswada unatarajiwa kupelekwa katika Bunge la Jamhuri ya Muungano wa Tanzania Septemba mwaka huu ili kuwa sheria rasmi.

Akizungumza leo mjini Dodoma wakati wa mkutano wa sita kati ya Wahariri na Mfuko wa Taifa wa Bima ya Afya (NHIF) ambao mwaka huu unasherehekea miaka 20 tangu kuanzishwa kwake, Msemaji Mkuu wa Serikali Gerson Msigwa amesema wakati Watanzania wakijiandaa kuingia kwenye utaratibu wa bima ya afya kwa wote, Serikali imeona ni vema ikaanza kwa kutenga fedha hizo kufanikisha azma hiyo.

“Itaanza na wananchi wasio na uwezo kwa kugharamia matibabu na baadae itaendelea kupanua hadi itakapoweza kuwafikia watanzania wote. Ni matarajio yangu kuwa wahariri tutaibeba dhamira hii ya Serikali na kuhakikisha waandishi wetu wa habari wanaandika habari za kuhakikisha ajenda hii inafanikiwa ili watanzania waendelee kunufaika na huduma za bima ya afya,”amesema Msigwa.

Aidha ameipongeza NHIF kwa kupanua huduma za mfuko huo ambapo sasa pamoja na wafanyakazi , hata mtu moja mmoja ana uwezo wa kujiunga na mfuko. Pia amepongeza NHIF kwa kuviwezesha vituo mbalimbali vya kutolea tiba kuboresha huduma kwa kuvipatia mikopo ambayo inalipilika kwa urahisi.

Amesisitiza hilo ni jambo muhimu kwasababu mwisho wa siku nchi inakuwa na huduma bora za matibabu na kwa pamoja tutaweza kuokoa maisha ya wananchi walio wengi.Aidha amewaomba wahariri kuendelea kushirikiana na mfuko kutoa mchango wowote ambao wataona unafaa ili kuimarisha mfuko huo.

“Tunapokutana na taarifa zinazohusu huduma za afya tuwakumbuke watanzania wenzetu ambao wanataabika kupata huduma za matibabu kutokana na kukosa uwezo wa kulipia gharama za matibabu.Tutumie kalamu zetu kuhakikisha huduma za mfuko huu zinaimarika na zinaswanufaisha watanzania wengi zaidi”amesema Msigwa.

Akifafanua zaidi kuhusu mfuko huo  amesema yeye ni mwandishi wa habari hivyo anafahamu wahariri na waandishi wa habari wakiamua nchi hii iimbe wimbo wa bima ya afya wanaweza , wakiamua viongozi watoe umuhimu wa pekee kwa mfuko wa bima ya afya wanaweza.Wakiamua wadau wajitokeze waunge mkono mfuko huo wanaweza.“Wahariri ni muhimili imara ndani ya nchi na Serikali inawahaheshimu.”

Aidha amesema Serikali inatambua kazi kubwa na nzuri ambayo imefanywa na mfuko huo tangu kuanza kwake mwaka 2001 katika kuhakikisha huduma za afya zinapatikana kwa kila mtanzania licha ya kupitia changamoto lukuki lakini mfuko umeendelea kuimarika siku hadi siku.

“Kwa dhati ya moyo wangu naomba mniruhusu nikupongeze Mkurugenzi Mkuu wa NHIF Benard Konga ,watumishi wa NHIF na Serikali kwa ujumla kwa kusimama kidete kuhakikisha mfuko huu unasonga mbele hadi leo hii unatimiza miaka 20 tangu uanzishwe.Tuliopita katika mapambano haya leo tunafarajika sana kuona mfuko huu sasa umekuwa kimbilio , kila mtanzania anataka kujiunga kwasababu sasa faida za mfuko zinaonekana dhahiri,”amesema Msigwa.

Amefafanua kwa wale ambao wamesahau ama hawakuwepo wakati mfuko huo unaanzishwa miaka 20 iliyopita amewaambia kuwa haikuwa rahisi .”Upinzani ulikuwa mkubwa sana , shukrani kwa msimamo thabiti uliowekwa na serikali kuwa ni lazima uanze , nakumbuka vyama vya wafanyakazi vilivyokuwa vikipinga watumishi kukatwa fedha kwa ajili ya kuchangia mfuko.

“Kuna wakati hata sisi waandishi wa habari tuliokuwa tunaandika kuhamasisha mfuko huu tulikuwa tunakata tamaa lakini tunashukuru leo tuko hapa tukifurahia mafanikio ya mfuko,”amesema Msigwa.

Kwa upande wake Mkurugenzi Mkuu wa NHIF Benard Konga amesema mfuko huo ulipoanzishwa mwaka 2001 changamoto kubwa ilikuwa ni kukubalika hasa kwa sababu unahusisha kuchangia fedha lakini pia namna ulivyoanzishwa ,hivyo ilihitajika nguvu kubwa ya kuelimisha umma kuhusu dhana ya bima ya afya na umuhimu wake. Historia inaonesha mchango mkubwa uliofanywa na Wanahabari na Wahariri katika kuelimisha umma na hasa kwa sababu Mfuko uliwashirikisha sana.

Hivyo amesema lengo la kukutana na wahariri kwenye mkutano huo ni kutaka kuwashukuru kwa mchango wao mkubwa kwa taasisi hiyo kwa miaka 20 ya uhai wa NHIF na kwamba itaendelea kushirikiana nao katika kuhakikisha mfuko unaendelea kusonga mbele kwa mafanikio makubwa ya kutoa huduma za afya kwa watanzania wote.

Amesema mfuko huo kwa kipindi chote cha uwepo wake umekuwa na mchango mkubwa katika sekra ya afya kwani umefanikiwa kujenga majengo ya kutolea huduma za fya, umejenga hospitali na kununua vifaa tiba na kwamba mafanikio yote ambayo yanaonekana kwenye hospitali zote kubwa zikiwemo zile za rufaa nyuma yake kuna mkono wa NHIF katika mafanikio hayo.

Akifafanua zaidi sababu ya kikao hicho, Konga amesema lengo moja la kukutana siku ya leo ni katika kuadhimisha miaka 20 ya Mfuko tangu kuanzishwa kwa Mfuko pamoja na wahariri, aidha kama ilivyo ada  katika mkutano huo pia watapeana mrejesho ya yaliyofanyika katika kipindi chote hicho na kupata mrejesho kutoka kwa wahariri wa nini umma unapata kutoka kwao na kipi ambacho bado hakijakidhi mahitaji ya Watanzania.

Aidha Konga amesema mfuko huo umetoka mbali kiutekelezaji wa majukumu yake na  umeendelea kushirikiana na wadau wake katika kutekeleza hayo.”Kwa kuwa yataongelewa zaidi kwenye mada mimi nagusia kidogo tu. Tunapoongelea tulipotoka na tulipo tunaweza kuongelea haya: Wote sasa wamewekewa utaratibu wa kujiunga na Mfuko tofauti na hapo awali ambapo makundi machache na hasa watumishi ndio waliwezeshwa kujiunga.

“Tumewezesha vituo mbalimbali kuimarisha huduma za matibabu na miundombinu kupitia mikopo nafuu inayotulewa na NHIF. Vituo kama MNH, MOI, KCMS, BMH na vingine ni wanufaika,Malipo kwa Watoa huduma yamewezesha vituo kuwa na mapato ya uhakika ambayo yanawezesha vituo kuimarisha huduma,”amesema Konga.

Msemaji Mkuu wa Serikali, Gerson Msigwa akikata keki huku akishudiwa na Mkurugenzi Mkuu wa Mfuko wa Taifa wa Biama ya Afya (NHIF), Bernard Konga (katikati) na Mwenyekiti wa Jukwaa la Wahariri Tanzania (TEF), Deodatus Balile ikiwa ni ishara ya kudumisha ushirikiano wakati wa mkutano wa sita kati ya Wahariri na NHIF ambao mwaka huu unasherehekea miaka 20 tangu kuanzishwa kwake. Mkutano huo umefanyika leo Agosti 28, 2021 jijini Dodoma.


Msemaji Mkuu wa Seikali ambaye ni Mgeni rasmi katika mkutano huo, Msigwa (katikati), Mkurugenzi Mkuu wa NHIF, Konga (kushoto) na Mwenyekiti wa TEF, Balile wakibadilishana keki kabla zingine kuzigawa kwa wahariri na waandishi wa habari waliokuwepo wakati mfuko huo unaanzishwa mwaka 2001.


Baadhi ya wahariri waliokuwepo wakati NHIF inaanzishwa mwaka 2001 wakikagawiwa keki


Baadhi ya wahariri wa vyombo vya habari nchini wakionesha keki hizo baada ya kugawiwa. Baadaye wahariri wote waliohudhuria mkutano huo walikula keki hiyo.
Meneja Uhusiano wa NHIF, Anjela Mziray akizungumza neno la utangulizi wakati wa kuanza mkutano huo.


Mkurugenzi Mkuu wa NHIF, Bernard Konga akielezea historia ya mfuko huo ulioanzishwa wakati wa Serikali ya Awamu ya Tatu mwaka 2001.

Msemaji Mkuu wa Serikali, Gerson Msigwa akihutubia wakati wa ufunguzi wa mkutano huo.
 

Sehemu ya wahariri wa vyombo vya habari wakiwa makini kusikiliza yaliyokuwa yanajiri mkutanoni.

 

Baadhi ya maafisa wa NHIF wakiwa katika mkutano huo ambapo baadhi walijibu maswali yaliyokuwa yakiulizwa na wahariri kuhusu mfuko huo.

Na Atley Kuni – KAHAMA.

Waziri wa Nchi Ofisi ya Rais, Tawala za Mikoa na Serikali za Mitaa Mhe. Ummy Mwalimu amelazimika kuigeuza Halmashauri ya Manispaa ya Kahama mkoani Shinyanga kuwa sehemu ya Shamba darasa kwa Wakuu wa Mikoa na Makatibu Tawala wa Mikoa kote nchini.

Hatua hiyo ya Waziri Ummy imewafikisha viongozi hao katika miradi ya uwezeshaji ya wananchi kiuchumi kwenye eneo la Chapulwa, lenye ukubwa wa hekari 2000 huku hekari 90 zikiwa zimetolewa kwa mwekezaji, na  katika eneo la Zongomera  lenye hekari 2100, Hekari 500 zimegawanywa kwa wajasiriamali ili waendeshe shughuli za kibiashara na ufundi.

Wakionekana kuguswa na hatua zilizochukuliwa na Halmashauri ya Manispaa ya Kahama, yakuwawezesha wanachi kujikwamua kiuchumi, Wakuu hao wa Mikoa wameaahidi kutumia fursa ya maarifawaliyopokea kwaajili ya Mikoa yao.

Akiongea kwa niaba ya Wakuu wa Mikoa wenzake, Mwenyekiti wa Wakuu wa Mikoa John Mongella, ambaye pia ni Mkuu wa Mkoa wa Arusha, amesema ziara hiyo imewafungua macho, hivyo watachukua hatua za haraka katika kufanikisha azma hiyo kwakuwawezesha wananchi kwenye maeneo yao.

“Mhe. Waziri, Mimi kwa niaba ya viongozi wenzangu hatuna lakusema kwa sasa, ila tumuahidi Mhe. Rais kwamba, tunakwenda kuishi viapo vyetu, moja ikiwa nikuhakikisha maarifa haya ambayo wenzetu wa Kahama tumevuna kwao, sisi tutakwenda kufanya vizuri zaidi” alisema Mongella.  

Kwa upande wake Mkuu wa Mkoa wa Tanga, Adamu Malima, hakusita kuonesha hisia zake mbele ya Waziri Ummy na kutoa maelekezo kwa Katibu Tawala wa Mkoa huo, kuhakikisha manunuzi ya Jozi tatu za Masofa ambazo zilikuwa zimepangwa kununuliwa na Ofisi hiyo ya Mkuu wa Mkoa kwenye maeneo mengine, sasa manunuzi hayo yafanyike kwenye kampuni ya  *Wahitime Furniture* ya Kahama Shinyanga ilioanzisha kiwanda cha Furniture katika eneo hilo la biashara ikiwa ni jitihada zakuunga Mkono shughuli hiyo inayofanywa na vijana wazalendo wa kitanzania.

Awali akitoa maelezo Mbele ya Waziri wa Nchi na Ujumbe wake, Mkurugenzi wa Manispaa ya Kahama, Anderson Msumba, alisema wao kama Manispaa walikaa na kuamua kutoa Hekari 500 bure kwa wananchi, lakini mara baada ya Mradi kuanza, sasa Halmashauri inakusanya  shilingi Milioni. 80 kila mwaka, fedha inayoingia kama sehemu ya mapato ya ndani.

Waziri wa Nchi Ofisi ya Rais TAMISEMI Mhe. Ummy Mwalimu, akiwa ameongozana na Mkuu wa Mkoa wa Tanga Mhe. Adam Malima wakati wa ziara hiyo yakikazi kwenye Manispaa ya Kahama.

Waziri wa Nchi Ofisi ya Rais TAMISEMI Mhe. Ummy Mwalimu, akiwa ameongozana na Mkuu wa Mkoa wa Tanga Mhe. Adam Malima wakati wa ziara hiyo yakikazi kwenye Manispaa ya Kahama, huku wakijionea bidhaa za makochi zinazo zalishwa na Wahitime Feniture

Eneo la Chapulwa kama linavyo onekana kwa juu, ambapo Zaidi ya Hekari 900 zimegaiwa kwa mwekezaji.

 Fundi akiendelea na kazi katika kiwanda cha Wahitime cha Manispaa ya Kahama

Waziri Mkuu, Kassim Majaliwa  na Naibu Waziri wa Maliasili na Utalii, Mary Masanja  (kushoto) wakitazama magogo  katika  kijiji cha Wachawaseme ambayo yamevunwa kinyume cha utaratibuna watu wasiojuliakana kutoka katika Pori la Akiba  la Igombe wilayani Kaliua mkoa wa Tabora,  Agosti 28, 2021. Waziri Mkuu aliiagiza Wizara ya Maliasili na Utalii kupitia Wakala wa Huduma za  Misitu Tanzania (TFS) kuyapiga mnada magogo hayo kwa kuzingatia utaratibu uliowekwa na serikali. (Picha na Ofisi ya Waziri Mkuu) 

Waziri Mkuu, Kassim Majaliwa akikagua mipaka ya Hifadhi ya Iswima  katika Pori la Akiba la Igombe wilayani Kaliua ambako aliagiza pori hilo lilindwe baadwe baada  ya kushuhudia uharibifu unaofanywa na watu wanokata miti, kuendesha shughuli za kilimo, uvuvi na makazi kinyume cha sheria, Agosti 28, 2021.. (Picha na Ofisi ya Waziri Mkuu) 

Waziri Mkuu, Kassim Majaliwa akikagua mipaka ya Pori la Akiba la Igombe wilayani Kaliua ambako aliagiza pori hilo lilindwe baada ya kujionea uharibifu unaofanywa na watu wanokata miti, kuendesha shughuli za kilimo, uvuvi na makazi kinyume cha sheria, Agosti 28, 2021. Kulia ni Mkuu wa Mkoa wa Tabora,Balozi. Dkt.  Batilda Burian. (Picha na Ofisi ya Waziri Mkuu) 

Waziri Mkuu, Kassim Majaliwa akikagua mipaka ya Pori la Akiba la Igombe wilayani Kaliua ambako aliagiza pori hilo lilindwe baada ya kushuhudia uharibifu unaofanywa na watu wanokata miti, kuendesha shughuli za kilimo, uvuvi na makazi kinyume cha sheria, Agosti 28, 202. Kushoto ni Mkuu wa Mkoa wa Tabora, Balozi Dkt.  Batilda Burian. (Picha na Ofisi ya Waziri Mkuu)

Washiriki wakiwa kwenye kikao hicho.

Mratibu wa Mradi wa Kilimo Himilivu cha Pamba kutoka GIZ kwa mkoa wa Singida, Leonard Mtama, akichangia jambo kwenye kikao hicho.

Afisa Mazingira kutoka Wilaya ya Iramba, Yohana Dondi,akizungumza kwenye kikao hicho.

Washiriki wa kikao hicho wakiwa katika picha ya pamoja,

Na Dotto Mwaibale, Singida

KAMATI ya Kudumu ya Bunge ya Katiba na Sheria imekagua na kuridhishwa na utekelezaji wa miradi ya vijana iliyopo mkoani hapa.

Wakati huo huo Wajumbe wa kamati hiyo wamewataka vijana kuchangamkia fursa ya program ya kukuza ujuzi kwa vijana inayofadhiliwa na Ofisi ya Waziri Mkuu kwani itawakomboa kiuchumi.

Ombi hilo limetolewa jana kwa nyakati tofauti na wajumbe wa kamati hiyo wakati wa ziara yao ya siku moja ya kukagua miradi ya maendeleo ya vijana iliyopo Manispaa ya Singida.

Wajumbe hao waliwasihi vijana hao kujikita zaidi kwenye mafunzo hayo ambayo yatawasaidia kujiajiri na kuondokana na dhana ya kutaka kuajiriwa.

 Mafunzo wanayojifunza ni ya fani za umeme, ushonaji nguo, mapambo,useremala,ujenzi na kupaka rangi.

Miradi waliyoitembelea ni  ile ya vijana waliowezeshwa na Serikali  kupitia asilimia nne  ya mapato ya ndani.

Awali akitoa neno la utangulizi  Naibu Katibu Mkuu Ofisi ya Waziri Mkuu Kazi, Ajira,Vijana na Watu Wenye Ulemavu,  Profesa Jamal  Katundu alisema nia ya kamati hiyo kwenda Singida ni kutokana na kazi nzuri ya miradi walioifanya kwa asilimia 100 na kupitishwa bila ya kukataliwa kufuatia usimamizi mzuri wa vikundi vya vijana mkoani hapa.

Katika ziara hiyo wajumbe hao walipata fursa ya kuzungumza na vijana wanaopata mafunzo mbalimbali ya ufundi katika vyuo vya Veta, FDC, na SabaSaba Chuo cha Ufundi na Marekebisho kwa Watu Wenye Ulemavu  ambapo pia walitembelea miradi yote iliyozinduliwa na Mbio za Mwenge wa Uhuru na kukagua bidhaa za vijana hao kwenye Maonyesho yaliyofanyika Chuo cha Veta yaliyo andaliwa na Ofisi ya Mkuu wa Mkoa Singida.

Baadhi ya wajumbe wa kamati hiyo waliokuwa kwenye ziara hiyo ni Naibu Waziri, Ofisi ya Waziri Mkuu Watu Wenye Ulemavu, Ummy Nderiananga, Naibu Katibu Mkuu Ofisi ya Waziri Mkuu Kazi, Ajira,Vijana na Wenye Ulemavu Profesa Jamal  Katundu na Mwenyekiti wa kamati hiyo Najma Murtaza Giga.

Na WAMJW- DOM

Wizara ya Afya Maendeleo ya Jamii, Jinsia, Wazee na Watoto  imeendelea na zoezi la kutoa Elimu kwa wananchi katika maeneo ya kutolea huduma za Afya juu ya umuhimu wa matumizi ya tiba asili/mbadala katika mapambano dhidi ya magonjwa mbali mbali, ikiwemo UVIKO-19.

Katika kuelekea maadhimisho ya siku ya tiba asili ya mwafrika Wadau wa tiba asili wakiongozwa na kitengo cha Tiba asili na Baraza la tiba asili kutoka wizara ya afya wameweza kutembelea na kutoa elimu katika  Hospitali ya Rufaa ya Mkoa Dodoma, kituo cha Afya cha Makole na Hospitali ya Benjamin Mkapa Jijini Dodoma.

Akiongea wakati wa utoaji elimu hiyo Kaimu Mkurugenzi Msaidizi Tiba Asili/Mbadala  Dkt. Vumilia Liggyle alisema kuwa, Wataalamu wa Tiba asili na tiba mbadala kutoka Wizarani wameongozana na Waganga wa tiba hizo kutembelea vituo vya Afya katika sehemu ya wagonjwa wa nje wa Hospitali (OPD) ambapo wameweza kuzungumza na wagonjwa na kuwapa elimu kuhusu umuhimu wa tiba asili katika mapambano dhidi ya magonjwa mbali mbali nchini.

"Kwa siku ya leo tumetembelea vituo vya Afya vitatu, tumetembelea Hospitali ya Rufaa ya Mkoa wa Dodoma General kama kituo cha kwanza, ambapo tumeenda sehemu ya wagonjwa wa nje wa Hospitali ambapo tumeweza kuzungumza na wagonjwa na kuwapa elimu kuhusu tiba asili." Alisema.

Aliendelea kusema kuwa, Serikali tuna Baraza la tiba asili na tiba mbadala ambalo linatekeleza Sheria namba 23 ya mwaka 2002 iliyopitishwa na Bunge la Jamhuri ya Muungano wa Tanzania, Baraza hili ndio linasajili dawa, Waganga wa tiba asili, na kuwajua wako wapi na wanafanya nini, na kuhakikisha dawa hizo ni salama kwa matumizi ya binadamu.

Baraza la tiba asili na tiba mbadala linafanya kazi kwa kushirikiana na Maabara ya Mkemia Mkuu wa Serikali, Maabara ya TMDA, maabara ya taasisi ya dawa asili pamoja na Maabara ya Shirika la viwango Tanzania, Alisisitiza Dkt. Liggyle.

Naye, Katibu Mkuu wa Shirika la dawa asilia na ulinzi wa mazingira Bw. Boniventura Mwalongo ameeleza zaidi ya asilimia 93 ya dawa zinaagizwa kutoka nje ya nchi, hivyo Serikali imelenga kuboresha tafiti za ndani, kuongeza uzalishaji wa ndani ili kutoa fursa za ajira, hususan kwa vijana, hivyo kupitia kuikuza tiba asili nchini yote yanawezekana.

Kwa upande wake Mwakilishi wa Waganga wa tiba asili katika zoezi hilo Dkt. Elizabeth Lema alisema kuwa, wiki hii ya maadhimisho inatoa fursa kwa Waganga wa tiba asili na tiba mbadala kuonesha bidhaa zao mbali mbali ambazo tayari zimesajiliwa kupitia Baraza la tiba asili na tiba mbadala na kuthibitishwa kuwa ni salama kwa matumizi ya binadamu.

Aidha, ametoa rai kwa wananchi kuhudhuria maonesho hayo yatayofanyika katika ukumbi wa Jakaya Kikwete Jijini Dodoma ili kujifunza, kuelimishwa na kupata fursa ya kuuliza maswali mbali mbali kuhusu tiba asili na tiba mbadala kisha kufahamu namna ya kuzipata na kuzitumia.

Wiki ya tiba asili na tiba mbadala ya Mwafrika inaongozwa na Kauli mbiu ya "Mchango wa tiba asili katika mapambano dhidi ya UVIKO-19 " ambapo mwisho wa kilele ni Agasti 31, huku Waziri wa Afya, Maendeleo ya Jamii, Jinsia, Wazee na Watoto Dkt. Dorothy Gwajima akitarajiwa kuwa mgeni rasmi kufunga maonesho hayo yanayofanyika kila mwaka.