"Ni wazi kwamba jina na Karume halitosahaulika katika ukombozi wa visiwa vya Zanzibar", Mheshimiwa Othman ameyasema hayo katika Kongamano la Kumbukumbu ya Rais wa Kwanza wa Visiwa vya Zanzibar, Hayati Mzee Karume, ambapo alimuwakilisha Rais wa Zanzibar na Mwenyekiti wa Baraza la Mapinduzi, Mheshimiwa Dk. Hussein Ali Mwinyi.

Mheshimiwa Othman amesema kongamano hilo limefanyika ili kutoa fursa pia kwa wasomi na wananchi mbalimbali kutambua kikamilifu hekima, falsafa na fikra za kimapinduzi za kiongozi huyu shupavu zilizotokea katika historia ya taifa letu.

"Kwa kweli leo tuna heshima kubwa kuhudhuria kongamano hili lenye lengo la kuzienzi ndoto, fikra na falsafa za kiongozi huyu mweledi katika kuleta ukombozi wa nchi yetu. Karume ameiletea Zanzibar fahari kubwa sambamba na kuwafanya watu kuwa huru hata kujiamulia mambo yao wenyewe kwa uhuru na amani", alisema Makamu huyo wa Kwanza wa Rais wa Zanzibar.

Katika kusisitiza umuhimu wa kongamano hilo, Mheshimiwa Othman alisema ni dhahiri kwamba kongamano hili linawaleta waandishi na wasomi pamoja ili kupambanua kwa makini fikra na mchango wa Hayati Mzee Karume, ambapo mtu mmoja mmoja ataweza kuelewa kwa undani mambo aliyoyafanya kiongozi huyo wa kwanza wa Zanzibar na kuyaweka katika vitendo kwa ajili ya ujenzi wa taifa letu.

Naye Mwenyekiti wa Bodi ya Chuo cha Kumbukumbu ya Mwalimu Nyerere, Bwana Steven Wasira, amesema shabaha ya kongamano hilo ni kurithisha historia kutoka kizazi kimoja kwenda chengine.

"Tuna mengi ya kujifunza kwa Karume, kwani alikuwa ni miongoni mwa viongozi wakuu wa bara la Afrika kudai uhuru wa nchi zao pamoja na bara la Afrika kwa ujumla," amesema Bwana Wassira.

Kongamano hilo ambalo lilihudhuriwa na viongozi, wafanyakazi na wanafunzi kutoka katika Chuo cha Kumbukumbu ya Mwalimu Nyerere pamoja na wageni waalikwa limefanyika katika chuo hicho kilichopo Bububu, nje kidogo ya mji wa Unguja.

WAZIRI Mkuu Kassim Majaliwa amesisitiza kwamba Serikali itaenzi na kuendeleza jitihada, maono na juhudi za aliyekuwa Rais wa Awamu ya Tano Hayati Dkt. John Pombe Magufuli hususan katika ulinzi wa rasilimali za Taifa pamoja na mapambano dhidi ya rushwa na ufisadi.

Pia, Waziri Mkuu ametaja mambo mengine yatakayoendelezwa ni pamoja na  nidhamu katika matumizi ya fedha za umma, utekelezaji wa miradi ya kimkakati, kuenzi lugha ya Kiswahili, kuunganisha na kuwajali wananchi wanyonge na kudumisha umoja wa Kitaifa.

Waziri Mkuu ameyasema hayo leo (Jumanne, Aprili 13, 2021) wakati akiwasilisha hotuba ya Mapitio na Mwelekeo wa Kazi za Serikali na Makadirio ya Mapato na Matumizi ya Fedha za Ofisi ya Waziri Mkuu na Ofisi ya Bunge kwa mwaka 2021/2022, Bungeni jijini Dodoma.

Amesema Serikali itatekeleza kwa kasi miradi ya kimkakati ambayo inalenga kukuza uchumi, kuimarisha huduma za jamii na kuongeza fursa za ajira. “Kwa kasi tuliyoanza nayo, Serikali itaendelea kuongeza nguvu zake na hatimaye kukamilisha miradi hiyo.”

“Serikali itaendelea kuimarisha huduma za jamii zikiwemo afya, elimu na maji pamoja na utekelezaji wa miradi inayoendelea na uanzishwaji wa miradi mipya. Pia itaimarisha makusanyo ya mapato kwa kutumia mfumo wa kielektroniki na mashine za POS na kupunguza matumizi yasiyo ya lazima, kuziba mianya ya uvujaji wa fedha za umma na kuendeleza rasilimali fedha katika miradi ya kimkakati na kielelezo.”

Mheshimiwa Majaliwa amesema Serikali itaendelea kushirikiana na washirika wa maendeleo kutekeleza miradi na programu mbalimbali zinazolenga kuimarisha huduma za kiuchumi na kijamii na kuchukua hatua za kukabiliana na majanga mbalimbali ikiwemo magonjwa ya mlipuko kwa kuzingatia maelekezo  yanayotolewa na wataalam.

Kadhalika, Mheshimiwa Majaliwa amewataka Watanzania wote bila kujali itikadi za kisiasa, kidini na kikabila waendelee kufanya kazi kwa bidii, weledi, uadilifu, ufanisi, uaminifu na kupiga vita rushwa ili waweze kulinda mafanikio waliyoyapata. “Jitihada hizo ndizo zimetuwezesha kuingia katika nchi za uchumi wa kati.”

Wakati huo huo, Waziri Mkuu ameliomba Bunge liidhinishe jumla ya sh.116,784,244,000.00 kwa ajili ya Ofisi ya Waziri Mkuu na Taasisi zilizo chini yake kwa matumizi ya mwaka 2021/2022. Amesema kati ya fedha hizo, sh. 93,303,370,000.00 ni kwa ajili ya matumizi ya kawaida na sh. 23,480,874,000.00 ni kwa ajili ya matumizi ya maendeleo.

“Mheshimiwa Spika, vilevile naliomba Bunge lako tukufu liidhinishe jumla ya shilingi 128,873,377,000.00 kwa ajili ya Mfuko wa Bunge. Kati ya fedha hizo, shilingi 121,875,906,000.00 ni kwa ajili ya Matumizi ya kawaida na shilingi 6,997,471,000.00 ni kwa ajili ya maendeleo.”

IMETOLEWA NA:

OFISI YA WAZIRI MKUU,

S. L. P. 980,

41193 – DODOMA

JUMANNE, APRILI 13, 2021.

Na Zainab Nyamka, Michuzi Tv

KUFUATIA  kuonesha kiwango bora ndani ya Azam Fc Kiungo mshambuliaji wa wa timu hiyo Idd  Seleman 'Nado', ameongeza mkataba mpya wa miaka miwili kuendelea kusalia kwa matajiri wa Chamazi.

Nado amesaini mkataba huo leo mchana mbele ya Ofisa Mtendaji Mkuu, Abdulkarim Amin 'Popat', utakaomfanya aendelee kusalia Azam FC hadi mwaka 2024.

Popat amesema, Nado amekuwa na kiwango bora tokea msimu uliopita alipojiunga nao akitokea timu ya Jiji la Mbeya Mbeya City alipoonesha kiwango kikubwa hadi kuvutiwa naye.

Amesema, katika msimu wa 2020/21 Nado  amehusika kwenye mabao 12 ya Azam FC, akifunga mara saba na kutoa pasi za mwisho tano.

Kwa sasa Azam Fc ipo nafasi ya pili katika msimamo wa ligi akiwa na alama 47 nyuma ya vinara Yanga wenye alama 51 huku Simba wakiwa nafasi ya tatu kwa alama 46.

Akizungumza na Waandishi wa Habari jijini Dodoma  leo Aprili 13, 2021 Rais wa Chama cha Walimu Tanzania Mwalimu Leah Ulaya amesema majukumu yaliyooneshwa kwenye bodi hiyo  yanafanana na yale   yanayofanywa na Tume ya Utumishi wa walimu  [TSC] iliyopo sasa.

“Mnamo  mwaka 2019 , Chama cha walimu Tanzania kilialikwa kutoa maoni kuhusu uanzishwaji  wa Bodi hiyo kimsingi sisi CWT,tuliikataa  kwa nguvu zote  baada ya kusoma sheria hiyo  tukajiridhisha pasi  na shaka  kwamba chombo hiki  kililenga kumgandamiza mwalimu  badala ya kumsaidia ,aidha majukumu yaliyo kwenye bodi hiyo yanafanana  na yale yanayofanywa na Tume ya utumishi wa walimu.'' Amesema Ulaya

Rais huyo wa CWT ameendelea kufafanua kuwa;

”Mnamo Tarehe 12 April,2021 CWT tulialikwa na katibu wa bunge  kukutana na kamati ndogo ya Bunge ya sheria juu  ya kanuni za uendeshaji  wa bodi hiyo ambayo msingi wake  ni sheria mama ambayo sisi CWT  tulikataa tangu mwanzo,katika kikao hicho  cha tarehe 12,April,2021 Chama cha Walimu Tanzania  kiliendelea na msimamo wake  wa usitishwaji wa chombo hiki  na kuimarisha utendaji kazi wa Tume ya Utumishi wa Walimu[TSC.]

Aidha, Rais huyo wa CWT ametaja   sababu kadhaa za msimamo  kupinga uwepo wa bodi hiyo kuwa ni pamoja na gharama za bodi ambapo uendeshwaji  utategemea pesa ya mwalimu mfukoni   na ada ni elfu hamsini kwa mwaka  pamoja na kupunguza utitiri wa vyombo vinavyomsimamia mwalimu.

 “Bodi hii tunaipinga kwa nguvu zote kwa sababu ,uendeshaji wa bodi hii utategemea pesa ya walimu mfukoni kwa ajili ya usajili,leseni na ada kwa mwaka ambayo si chini ya Tsh.50,000/=,gharama za kusikiliza mashauri,gharama za semina  ya kila mwaka ambayo ni lazima  kuhuisha leseni hiyo ,kushindwa kufanya hivyo mwalimu  atanyang’anywa leseni  na hivyo kupoteza sifa ya kufundisha na sababu nyinyine ya kuikataa bodi hii ni kupunguza utitiri wa vyombo vinavyomsimamia mwalimu na majukumu yakifanana.” Amesema.

Makamu wa Rais wa CWT Dinah Mathamani ameiomba serikali kuendelea  kuwamini na kuwatia moyo walimu.

“Walimu tunafanya kazi kwa bidii na ukiangalia ufaulu umekuwa ukiongezeka mwaka hadi mwaka kinachotakiwa ni serikali kuendelea kuamini walimu pamoja na kuwatia moyo.'' Amesema.

Katibu mkuu wa Chama cha Walimu Tanzania[CWT] Deus Seif amesema endapo bodi hiyo itapitishwa makato ya mwalimu kila mwezi itakuwa ni Tsh. 4200 huku Naibu katibu Mkuu CWT,Maganga Japhet Bodi ya kitaaluma ya Walimu Tanzania haina faida yoyote bali itadidimiza uchumi wa walimu.

WAZIRI wa Nchi Ofisi ya Rais Menejimenti ya Utumishi na Utawala Bora, Mohammed Mchengerwa amewataka Wakuu wa Mikoa na Wilaya kuacha kutumia vibaya mamlaka zao kuwaweka ndani kinyume na sheria watu wanaotenda makosa huku akiwataka kuzingatia Utawala wa haki na sheria.

Hayo ameyasema jijini Dodoma wakati akizungumza na watumishi wa Wizara yake ikiwa ni siku kadhaa tangu ateuliwe na Rais Suluhu Hassan kushika nafasi hiyo akichukua nafasi ya Kepteni George Mkuchika ambaye ameteuliwa kuwa Waziri asiye na wizara.

Akizungumza katika kikao hiko, Mchengerwa amesema Wakuu wengi wa Mikoa na Wilaya wamekua wakitumia vibaya mamlaka yao waliyopewa kikatiba ya kuwaweka ndani masaa 24 hadi 48 watu waliofanya makosa huku akisisitiza viongozi hao kutambua kuwa Serikali ya Rais Samia inazingatia haki na utawala bora.

Waziri Mchengerwa pia ameitaka Taasisi ya Kuzuia na Kupambana na Rushwa kuondoa kesi zote zilizopo mahakamani ambazo wanaona kwamba serikali haina uelekeo wa kushinda.

" Kumekua na mfulululizo wa kesi nyingi ambazo TAKUKURU inazipeleka mahakamani lakini haina ushahidi wa kutosha, niwaombe kuziondoa kesi zote ambazo hatuna uhakika wa kushinda, ni kupoteza fedha na muda kuendesha kesi ambazo mwisho wake wenyewe tunaona hatutoshinda.

Maelekezo mengine ni kwamba TAKUKURU iharakishe uchunguzi ambao Rais Samia aliagiza ufanyike kwenye Mamlaka ya Bandari nchini TPA, lakini pia iongeze juhudi za haraka kufikisha kesi za rushwa mahakamani kwa sababu hakuna kesi nyingi zilizopelekwa mahakamani badala yake kumekuepo na majadiliano nje ya mahakama," Amesema Mchengerwa.

Ametoa pia onyo kwa maafisa utumishi wote nchini kuhakikisha wanasimamia na kutatua changamoto za watumishi nchi na yeyote ambaye atashindwa kutekeleza majukumu yake ipasavyo hatosita kumuagiza Katibu Mkuu Utumishi kumuondoa kwenye nafasi hiyo.

" Haiwezekani watumishi wapate changamoto kwenye nafasi zao halafu kuna Maafisa Utumishi, niwatake maafisa utumishi wote kushughulika na changamoto za watumishi nchini na atakayeshindwa tutamuondoa kwenye nafasi hiyo," Amesema Mchengerwa.

SERIKALI imewataka watumishi wake nchini kuwa mfano wa kuigwa mbele ya jamii kwa kuwa wenye maadili huku wakizingatia nidhamu kwenye maeneo yao ya kazi na kwenye jamii inayowazunguka.

Kauli hiyo imetolewa na Naibu Waziri wa Utumishi na Utawala Bora, Deo Ndejembi wakati akizungumza kwenye kikao kazi cha Wizara hiyo kilichoendeshwa na Waziri wa wizara hiyo, Mohammed Mchengerwa jijini Dodoma.

Ndejembi amesema ni jambo la ajabu kuona mtumishi wa serikali anakua wa kwanza kufanya vitendo ambavyo siyo vya kimaadili kazini au kwenye maeneo ya nje ya kazi jambo ambalo linaitia doa serikali na hivyo kusisitiza utii na nidhamu kwa watumishi hao.

Ndejembi amesema kumekuepo na tabia ya watumishi kutokua na lugha za staha kwa wananchi wanaofika kupata huduma kwenye ofisi za serikali ambapo amekemea tabia hiyo akisisitiza kwamba watachukulia hatua wote wanaoenda kinyume na maadili ya kazi.

" Zipo taarifa za watumishi wanaotoa lugha mbaya kwa wananchi wanaofika kupata huduma, wengine lugha za ubabe na wakichelewesha huduma kwa mteja, niseme tu hatutomvumilia mtumishi wa namna hii kwa sababu atakua anaigombanisha serikali na wananchi.

Siyo kwenye maeneo ya kazi tu hata kwenye makazi yetu tunapaswa kuwa mfano mzuri wa watu wenye maadili, siyo mtumishi wa serikali ndio unaongoza kwa kupiga mkeo kila siku, mtumishi wa serikali unaongoza kwa ulevi na lugha chafu au unaongoza kwa madeni, tuziepuke sifa hizo mbali ili kulinda sura ya Serikali yetu," Amesema Ndejembi.

Charles James, Michuzi TV

SERIKALI imezindua mkakati mahususi wa unywaji maziwa katika Ofisi za Umma nchini lengo likiwa ni kuongeza Soko la maziwa ya ndani lakini pia kukuza kipato cha wafugaji.

Mkakati huo umezinduliwa leo jijini Dodoma na Waziri wa Mifugo na Uvuvi, Mashimba Ndaki ambaye ametoa wito kwa watumishi wa Umma nchini na wananchi kwa ujumla kuunga juhudi mkakati huo ili pia kuimarisha ubora wa afya zao.

Waziri Mashimba amesema kwa kuanza mkakati huo utahusisha wizara 10 ambazo ni Wizara ya Mifugo na Uvuvi, Wizara ya Ulinzi na Jeshi la Kujenga Taifa, Wizara ya Kilimo, Wizara ya Fedha na Mipango, Wizara ya Viwanda na Biashara, Tamisemi, Wizara ya Mambo ya Ndani na Wizara ya Elimu.

Mashimba amesema mkakati huo wameshirikiana na Kampuni za uzalishaji maziwa ambazo zimejitokea majokofu ya kuhifadhia maziwa hayo ili yasiharibike.

" Leo tunazindua awamu ya kwanza ya unywaji maziwa kwenye ofisi za serikali na kwa kuanza tumeanza na wizara hizi 10 lakini tunaamini tutakakua na awamu zingine za uzinduzi zikihusisha wizara zingine, taasisi na mashirika ya umma.

Unywaji wa maziwa maofisini utachangia kwa kiwango kikubwa Soko la maziwa yanayotengenezwa nchini na kuepuka unywaji wa maziwa ya nje, hivyo tutakuza pato la wafugaji pia na kuchochea kiwango cha ajira kwenye Viwanda vinavyotengeneza maziwa nchini," Amesema Waziri Mashimba.

Amesema itakua ni jambo la ajabu kuona ofisi ya serikali inaagiza maziwa yanayotengenezwa nje ya nchi kwani kufanya hivyo ni kuchochea pato la nje na kukuza uchumi wa mataifa mengine.

Kwa upande wake Msajili wa Bodi ya Kazi wa nchini, Dk George Msalya amesema anaimani kama ofisi zote za serikali ambapo watumishi wa umma wanafika takribani Laki Tano zitaunga mkono unywaji huo wa mazingira itakua ni fursa nzuri na pana ya kukuza soko la maziwa ya ndani.

 MEKUWA ikiwapa wakati mgumu sana hasa wale wanaokuwa wamemaliza masomo yao kwa muda mfupi na kuingia katika harakati za kutafuta ajira. Ofisi nyingi sana hasa Mashirika Binafsi (yasiyo ya Kiserikali) na Makampuni binafsi yamekuwa yakiongeza suala la Uzoefu wa kazi kama kigezo cha kupata ajira. Hivyo kampuni ya simu ya Infinix ikaona ni vyema kuwakutanisha vijana kutoka sehemu mbali mbali wakiwemo wanafunzi wa vyuo kuweza kujadili suala hili kupitia mdahalo unaosema “Je, tunahitaji uzoefu wa kazi ili kuweza kuajiriwa?” ambapo ilifanyika katika Ukumbi wa Sahara Ventures uliopo Morocco siku ya Jumamosi Tarehe 10/04/2021. 

Mkuu wa Mkoa wa Morogoro Loata Ole Sanare amemuagiza Mkurugenzi wa Halmashauri ya wilaya ya Mvomero,kuhakikisha shule ya Msingi shikizi ya Sokoine inapata Walimu wa kuajiliwa na Serikali, kwani kwa sasa Shule hiyo haina Walimu ambao wanasifa na vigezo vya kufundisha Wanafunzi.

Mkuu wa Mkoa ametoa agizo hilo mbele ya Wananchi katika mkutano wa Hadhara wenye lengo la kutatua mgogoro Ardhi kati ya Halmashauri ya Wilaya ya Morogoro na Wilaya ya Mvomero, uliodumu ndani ya miaka tisa,wakigombania mpaka wa Kijiji cha Mkono wa mara,ambapo kila upande ukidai Kijiji hicho kipo katika Wilaya yake.

Akizungumza mala baada ya kutatua mgogoro huo Mkuu wa Mkoa Ole Sanare,akaitaka Halmashauri ya Wilaya ya Mvomero kukamilisha ujenzi wa madarasa kwenye shule ya Msingi Shikizi ya Sokoine ambayo ainachumba kimoja cha madarasa,huku ikiwa na wanafunzi zaidi ya mia tatu walio katika mikondo tofauti.

Aidha akizungumzia mgogoro huo Mkuu wa amkoa wa Morogoro amesema mgogoro huo umedumu kwa kipindi kirefu lakini ofisi yake kwa kushirikiana na ofisi ya ardhi tayari wamemaliza mgogoro huo.
Katika hatua nyingine Ole Sanare amewataka viongozi wa Vijiji kuacha tabia ya kuuza maeeneo pasipo kufuata sheria na taratibu jambo ambalo linasababisha migogoro ya Ardhi ya katika maeneo mengi Mkoani Morogoro.

Hata hivyo Mkuu wa Mkoa kaenda mbali zaidi na kuwataja baadi ya viongozi wakiwemo wa chama cha Mapinduzi CCM wanaotuhumiwa kuuza maeneo pasipo kufuata sharia katika Halmashauri ya Wilaya ya Mvomoro akiwemo Mzee Kinyau na Mzee Koka,huku akiagiza kufanywa uhakiki kwa wale wote wanaomiliki maeneo katika Halmashauri hiyo.

Kwa upande wake Kamishina wa Ardhi Msaidizi Mkoa wa Morogoro Frank Minnzikuntwe amesema baada ya kupokea maagizo ya kutoka kwa Mkuu wa Mkoa aliunda tume iliyohusisha pande zote mbili za Wilaya ya Mvomero na Morogoro na kumaliza kabisa mgogoro huo.

Nao baadhi ya wananchi wasema kutatuliwa kwa mgogoro huo utachochea maendeleo kwani walikosa namna ya kutatua kero zao kwai walikua hawajua wapo upande gani. 

Mkuu wa Mkoa wa Morogoro Loata Ole Sanare

Waziri wa Habari, Utamaduni, Sanaa na Michezo Mhe. Innocent Bashungwa (kulia) amekutana na Mkurugenzi wa Mawasiliano wa Kampuni ya Tanzania Daima Gerva Lyenda (Kushoto) Leo April 13, 2021 Dodoma. Mkurugenzi huyo alifika ofisi za Wizara ya Habari, utamaduni, sanaa na Michezo na kupata nafasi ya kufanya mazungumzo na Mhe. Bashungwa kuwasilisha ombi lao na kwa majadiliano zaidi kuiomba serikali kama itawezakuwapa leseni ya kuanza kazi ya kuchapisha tena gazeti la Tanzania Daima ambalo lilizuiliwa leseni yao tangu June 24, 2020.

Mkurugenzi wa Idara ya Habari alifuta leseni ya gazeti hilo ikiwa ni baada ya kulionya gazeti mara kadhaa huku gazeti lenyewe lililazimika kuomba radhi. Kufuatiwa kufungiwa huko Mkurugenzi Lyenda alimueleza Waziri Bashungwa kuwa “gazeti limeajiri watu 90 na wanahangaika kwakukosa leseni tumejifunza na hatutorudia makosa” na akaongeza kwakushukuru “Asante kwa kutusikiliza hii ni fursa kubwa kwetu, maana miezi zaidi ya nane ni mingi sana na hatujafanya kazi yoyote.

Waziri Bashungwa amewapa wito wakuheshimu tasnia ya habari kwakuwa wote tunajenga nchi moja na kuongeza kwa kusema “watanzania wa sasa wameamka wanajua lipi ni baya na lipi ni zuri sasa kama unatoa habari zakupotosha tu utakuwa unawakosea haki yao ya kuhabarishwa”. Pia Waziri ametoa wito kwa wadau wa tasnia ya habari kuunga mkono dhamira ya Mhe. Rais Mama Samia Suluhu Hassani kuona haki ya uhuru wa habari inaendana na wajibu na uzingatiaji sheria, kanuni na misingi ya taaluma ya habari.