MICHUZI BLOG

Na Kadama Malunde - Malunde1 blog

Mkuu wa wilaya ya Shinyanga Josephine MatiroMatiro amewatahadharisha wakuu wa shule za sekondari wilayani humo kutothubutu kuchangisha pesa kwa wazazi na wanafunzi kwa ajili ya mitihani ya shule na shule kwani ni kwenda kinyume cha agizo la rais John Pombe Magufuli linalokataza michango shuleni.

Matiro ametoa tahadhari hiyo leo Jumatano Februari 7,2018katika kikao cha kwanza kwa mwaka 2018 cha Umoja wa wakuu wa shule za sekondari Tanzania (TAHOSA) halmashauri ya wilaya ya Shinyanga (Vijijini) kilichofanyika katika ukumbi wa Mwalimu House Mjini Shinyanga na kuhudhuriwa na wakuu wa shule 27 za sekondari zilizopo katika halmashauri hiyo.

Aidha aliwataka wakurugenzi wa halmashauri za wilaya kutumia mapato ya ndani na juhudi za wafadhili au wadau wa elimu kufanikisha mitihani ya wilaya badala ya kuchangisha wazazi na wanafunzi.

"Naomba mitihani mnayofanya ya Interschool Examination isihusishe michango yoyote kutoka kwa wazazi na wanafunzi, tukihusisha michango tunakuwa tumekwenda kinyume na kanuni, taratibu na matamko yanayotolewa na viongozi wetu”,alisisitiza .

"Hakikisheni pia pesa za serikali zinatumika kulingana na kanuni na utaratibu uliopangwa,zisipotumika vizuri maana yake mmeshindwa kufanya kazi mtawajibishwa”,alieleza.

Mkuu wa wilaya ya Shinyanga Josephine Matiro akifungua kikao cha Umoja wa Wakuu wa Shule za Sekondari Tanzania (TAHOSA) halmashauri ya wilaya ya Shinyanga (Vijijini) . Kushoto ni mwenyekiti wa TAHOSA wa halmashauri hiyo Leonard Laurent. Kulia ni Kaimu mkurugezi wa halmashauri hiyo Stewart Makali.

Wakuu wa shule za sekondari katika halmashauri ya wilaya ya Shinyanga wakimsikiliza mkuu wa wilaya ya Shinyanga Josephine Matiro

Matiro aliwasisitiza wakuu hao wa shule kuwachukulia hatua watu wanaowapa mimba wanafunzi na kuhakikisha wanatoa elimu kuhusu madhara ya ndoa na mimba za utotoni.

Kwa habari zaidi BOFYA HAPA

Wazazi wametakiwa kuhakikisha watoto wao wanapata chanjo

zote zinazotakiwa ili waweze kuepukana na magonjwa mbalimbali yakiwemo magonjwa ya moyo ya kuzaliwa nayo.

Rai hiyo imetolewa jana na Waziri wa Afya, Maendeleo ya Jamii, Jinsia

wazee na Watoto Mhe. Ummy Mwalimu wakati akiongea na wabunge

waliohudhuria semina ya afya ya moyo na magonjwa yasiyoambukiza

iliyoandaliwa na Taasisi ya Moyo Jakaya Kikwete (JKCI) ambayo

ilifanyika katika ukumbi wa Pius Msekwa mjini Dodoma.

Waziri Ummy aliwaomba wabunge hao kila wanapokutana na wananchi

kupitia mikutano ya hadhara wawasisitize umuhimu wa kuwapeleka watoto

wao katika vituo cha afya ili wakapate chanjo zinazohitajika kwa

wakati.

Aidha Waziri huyo alisema kuwa matibabu ya moyo pamoja na magonjwa

mengine yasiyoambukiza ni ya gharama kubwa na kuwaomba wabunge hao

kuwahimiza wananchi kujiunga na mfuko wa Taifa wa Bima ya Afya ambao

utawasaidia kupata matibabu katika Hospitali zote nchini ikiwemo JKCI

na Hospitali ya Taifa Muhimbili.

Katika hatua nyingine Mhe. Ummy aliwataka wakurugenzi wa Taasisi

zingine kuiga mfano wa Mkurugenzi Mtendaji wa Taasisi ya Moyo Jakaya

Kikwete Prof. Mohamed ambaye kupitia uongozi wake na jitihada zake

binafsi Taasisi hiyo imeweza kutoa huduma bora na kuwahudumia wananchi

vizuri katika matibabu ya moyo na hivyo kuokoa maisha ya watanzania

wengi.

Mbunge wa Lupa Mhe. Victor Mwambalaswa akiwasisitiza wabunge wenzake umuhimu wa kupima afya zao hasa tezi dume kwa wanaume wakati wa semina ya afya ya moyo na magonjwa yasiyoambukiza iliyoandaliwa na Taasisi ya Moyo Jakaya Kikwete (JKCI) ambayo ilifanyika jana katika ukumbi wa Pius Msekwa mjini Dodoma.

Mbunge wa Bunda mjini Mhe. Ester Bulaya akieleza jinsi anavyoridhishwa na huduma za matibabu ya moyo zinazotolewa na Taasisi ya Moyo Jakaya Kikwete (JKCI) wakati wa semina ya afya ya moyo na magonjwa yasiyoambukiza iliyoandaliwa na JKCI ambayo ilifanyika jana katika ukumbi wa Pius Msekwa mjini Dodoma.

Waziri wa Afya, Maendeleo ya Jamii, Jinsia wazee na Watoto Mhe. Ummy Mwalimu akielezea mpango wa Serikali kupitia Hospitali za mikoa wa kusomesha madaktari bingwa wengi ili kuweza kukabiliana na uhaba wa wataalam hao wakati wa semina ya afya ya moyo na magonjwa yasiyoambukiza iliyoandaliwa na Taasisi ya Moyo Jakaya Kikwete (JKCI) ambayo ilifanyika jana katika ukumbi wa Pius Msekwa mjini Dodoma. Kulia ni Mwenyekiti wa kamati ya Huduma za Maendeleo ya Jamii Mhe. Peter Serukamba.

Mkurugenzi Mtendaji wa Taasisi ya Moyo Jakaya Kikwete (JKCI) Prof. Mohamed Janabi akizungumza na Daktari wa Bunge Jeminian Temba mara baada ya kumalizika kwa semina ya afya ya moyo na magonjwa yasiyoambukiza iliyoandaliwa na Taasisi ya Moyo Jakaya Kikwete (JKCI) ambayo ilifanyika jana katika ukumbi wa Pius Msekwa mjini Dodoma. Katikati ni Daktari Bingwa wa Magonjwa ya Moyo Yona Gandye.

HABARI ZAIDI BOFYA HAPA

Latest Images