Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Most read Swahili blog on earth

older | 1 | .... | 1508 | 1509 | (Page 1510) | 1511 | 1512 | .... | 3272 | newer

    0 0


    Mratibu wa Mradi wa Umeme Jua wa Majaribio katika hospitali ya wilaya ya Nyamagana, Amin Abdallah (kushoto mbele) akimwongoza Msimamizi wa Mradi wa Kuwajengea Uwezo Wataalam wa Nishati na Tasnia ya Uziduaji (CADESE), Paul Kiwele (kulia mbele) pamoja na wataalam kutoka Wizara ya Nishati na Madini katika ziara kwenye mradi huo.
    Mratibu wa Mradi wa Umeme Jua wa Majaribio katika hospitali ya wilaya ya Nyamagana, Amin Abdallah (kulia) akielezea mfumo wa kuongozea vifaa vya umeme jua katika hospitali ya wilaya ya Nyamagana.
    Mratibu wa Mradi wa Umeme Jua wa Majaribio katika hospitali ya wilaya ya Nyamagana, Amin Abdallah (kushoto) akionesha mita maalum ya kuruhusu umeme kuingia na kutoka kwenye Gridi ya Taifa.
    Mratibu wa Mradi wa Umeme Jua wa Majaribio katika hospitali ya wilaya ya Nyamagana, Amin Abdallah ( wa pili kutoka kulia) akionesha karabai zinazotumia umeme jua zilizotolewa na mradi huo kwa wavuvi wa soko la samaki la Mwaloni jijini Mwanza.


    0 0

    Serikali ya awamu ya tano inayoongozwa na Rais, Dkt. John Pombe Magufuli mara tu ilipoingia madarakani mwezi Oktoba mwaka juzi ilitoa vipaombele vyake kadhaa vya kutelezwa na wizara zake mbalimbali huku Wizara ya Maliasili na Utalii ikikabidhiwa majukumu mazito matatu ya kutekeleza katika kipindi cha uongozi wake. 

    Majukumu hayo yaliyotolewa na Rais Magufuli wakati wa hotuba yake ya kwanza ya kulihutubia bunge la Jamhuri ya Muungano wa Tanzania mjini Dodoma, ni yale ya kuhakikisha kuwa wizara hiyo inakomesha vitendo vya ujangili, kuongeza mapato ya serikali na kushuulikia utatuzi wa migogoro ya mipaka kwenye maeneo ya hifadhi nchini. 


    Wizara ya Maliasili na Utalii, imesema kuwa imejipanga kuhakikisha kuwa malengo yake ya uhifadhi wa Maliasili, Malikale na Kuendeleza Utalii pamoja na utekelezaji wa vipaombele ilivyopewa na Serikali ya awamu ya tano kuwezesha kufikia malengo hayo yanatimia kwa wakati.


    Kwa upande wa utatauzi wa migogoro kwenye maeneo ya hifadhi nchini, Wizara hiyo imejipanga kuwashirikisha wadau wote wanaohusika na migogoro hiyo kwa kukaa nao pamoja kwenye vikao vya majadiliano na kuweka mikakati ya pamoja ya kufikia suluhu ya migogoro hiyo kwa faida ya Serikali na wadau wote wanaohusika.


    Hivi karibuni Naibu Waziri wa Maliasili na Utalii, Mhandisi Ramo Makani alifanya ziara ya kiutafiti katika Hifadhi ya Ngorongoro pamoja na Pori Tengefu la Liliondo, lengo kuu la ziara hiyo ikiwa ni kuona uhalisia wa changamoto zilizopo pamoja na kupata taarifa sahihi kutoka kwa wadau husika, alifanya hivyo bila ya kujitambulisha kwa lengo la kupata taarifa sahihi kuhusiana na migogoro hiyo.
    Naibu Waziri wa Maliasili na Utalii, Mhandisi Ramo Makani (wa pili kushoto) akioneshwa Ramani ya Kijiji cha Ololosokwan na Diwani wa Kata hiyo, Yanick Ndoinyo alipotembelea kijiji hicho hivi karibuni kuona changamoto za uhifadhi. Kulia ni Kaimu Mwenyekiti wa Kijiji cha Ololosokwan, Emmanuel Salteimoi. 
    Kundi la mifugo likiwa ndani ya Pori Tengefu la Loliondo, karibu kabisa na mpaka wa Hifadhi ya Taifa ya Serengeti. 
    Naibu Waziri wa Maliasili na Utalii, Mhandisi Ramo Makani (kulia) akizungumza katika kikao cha wadau wa mgogoro wa Pori Tengefu la Loliondo alichokiitisha katika ofisi ya Mkurugenzi wa Halmashauri ya Wilaya ya Ngorongoro, Tarafa ya Loliondo mkoani Arusha hivi karibuni.

    HABARI ZAIDI BOFYA HAPA

    0 0

    Baraza maalum la madiwani wa halmashauri ya Wilaya ya Mufindi, limejadili na kupitisha mapendekezo ya bajeti ya halmshauri hiyo, yenye jumla ya Sh. bilioni 60.7 kwa mwaka wa fedha wa 2017- 2018 huku kiasi kikubwa cha fedha hiyo ikikielekezwa kwenye miradi ya maendeleo.

    Taarifa iliyotolewa na kitengo cha habari na mawasilino cha halmshauri ya Wilaya ya Mufindi, imebainisha sehemu kuu mbili za bajeti hiyo, ambapo jumla ya shilingi bilioni 4.9 zimetengwa kwa matumizi ya kawaida, wakati bilioni 14.5 zikielekezwa kwenye miradi ya maendeleo.

    Taarifa hiyo imevitaja vyanzo vya mapato hayo, kuwa ni makusanyo ya halmashauri, fedha kutoka serikali kuu, wafadhili, taasisi za kijamii sanjari na nguvu za wananchi.

    Akizungumza wakati wa kuhailisha kikao hicho, mwenyekiti wa halmshauri ya wilaya ya Mufindi Mh. Festo Mgina amemtaka Mkurugenzi mtendaji pamoja na wataalamu wake kuhakikisha wanaisimamia na kuitetea bajeti kwa hoja zenye mashiko katika ngazi ya Mkoa na Taifa ili malengo ya kuharakisha maendeleo ya halmashauri yafikiwe kwa wakati na akawahimiza watumishi na madiwani kushirikiana katika ukusanyaji wa mapato.

    Kupitishwa kwa bajeti ya na baraza la madiwani, ni kwa mujibu wa sheria ya fedha yaserikali za mitaa namba 9 ya mwaka 2013. Aidha bajeti hiyo imezingatia mwangozo wa kitaifa wa bajeti wa 2017/ 2018, ilani ya uchaguzi ya chama tawala CCM ya 2015/2020, mpango wa maendeleo wa Taifa wa mwaka 2017/2018 huku mambo mengine yakiwa ni malengo ya maendeleo endelevu, dira ya Taifa ya maendeleo 2025 pamaja na maelekezo ya kisekta na mpango wa maendeleo ya miaka mitano.
     Mkurugenzi Mtendaji wa halmshauri Profesa Riziki Shemdoe akiwashukuru madiwani mara baada ya kuipitisha bajeti ya 2017/2018
     Mwenyekiti wa halmashauri Festo Mgina akizungumza kabla ya kuhailisha kikao cha baraza la bajeti. 
    madiwani wakifuatilia mwenendo wa upitishaji bajeti kwenye makablasha.

    0 0


    Na Raymond Mushumbusi WHUSM

    Wanamichezo nchini wameshauriwa kuzingatia mkataba wa kimataifa wa dawa na mbinu za kuongeza nguvu michezoni ili kuwezesha kuiendeleza sekta ya michezo kwa kutoa washindi wanaostahili katika mashindano mbalimbali.

    Ushauri huo umetolewa leo Jijini Dar es Salaam na Waziri wa Habari Utamaduni Sanaa na Michezo Mhe. Nape Moses Nnauye katika risala iliyosomwa kwa niaba yake na katibu Mtendaji wa Baraza la Michezo la Taifa(BMT) Bw. Mohamed Kiganja katika ufunguzi wa mkutano wa wadau,walimu na viongozi wa vyama vya michezo wenye lengo la kujadiliana kuhusu Mkataba wa kimataifa wa udhibiti wa dawa na mbinu za kuongeza nguvu michezoni.

    Bw. Mohamed Kiganja ameongeza kuwa ili kufanikisha maendeleo ya michezo nchini yako mambo muhimu ya kuzingatia kudhibiti na kuzuia matumizi ya dawa na mbinu za kuongeza nguvu michezoni.

    Ameyataja mambo hayo kuwa ni utoaji wa elimu kwa wanamichezo kuhusu madhara ya utumiaji wa dawa za kuongeza nguvu michezoni sanjari na utoaji wa adhabu kali kwa watakaobainika kutumia dawa au mbinu za kuongeza nguvu michezoni.

    “Ushindi wowote unaopatikana baada ya mchezaji kutumia dawa ama mbinu nyingine yoyote chafu mbali ya kutokuwa haramu lakini pia inamyima ushindi yule mchezaji ambaye hatumii dawa na inapelekea kutokuwepo kwa ushindani wa kweli katika mashindano” alisistiza Bw. Kiganja.

    Aidha Kaimu Katibu Mtendaji wa Tume ya Taifa ya UNESCO ya Jamhuri ya Muungano wa Tanzania Dkt. Moshi Kimizi amesema kuwa lengo la mkutano huo ni kutoa mafunzo kwa viongozi wa michezo ambapo itasaidia kuipeleka elimu hiyo kwa wanamichezo walio chini ya vyama vyao.

    Pia ameiomba Serikali kupitia Wizara ya Habari Utamaduni Sanaa na Michezo kuendelea kushirikiana na wadau ili kupata Sheria itakayoendana na mkataba huo wa kimataifa ili kuiendeleza sekta ya michezo kwa manufaa ya wanamichezo na taifa kwa ujumla.

    “Niiombe Serikali kupitia Wizara yenye dhamana ya michezo kuendelea kushirikiana na wadau wa michezo na wanamichezo kudhibiti matumizi ya dawa za kuongeza nguvu michezoni ili kulinda heshima ya michezo na taifa kwa ujumla” Alisisitiza Dkt Kimizi.

    Mkutano huo ulioandaliwa na Tume ya Taifa ya UNESCO ya Jamhuri ya Muungano wa Tanzania kwa kushirikiana na Wizara ya Habari utamaduni Sanaa na Michezo wenye lengo la kutoa mafunzo ya siku moja kwa wadau, walimu na viongozi wa vyama vya michezo nchini kuhusu madhara ya matumizi ya dawa na mbinu za kuongeza nguvu michezoni umehusisha takriban washiriki 100 kutoka maeneo mbalimbali nchini.

    Katibu Mtendaji wa Baraza la Michezo la Taifa Bw. Mohamed Kiganja akizungumza na wadau, walimu na viongozi wa vyama vya michezo nchini wakati wa ufunguzi wa mkutano wenye lengo la kutoa mafunzo kwao kuhusu madhara ya matumizi ya dawa na mbinu za kuongeza nguvu michezoni uliofanyika katika Ukumbi ulipo katika Uwanja wa Taifa Jijini Dar es Salaam leo Januari 13,2017.
    Kaimu Mkurugenzi wa Idara ya Maendeleo ya Michezo kutoka Wizara ya Habari Utamaduni Sanaa na Michezo Bw. Alex Nkenyenge akisisitiza jambo kwa wadau, walimu na viongozi wa vyama vya michezo nchini wakati wa ufunguzi wa mkutano wenye lengo la kutoa mafunzo kwao kuhusu madhara ya matumizi ya dawa na mbinu za kuongeza nguvu michezoni uliofanyika katika Ukumbi ulipo katika Uwanja wa Taifa jijini Dar es Salaam leo Januari 13,2017.

    Baadhi ya wadau, walimu na viongozi wa vyama vya michezo nchini wakifuatilia watoa mada wakati wa mkutano wenye lengo la kutoa mafunzo kwao kuhusu madhara ya matumizi ya dawa na mbinu za kuongeza nguvu michezoni uliofanyika katika Ukumbi ulipo Uwanja wa Taifa Jijini Dar es Salaam leo Januari 13,2017.Picha zote na Raymond Mushumbusi WHUSM

    0 0

    Waziri wa Nishati na Madini, Profesa Sospeter Muhongo hivi karibuni alikutana na wajumbe wa Kamati ya Wazalishaji na Wanunuzi wa Madini ya Jasi na Makaa ya Mawe Nchini katika Makao Makuu ya Wizara jijini Dar es Salaam.

    Masuala mbalimbali kuhusiana na biashara ya madini hayo kwa ujumla yalijadiliwa kwa lengo la kuleta tija kwa pande zote na Taifa kwa ujumla.

    Mkutano huo ulihudhuriwa na viongozi waandamizi wa Wizara ambao wamo ndani ya Kamati husika akiwemo Naibu Katibu Mkuu wa Wizara ya Nishati na Madini anayeshughulikia Madini na Mwenyekiti wa kamati hiyo, Profesa James Mdoe, Kaimu Kamishna wa Madini, Mhandisi Ally Samaje na Makamishna Wasaidizi wa Madini kwenye Kanda zinazozalisha madini husika.
    Waziri wa Nishati na Madini, Profesa Sospeter Muhongo (kulia) akizungumza kwenye mkutano na Kamati ya Wachimbaji na Wanunuzi wa Jasi na Makaa ya Mawe Tanzania. Wa kwanza kushoto ni Afisa Mtendaji Mkuu wa Kampuni ya Dangote, nchini Tanzania, Harpreet Duggal akifuatiwa na Mkurugenzi Mtendaji wa Kampuni hiyo, Devakumar Edwin.

    Kutoka kushoto ni Naibu Katibu Mkuu wa Wizara ya Nishati na Madini anayeshughulikia Madini ambaye pia ni Mwenyekiti wa kamati husika, Profesa James Mdoe, Kaimu Kamishna wa Madini, Mhandisi Ally Samaje na Kamishna Msaidizi wa Madini, Kanda ya Kusini, Mhandisi Benjamin Mchwampaka wakimsikiliza Waziri wa Nishati na Madini, Profesa Sospeter Muhongo (hayupo pichani). 
    Baadhi ya Wajumbe wa Kamati ya Wazalishaji (Wachimbaji) na Wanunuzi wa Madini ya Jasi na Makaa ya Mawe waliohudhuria mkutano huo. 
    Baadhi ya wajumbe kutoka Kampuni ya Dangote wakimsikiliza Waziri wa Nishati na Madini, Profesa Sospeter Muhongo (hayupo pichani). Wa kwanza kulia ni Mkurugenzi Mtendaji wa kampuni ya Dangote, Devakumar Edwin, Afisa Mtendaji Mkuu wa Kampuni ya Dangote, nchini Tanzania, Harpreet Duggal. 
    Wawakilishi kutoka Kampuni inayochimba Makaa ya Mawe ya Tancoal waliohudhuria mkutano huo. Kutoka kushoto ni Mkurugenzi Mkuu, Jim Shedd, Mkuu wa Masoko, Emmanuel Constantinides na Mkurugenzi Mtendaji, Mark McAndrew wakimsikiliza Waziri wa Nishati na Madini, Profesa Sospeter Muhongo (hayupo pichani).

    0 0

     Rais wa Jamhuri ya Muungano wa Tanzania Dkt. John Pombe magufuli akikata utepe kuashiria kufungua rasmi Kiwanda cha kutengeneza vinywaji cha Jambo food product mara bada ya kukizindua mkoani Shinyanga.
     Rais wa Jamhuri ya Muungano wa Tanzania Dkt. John Pombe magufuli akiwa amechuchumaa katika picha ya pamoja na viongozi mbalimbali pamoja na wafanyakazi wa Kiwanda hicho cha Kutengeneza mifuko ya Sandarusi mkoani Shinyanga.
     Rais wa Jamhuri ya Muungano wa Tanzania Dkt. John Pombe magufuli akisikiliza maelezo kutoka kwa mmiliki wa kiwanda cha kutengeneza vinywaji cha Jambo food product  Salum Hamis Mbuzi mara bada ya kukizindua mkoani Shinyanga.
     Rais wa Jamhuri ya Muungano wa Tanzania Dkt. John Pombe magufuli akimsikiliza mmiliki wa wa kiwanda hicho cha Fresho,  Fred Shoo kuhusu malighafi ya kutengenezea mifuko ya Sandarusi.
     Rais wa Jamhuri ya Muungano wa Tanzania Dkt. John Pombe magufuli akiangalia moja ya hatua ya utengenezaaji wa mifuko ya Sandarusi katika kiwanda hicho cha Fresho mkoani Shinyanga.
     Rais wa Jamhuri ya Muungano wa Tanzania Dkt. John Pombe magufuli akiangalia moja ya hatua ya utengenezaaji wa mifuko ya Sandarusi katika kiwanda hicho cha Fresho mkoani Shinyanga.


    0 0


    Kuelekea fainali za AFCON2017 

    Mataifa 8 kati ya 16 yatakayoshiriki michuano ya 2017 yamewahi kushinda Ubingwa wa Afrika.

    1. Algeria ‘The Desert Warriors’
    Taifa analotoka mchezaji bora wa Afrika na EPL - Wameshinda taji moja katika michuano 17 waliyoshiriki-1990

    2. Cameroon ‘The Indomitable Lions’
    Wameshinda mataji manne katika michuano 16 waliyofuzu - 1970, 1984,  2000 na 2002

    3. DRC ‘The Leopards’
    Wameshinda mataji mawili katika michuano 15 waliyoshiriki- 1968 na 1974

    4. Tunisia ‘Eagles of Carthage’
    Wameshinda mara moja katika michuano 16 waliyoshiriki, ilikuwa 2004 michuano hii ilipofanyikia kwenye ardhi yao.

    5. Morocco ‘Atlas Lions’
    Taifa lingine la kiarabu ambalo limeshinda taji moja katika mara 15 walizowahi kufuzu, ilikuwa mwaka 1976.

    6. Ivory Coast ‘The Elephants’
    Kizazi chao cha dhahabu kilishindwa kutwaa taji hili lakini kwa sasa ndio mabingwa watetezi baada ya kulitwaa taji hili mwaka 2015. Pia waliwashawahi kutwaa taji hili mwaka 1992, wameshiriki mara 21. 

    7. Ghana ‘Black Stars’
    Hii ndio timu ambayo imecheza fainali nyingi zaidi za AFCON katika historia, wameshiriki michuano hii mara 20, na pamoja na kufanikiwa kufikia hatua ya final mara nyingi wameambulia makombe 4 - 1963, 1965, 1978 na 1982

    8. Egypt ‘The Pharaohs’

    Mafarao ndio timu inayoongoza kufuzu mara nyingi kushiriki michuano hii - wamefuzu mara 22 na pia ndio Taifa linaloongoza kutwaa taji hili mara nyingi, wamebeba mara 7 -  1957, 1959,  1086, 1998, 2006, 2008 na 2010.

    Mashindano yanaanza kesho  Januari 14 na yatafikia kilele  Februari 5

    0 0

    Na Greyson Mwase, Mwanza.

    Wadau mbalimbali wa vifaa ya umeme jua kutoka katika mikoa ya Mwanza na Kagera wamepongeza Wizara ya Nishati na Madini kwa kuanzisha mfumo mpya wa uhifadhi data na utoaji taarifa kwa ajili ya nishati jadidifu ujulikanao kama Tanzania Renewable Energy Management Information System (TREMIS) wenye lengo la kutangaza fursa za uwekezaji katika nishati jadidifu nchini.

    Mfumo wa TREMIS unaratibiwa na Mradi wa Kuwajengea Uwezo Wataalam wa Nishati na Tasnia ya Uziduaji (CADESE) kwa kushirikiana na Idara ya Nishati, Wizara ya Nishati na Madini.

    Wakitoa pongezi hizo katika kikao cha maandalizi ya mfumo huo kilichofanyika jijini Mwanza leo wamesema kuwa mfumo huo utawezesha shughuli za kampuni zao kufahamika ndani na nje ya nchi na kupata wabia wa kushirikiana nao katika bishara ya vifaa vya umeme jua.

    Akizungumza kwa niaba ya wenzake, mmiliki wa kampuni ya kusambaza vifaa vya umeme jua ya Kaguta General Supplies yenye makazi yake Bukoba mkoani Kagera, Justin Kamlali amesema kuwa mfumo wa TREMIS utawawezesha kufahamika ndani na nje ya nchi.

    Alisema kuwa biashara ya vifaa vya umeme jua imekuwa na changamoto nyingi ikiwa ni pamoja na kutofahamika na kupelekea wateja kutokuwa na imani na huduma zao.

    “Baada ya ya mfumo huu kukamilika na kuunganishwa na tovuti ya Wizara, wadau na wawekezaji wengi kutoka ndani na nje ya nchi watakaotembelea tovuti ya wizara watapata fursa ya kuona taarifa za kampuni zetu na kuwa na imani ya kufanya kazi pamoja nasi tofauti na zamani”. Alisema .

    Aliongeza kuwa kutokana na kampuni nyingi zinazojihusisha na biashara ya vifaa vya umeme jua kutokuwa na tovuti imekuwa ni vigumu kwa biashara zao kufahamika na watu wengi zaidi mbali na kutumia vyombo vya habari vilivyopo katika mikoa hiyo.

    Naye Mkurugenzi Mtendaji kutoka kampuni ya Rex Energy, Francis Kibhisa alisema kuwa mfumo wa TREMIS ni mkombozi kwa wamiliki wa kampuni ndogo zinazojihusisha na vifaa vya umeme jua na nishati jadidifu ambapo watapata soko ndani na nje ya nchi kutokana na kufahamika kwao

    Alisisitiza kuwa mfumo huo utawezesha wawekezaji kutoka nje ya nchi kufahamu maeneo ya uwekezaji zaidi katika eneo la nishati jadidifu na kuja kuwekeza nchini.

    Mradi wa CADESE unaofadhiliwa na Shirika la Umoja wa Mataifa linaloshughulika na Maendeleo (UNDP) ulianzishwa mwaka 2014 na unatekelezwa na Wizara ya Nishati na Madini kwa kushirikiana na wadau wengine kama Wakala wa Nishati Vijijini (REA), Ofisi ya Mwanasheria Mkuu wa Serikali (AG), Taasisi ya Uongozi na Taasisi ya Utafiti wa Kiuchumi na Kijamii (ESRF).
     Kamishna Msaidizi- Nishati Jadidifu kutoka Wizara ya Nishati na Madini Mhandisi Styden Rwebangila akielezea  faida za mfumo wa uhifadhi data na utoaji  taarifa kwa ajili ya nishati jadidifu (TREMIS)  mbele ya wadau  wa nishati jadidifu (hawapo pichani)
     Kamishna Msaidizi- Nishati Jadidifu kutoka Wizara ya Nishati na Madini Mhandisi Styden Rwebangila (mbele) akielezea  faida za mfumo wa uhifadhi data na utoaji  taarifa kwa ajili ya nishati jadidifu (TREMIS) mbele ya wadau  wa nishati jadidifu.
     Msimamizi wa Mradi wa Kuwajengea Uwezo  Wataalam wa Nishati na Tasnia ya Uziduaji  (CADESE), Paul Kiwele (kushoto) akifuatilia mada mbalimbali zilizokuwa zinawasilishwa katika kikao hicho. Kulia ni Nasra Mohamed kutoka Wizara ya Nishati na Madini.
     Sehemu ya wajumbe na wataalam kutoka Wizara ya Nishati na Madini, wakifuatilia maelezo  yaliyokuwa  yanatolewa na Kamishna Msaidizi- Nishati Jadidifu kutoka Wizara ya Nishati na Madini Mhandisi Styden Rwebangila (hayupo pichani)
     Mtaalam kutoka Kitengo cha Teknolojia ya  Habari na Mawasiliano (TEHAMA), Justin Chankan akiwasilisha  rasimu ya mfumo wa TREMIS katika kikao hicho.
    Wadau wakifuatilia mada mbalimbali zilizokuwa zinawasilishwa katika kikao hicho

    0 0

    Serikali imesema imeunda Tume ya uchunguzi ya watu 12 ili kuweza kuchunguza na kubaini chanzo cha ajali ya moto iliyotokea jana saa Tano usiku katika chumba kidogo cha kuhifadhia mizigo kilichopo kwenye jengo la Pili la abiria (Terminal II) katika uwanja wa Ndege wa Mwalimu Julius Nyerere.

    Akizungumza na waandishi wa habari jijini Dar es salaam leo, Waziri wa Ujenzi, Uchukuzi na Mawasiliano, Profesa Makame Mbarawa amesema kuwa  Tume hiyo iliyoundwa inaongozwa  na Joseph Nyahende ambae anatoka katika ofisi za  Makao Makuu ya Mamlaka ya Viwanja vya Ndege nchini.

    “Ninategemea kupata ripoti ya kitaalamu kutoka kwa Tume hii, ili kutusaidia kubaini kiundani juu ya chanzo haswa kilichopelekea moto huu”, amesema Waziri Mbarawa.

     Waziri wa Ujenzi,Uchukuzi na Mawasiliano Prof. Makame Mbarawa akikagua sehemu ya kuhifadhia mizigo ya abiria kilivyoteketea kwa moto  usiku wa kuamkia leo( jana) katika Kiwanja cha ndege cha Kimataifa cha Mwalimu Julius Nyerere ,kulia ni Mkurugenzi wa Uwanja huo Bw. Paul Rwegasha.
     
     Mkurugenzi wa Kiwanja cha Ndege cha Kimataifa cha Mwalimu Julius Nyerere Bw. Paul Rwegasha akimuonesha Waziri wa Ujenzi,Uchukuzi na Mawasiliano Prof. Makame Mbarawa chumba cha kuhifadhia mizigo ya abiria kilivyoteketea kwa moto usiku wa kuamkia leo (jana).
     
      Mkurugenzi wa Kiwanja cha Ndege cha Kimataifa cha Mwalimu Julius Nyerere Bw. Paul Rwegasha akimuonesha Waziri wa Ujenzi,Uchukuzi na Mawasiliano Prof. Makame Mbarawa chumba cha kuhifadhia mizigo ya abiria kilivyoteketea kwa moto usiku wa kuamkia leo (jana).
     
    Waziri wa Ujenzi,Uchukuzi na Mawasiliano Prof. Makame Mbarawa akisisitiza jambo kwa wanahabari (hawapo pichani) mara baada ya kukagua chumba cha kuhifadhia abiria kilichoteketea kwa moto usiku wa kuamkia leo (jana),wa kwanza kulia ni Kaimu Katibu Mkuu Sekta ya Uchukuzi Bw. Gabriel Migire. (Picha na Benjamin Sawe-Maelezo). 

    0 0

    Na  Aron Msigwa, NEC.
    Tume ya Taifa ya Uchaguzi (NEC) imekishauri Chama cha ACT – Wazalendo na Vyama vingine vyenye wagombea wa Ubunge katika Uchaguzi Mdogo wa Jimbo la Dimani na Udiwani katika Kata Ishirini (20) za Tanzania Bara ,kuwasilisha malalamiko ya ukiukwaji wa Maadili ya Uchaguzi kwenye Kamati za Maadili zilizo katika maeneo yao.
    Akizungumza na vyombo vya habari leo jijini Dar es salaam, Mkurugenzi wa Uchaguzi wa Tume ya Taifa ya Uchaguzi (NEC), Bw. Kailima Ramadhan amesema NEC imepata taarifa kupitia Vyombo mbalimbali juu ya malalamiko ya Chama Cha ACT-Wazalendo kuvilalamikia Vyombo vya Dola pamoja na Watendaji wa Umma kufanya vitendo vyenye muelekeo wa kukipendelea Chama Cha Mapinduzi (CCM).
    Bw. Kailima amesema taarifa ya Chama hicho iliyotolewa kwenye Vyombo vya Habari Januari, 12 2017, imeeleza kuwa Watendaji wa Halmashauri ya Geita waliwakusanya Wazee katika Kata ya Nkoma waje na Vitambulisho vyao vya kupigia Kura kwa lengo la kuwapatia huduma ya afya bure jambo linalolalamikiwa na ACT- Wazalendo kwa madai kwamba Watendaji hao wana lengo la kuwahadaa Wazee hao ili wakipigie Kura Chama Cha Mapinduzi (CCM).
    Mkurugenzi wa Uchaguzi wa Tume ya Taifa ya Uchaguzi Bw. Ramadhani Kailima akitoa Ufafanuzi kuhusu malalamiko ya ukiukwaji wa maadili ya Uchaguzi yaliyotolewa na Chama cha ACT WAZALENDO.
    Kwa habari kamili BOFYA HAPA

    0 0

      Rais wa Zanzibar na Mwenyekiti wa Baraza la Mapinduzi Dk. Ali Mohamed Shein akisalimiana  na  Mshauri wa Rais masuala ya Utamaduni Mhe, Chimbeni Kheir Chimbeni jana alipowasili katika viwanja vya Ukumbi wa zamani wa Baraza la Wawakilishi alipohudhuria katika Taarab rasmi ya kusherehekea Miaka 53 ya Mapinduzi ya Zanzibar.
     Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kushoto) Waziri wa Habari, Utalii, Utamaduni na Michezo Mhe, Rashid Ali Juma (kushoto) Makamo wa Pili wa Rais Balozi Seif Ali Iddi(kulia) na Waziri Mkuu wa Tanzania Mhe. Kasim Majaliwa Majaliwa (wa pili kulia) pamoja na Viongozi wengine wakiwa katika  Ukumbi wa zamani wa Baraza la Wawakilishi  katika Taarab rasmi ya kusherehekea Miaka 53 ya Mapinduzi ya Zanzibar iliyofanyika jana.
     Wake wa Viongozi wakuu wa Nchi wakiwa katika Ukumbi wa zamani wa Baraza la Wawakilishi  katika Taarab rasmi ya kusherehekea Miaka 53 ya Mapinduzi ya Zanzibar iliyofanyika jana iliyopigwa na Kikundi cha Taifa.
     Baadhi ya Viongozi na Waalikwa mbali mbali wakiwa katika Ukumbi wa zamani wa Baraza la Wawakilishi  katika Taarab rasmi ya kusherehekea Miaka 53 ya Mapinduzi ya Zanzibar iliyofanyika jana iliyopigwa na Kikundi cha Taifa.
     Kikundi cha Taifa cha Muziki wa Taarab kikitumbuiza kwa Wimbo unaosema "Khofu yako Iondoke"ilyoimbwa na Profesa Moahmed Ilyas katika sherehe za Taarab rasmi ya kusherehekea Miaka 53 ya Mapinduzi ya Zanzibar iliyofanyika jana, mgeni rasmi akiwa Rais wa Zanzibar na Mwenyekiti wa Baraza la Mapinduzi Dk. Ali Mohamed Shein (Picha na Ikulu).

    0 0



    0 0

    Rais wa Jamhuri ya Muungano wa Tanzania Dkt. John Pombe Magufuli ameyaonya magazeti mawili yanayoandika habari za uchochezi na kupotosha wananchi kwa kuwa vinahatarisha amani ya nchini. Ametoa onyo hilo wakati akikagua na kufungua Kiwanda cha Jambo cha kuzalisha vinywaji baridi mkoani Shinyanga.
    Rais Magufuli amesema Serikali haitayavumilia magazeti hayo mawili kwa kuandika habari za uchochezi ambazo zinaweza kuhatarisha amani ya nchi kama ilivyotokea katika nchini ya Rwanda na kupelekea mauaji ya kimbari nchini humo.
    ''Serikali ya kutumbua majipu haiwezi kuacha kutumbua magazeti yanayofanya mambo ya uchochezi. Hatuwezi kuiacha Tanzania ikawa dampo la eneo la kuweka maneno ya uchochezi, chini ya utawala wangu hilo halitakuwepo. Kuna magazeti mawili tu kila ukisoma wao ni kuchochea tu... Ikizungumzwa habari hii wao wanageuza hii..Nasema na nataka wanisikie; Siku zao zimeshafika! Kama wanasikia wasikie,  wasiposikia  wasisikie. Lakini magazeti mengine na vyombo vyote vingine vinatoa uchambuzi mzuri sana'', amesema Rais Magufuli akisisitiza kuwa Serikali yake haiwezi kuvumilia kuona amani ya nchi inahatarishwa na magazeti mawili kwani amani ndio chimbuko la maendeleo ya taifa lolote duniani.

    Amesema bila kuwepo kwa amani hakuna mwekezaji atakayeweza kuja kuwekeza nchi, hata wawekezaji wa ndani watashindwa na hivyo kurudisha nyuma maendeleo ya nchi.
    Rais Magufuli amesema uwepo wa amani nchini ndio uliowezesha wawekezaji wa Kiwanda cha Fresho cha kutengenezea mifuko ya kubebea bidhaa za chakula nchini na kiwanda cha Jambo cha kuzalisha vinywaji baridi mkoani Shinyanga kujengwa mkoani hapo kwani bila amani visingeweza kujengwa.
    Aidha ameitaka Benki ya Uwekezaji Nchini TIB na Taasisi nyingine za fedha kutoa mikopo kwa wawekezaji wanaotaka kuwekeza katika viwanda badala ya kuwakopesha wanasiasa ambao hutumia fedha wanazokopa kwa matumizi yasiyowanufaisha watanzania waliowengi.
    Rais Magufuli ameupongeza uongozi wa mkoa wa Shinyanga kwa kuanza kutekeleza kwa vitendo azma ya Serikali ya kutaka Tanzania ya viwanda kwa kujenga viwanda vingi mkoani humo ikiwa ni pamoja na viwanda hivyo viwili alivyovizindua katika siku yake ya mwisho ya ziara mkoani Shinyanga.


    Jaffar Haniu

    Naibu Mkurugenzi wa Mawasiliano, Ikulu

    Shinyanga
    13 Januari 2017.

    0 0

    Mwenyekiti wa Kamati ya Hesabu za Serikali (PAC), Mhe. Naghenjwa Livingstone Kaboyoka (Mb) (Kulia) akiwaeleza Wajumbe wa Kamati yake kuhusu mada zinazojadiliwa katika Mafunzo ya kuwajengea Uwezo kwa wajumbe hao kuhusu majukumu ya Benki Kuu ya Tanzania (BOT) yaliyowakutanisha wajumbe wa Kamati hiyo leo 13 Januari, 2017 katika Ukumbi wa Benki Kuu ya Tanzania (BOT) jijini Dar es Salaam.
    Naibu Gavana wa Benki Kuu ya Tanzania Dkt. Natu Mwamba (mwenye kilemba) akiwafafanulia Wajumbe wa Kamati ya Hesabu za Serikali kuhusu majukumu ya Benki Kuu ya Tanzania (BOT) kabla ya kuanza uwasilishwaji mada wakati wa mafunzo yaliyowakutanisha Wajumbe wa Kamati hiyo leo 13 Januari, 2017 katika Ukumbi wa Benki Kuu ya Tanzania (BOT) jijini Dar es Salaam.
    Wajumbe wa Kamati ya Hesabu za Serikali (PAC) wakifuatilia mada kuhusu majukumu mbalimbali ya Benki ya Tanzania (BOT) zikizowasilishwa na baadhi ya Wajumbe wa Kamati hiyo wakati walipohudhuria mafunzo ya kuwajengea uwezo toka BOT yaliyofanyika leo 13 Januari, 2017 katika Ukumbi wa Benki Kuu ya Tanzania (BOT) jijini Dar es Salaam.
    Baadhi ya Wajumbe Kamati ya Hesabu za Serikali (PAC) wakiwasilisha mada kuhusu majukumu mbalimbali ya Benki ya Tanzania (BOT) mbele ya Mwenyekiti na naibu Gavana wa BOT leo 13 Januari, 2017 katika Ukumbi wa Benki Kuu ya Tanzania (BOT) jijini Dar es Salaam.(PICHA ZOTE NA OFISI YA BUNGE-DAR ES SALAAM)

    0 0

    Na Woinde Shizza,Arusha

    Jeshi la polisi mkoani hapa kwa kushirikiana na tume ya kuratibu na kudhibiti dawa za kulevya nchini limeteketeza magunia 58 ya bangi,mbegu za bangi kg 210 huku hekari 19 zilizooteshwa miche ya bangi zikiwa zimeharibiwa .

    Hayo yamebainishwa leo na kamanda wa polisi mkoani Arusha,Naibu Kamishna wa polisi Charles Mkumbo wakati akiongea na waandishi wa habari ofisini kwake ambapo alisema kuwa kuteketeza kwa madawa haya ya kulevywa kumefanyika kutokana na operationi ya siku mbili .

    Alisema kuwa operesheni ya kwanza ilofanyika january 10 siku ya jumanne kuanzia muda wa saa 11.00 alfajiri katika eneo la kijiji cha kisimiri juu ndani ya kata ya uwiro tarafa ya kingori na kufanikiwa kupata magunia 31 pamoja na mbegu kilogramu 210 ambazo zote ziliteketezwa na moto ,pamoja na hekari 19 zilizooteshwa miche ya bhangi ambazo ziliaribiwa zote.

    Aliongeza kuwa operesheni hiyo iliendelea tena siku ya alhamisi january 12 kuanzia muda wa saa 11.00 alfajiri hadi saa saba mchana katika eneo la kijiji cha Engalaon kata Mwandeti tarafa ya Muklati ambapo walikamata jumla ya magunia 27 ya bangi na kuyateketeza na moto na kuharibu jumla ya hekari 12 zilizooteshwa mmea wa bhangi .

    Mkumbo alisema kuwa jeshi la polisi kwa kushirikiana na vyombo vingine vya usalama linaendelea na operationi hii hasa ya kuaribu mimea ya bangi mara kwa mara hasa katika cha mvua hali ambayo itasaidia kuthibiti kilimo hicho.

    Aidha pia jeshi la polisi linawaonya viongozi wa maeneo yanayohusika na kilimo cha bangi kuacha mara moja kuwaunga mkono wakazi wa maeneo hayo, kwani matukio hayo yanafanywa kwa uwazi bila wao kuchukua hatua yeyote ,wanapaswa watambue kwamba wao ni walinzi wa maeneo yao ,na kuwasihi viongozi washirikiane kwa pamoja kutokomeza kilimo hicho cha bhangi ambayo inaleta madhara makubwa kwa jamii.

    0 0


    Na Frank Shija-MAELEZO.

    MKAPA kuongoza matembezi ya hiari ya kilomita tano yanayojulikana kama Walk for Elephant Dar es Salaam 2017yatayofanyika kesho kuanzaia saa 12 asubuhi yaikianzia Ubalozi wa China hadi Sea Cliff Hotel.

    Hayo yamebainishwa na Katibu Mkuu wa Chama cha Urafiki baina ya Tanzania na China (TCFPA) Joseph Kahama alipokuwa akiongea na waandishi wa habari kuhusiana na matembezi hayo leo jijini Dar es Salaam.

    Kahama amesema kuwa yana lengo la kuonyesha umoja katika kupinga ujangili unaofanywa dhidi ya Tembo.

    “Tunatarajia kuwa na matembezi ya kwa ajili ya kupinga ujangili dhidi ya Tembo ambapo wageni wetu mashuhuri wanatarajiwa kuwa Marais wastaafu Mzee Ali Hassan Mwinyi na Mzee Mkapa atakayepokea matembezi hayo katika Hotel ya Sea Cliff,” alisema Kahama.

    Aliongeza kuwa zaidi ya watu 550 wamethibitisha kushiriki katika matembezi hayo wakiwemo baadhi ya watu maarufu kama vile Jokate Mwigelo, Mrisho Mpoto na wasanii wengine.

    Aidha Katibu Mkuu huyo alisema kuwa Chama cha Urafiki baina ya Tanzania na China(TCFPA) imeanzishwa kwa nia ya kudumisha urafiki na uhusiano baina ya raia wa nchini hizo mbili.

    Akijibu swali la mwandishi wa habari aliyetaka kujua ni kwanin china imeamua kusaidia katika vita dhidi ya ujangili ili hali inatajwa kuwa miongoni mwa soko kubwa la bidhaa za meno ya Tembo, Kahama alisema kuwa Serikali ya China haiku tayari kuona nchi yake inatajwa kama soko la meno ya Tembo ndiyo maana Rais Xi Jinping wa China na Barrack Obama wa Marekani wamewahi kutoa tamko la pamoja la kupinga ujangili na ni kosa la jina kwa rai wa China kukamatwa na nyara hizo.

    Chama hicho kimekusudia kuifanya tarehe 14 mwezi wa kwanza kila mwaka kuwa siku ya matembezi ya Walk for Elphant Dar es Salaam 2017 ili kujenga utamaduni endelevu wa kupinga ujangili.
    Katibu Mkuu wa Chama cha Tanzania-China Friendship Promotion Association Bw.Joseph kahama akiongea na waandishi wa habari (hawapo pichani) juu ya matembezi ya kupinga ujangili wa Tembo (Walk for Elephant 2017) yatakayofanyika kesho asubuhi kuanzia saa 12 asubuhi kuanzia Ubalozi wa China mpaka Hoteli ya Sea Cliff.Kushoto kwake ni Hongxiang Huang kutoa China House.
    Katibu Mkuu wa Chama cha Tanzania-China Friendship Promotion Association Bw.Joseph kahama akiongea na waandishi wa habari (hawapo pichani) juu ya matembezi ya kupinga ujangili wa Tembo (Walk for Elephant 2017) yatakayofanyika kesho asubuhi kuanzia saa 12 asubuhi kuanzia Ubalozi wa China mpaka Hoteli ya Sea Cliff.
    Katibu Mkuu wa Chama cha Tanzania-China Friendship Promotion Association Bw.Joseph kahama akionyesha tangazo lenye ujumbe wa kuhimiza matembezi ya ku kupinga ujangili wa Tembo (Walk for Elephant 2017) yatakayofanyika kesho asubuhi kuanzia saa 12 asubuhi kuanzia Ubalozi wa China mpaka Hoteli ya Sea Cliff. Kushoto kwake ni Hongxiang Huang kutoa China House.Picha na Daudi Manongi-MAELEZO.

    0 0




    0 0


    JUMAMOSI

    Tottenham Vs Wes Brom 

    Hull City v Bournemouth

    Sunderland v Stoke City

    Swansea City v Arsenal

    Watford v Middlesbrough

    West Ham United v Crystal Palace

    Leicester City v Chelsea


    JUMAPILI

    Everton v Manchester City

    Manchester United v Liverpool

    0 0

     Waziri wa Mambo ya Ndani ya Nchi, Mhe. Mwigulu Nchemba(Mb) akimvisha nembo ya kijani Mmoja wa askari wahitimu wa Mafunzo Maalum ya Kikosi Maalum cha Jeshi la Magereza Kozi Namba 11 kwa niaba ya wahitimu wenzake. Mafunzo hayo Maalum yamefungwa rasmi leo Januari 13, 2017 katika Viwanja vya Kikosi Maalum cha Kutuliza Ghasia Magerezani kilichopo Ukonga, Jijini Dar es Salaam.
     Waziri wa Mambo ya Ndani ya Nchi, Mhe. Mwigulu Nchemba(Mb) akitoa hotuba fupi kwa Wahitimu wa Mafunzo Maalum ya Kikosi Maalum cha Jeshi la Magereza Kozi Namba 11 kabla ya kuyafunga rasmi leo Januari 13, 2017.
     Kaimu Kamishna Jenerali wa Jeshi la Magereza nchini Dkt. Juma Malewa akitoa maelezo mafupi kabla ya kumkaribisha Mgeni rasmi kufunga Mafunzo hayo.
    Wahitimu wa Mafunzo Maalum wakifuatilia kwa umakini hotuba ya Mgeni rasmi kama inavyoonekana katika picha(Picha zote na Jeshi la Magereza).


    0 0



    Na Chalila Kibuda, Globu ya Jamii.

    KAIMU Mkuu wa Mkoa wa Dar es Salaam, Ally Hapi amesema kuwa baadhi ya vituo vya mafuta havina ubora wa mazingira licha ya kuwa na majina makubwa.

    Hapi ameyasema hayo leo wakati uzinduzi wa maboresho ya kituo cha mafuta cha Total kilichopo maeneo ya Sokota barabara ya Mandela jijini Dar es Salaam, amesema vituo vya mafuta vinahitaji kuwa mazingira bora kutokana na huduma wanayoitoa.

    Amesema Total imejikita katika uhifadhi wa mazingira kwa kutengeneza vituo bora vya mafuta tofauti vituo vingine ambavyo havisadifu na majina ya kampuni na kuwaasa kuboresha vituo vyao ili kuendana na mazingira ya kisasa.

    Hapi amesema kuwa vilanishi vinavyopatikana katika kituo hicho kujenga kiwanda nchini kutokana na kuwepo kwa magari mengi na yatazidi kuongezeka kutokana na viwanda vinavyojengwa nchini.

    Katika uzinduzi huo ameomba mafuta lita 10,000 kwa kampuni ya Total kwa ajili ya kutumia katika uchongaji wa barabara za manispaa ya Kinondoni ambapo alikubaliwa kupewa lita hizo.

    Amesema kuwa kuna kampuni imejitolea kutoa mitambo ya kufanya kazi hiyo lakini waliomba mafuta nijitegemee kwa kupata mafuta kwa hayo kazi itafanyika.

    Nae Mkurugenzi Mtendaji wa Total, Tarik Moufaddal amesema kituo cha mafuta kuboreshwa kuendana na wakati wa sasa kutokana na huduma wanayoitoa.

    Kaimu Mkuu wa Mkoa wa Dar es Salaam, Alli Hapi pamoja na Mwenyekiti wa Total Afrika Mashariki na Kati, Jean Christian Bergeron(wa pili kutoka kushoto) wakikata utepe kuashiria uzinduzi cha Total kilichofanyiwa maboresho kilichopo maeneo ya Sokota jijini Dar es Salaam.
    Kaimu Mkuu wa Mkoa wa Dar es Salaam, Alli Hapi akipeana mkono na Mwenyekiti wa Total Afrika Mashariki na Kati, Jean Christian Bergeron kuashiria uzinduzi cha Total kilichofanyiwa maboresho kilichopo maeneo ya Sokota jijini Dar es Salaam.

    Kaimu Mkuu wa Mkoa wa Dar es Salaam, Alli Hapi akizungumza wakati uzinduzi wa kituo cha Total kilichofanyiwa maboresho kilichopo maeneo ya Sokota jijini Dar es Salaam.

    Mkurugenzi Mtendaji wa Kampuni ya Mafuta ya Total, Tarik Moufaddal(kulia) akizungumza katika uzinduzi wa ya kituo hicho.


    Sehemu ya wafanyakazi wa kituo cha mafuta Total wakimsikiliza mgeni rasmi (hayupo pichani) wakati wa uzinduzi cha Total kilichofanyiwa maboresho kilichopo maeneo ya Sokota jijini Dar es Salaam.

older | 1 | .... | 1508 | 1509 | (Page 1510) | 1511 | 1512 | .... | 3272 | newer