Habari ndugu zangu, naomba kuwajulisha kuwa mwandishi mwenzetu wa zamani wa habari za michezo Shishee Belela amefariki dunia na anatarajiwa kuzikwa leo Jumamosi Mei 25, 2013 saa kumi alasiri Manzese, Dar es Salaam.
Shishee alifariki dunia jana asubuhi, naamini sote tunamkumbuka hasa kwa wale ambao wana zaidi ya angalau miaka saba katika fani watakuwa wamewahi kufanya naye kazi kwa namna mbalimbali. Mara ya mwisho alikuwa akifanya kazi Uhuru na Mzalendo.
Kwa niaba ya Chama cha Waandishi wa Habari za Michezo nchini (TASWA) naomba tuungane katika msiba huo na tumuombee Mwenyezei Mungu amuweke mahali pema peponi. Amin.
Nawasilisha.
Katibu TASWA