Mashabiki wa Yanga, Kuendelea kurekodi matukio ya furaha Jumamosi??
Mashabiki wa Simba.....wataendeleza Kidedea hiyo siku ya Jumamosi???
Tiketi kwa ajili ya pambano la kufunga pazia la Ligi Kuu ya Vodacom Tanzania bara kati ya Simba na Yanga,zitakazokutana kesho (Jumamosi) kwenye Uwanja wa Taifa jijini Dar zinaanza kuuzwa leo (Ijumaa) kwenye vituo mbalimbali vya jijini Dar.
Vituo vitaanza kuuza tiketi hizo kuanzia saa 3 asubuhi hadi saa 10 jioni na vitakuwa kama ifuatavyo,ni Uwanja wa Taifa, mgahawa wa Steers ulioko Mtaa wa Ohio na Samora, Shule ya Sekondari Benjamin Mkapa, OilCom Ubungo, kituo cha mafuta Buguruni, BMM Barbershop Sinza Madukani, Dar Live Mbagala na Sokoni Kariakoo.
Tiketi hizo zitakuwa zikiuzwa katika magari maalumu yaliyoegeshwa katika vituo hivyo. Viingilio katika mechi hiyo ya kufunga msimu ni sh. 5,000 kwa viti vya kijani, sh. 7,000 viti vya bluu, sh. 10,000 viti vya rangi ya chungwa, sh. 15,000 VIP C, sh. 20,000 VIP B n ash. 30,000 kwa VIP A.