Mechi ya Fainali kugombea kombe la Mbuzi na jezi kati ya Manunda FC na G-West iliyofanyika kwenye Uwanja wa Msisiri A Jana 12/5/2013 Mwananyamala DSM ilikua na vimbwanga vya aina yake ambapo moja ya tukio la kukumbukwa ni pale timu hizo zilipokataa katakata kubadili jezi zilizokuwa zikilandana kwa madai kwamba tayari zilishapitia kwa "Babu" Licha ya Jitihada ya mwamuzi na watu wenye ushawishi, hakuna timu iliyokubali na hivyo mwamuzi akalazimika kuchezesha mechi hiyo ya mchangani kwa matakwa ya timu hizo
Mechi hiyo iliishia kwa G West kuibuka mabingwa kwa njia ya Penalty 4-2 baada ya dakika za kawaida kuisha kwa timu hizo kwenda sare ya bao 1-1, wafungaji wakiwa na Msimbe kwa Manunda dk ya 43 na Mome dk ya 81
Matukio mengine yaliyogubika mechi hizo ni wachezaji wawili wa G-West kuanguka uwanjani kwa imani za kuzidiwa na majini, pamoja na washabiki kuvunja nazi na mayai kwa imani za ushirikina na G-West kunyweshwa maji yaliyochanganywa na majani mithili ya Alovera badala ya maji ya kawaida
