Mapema leo asubuhi katika eneo la katikati ya Lugeye na Nyanguge Basi la abiria la 'Bunda express" lenye namba za usajili T 782 BKZ likitokea Musoma kuelekea jijini Mwanza lilipata ajali mbaya sana kwenye eneo hilo na Mazingira yanaonesha kuwa idadi kubwa ya watu wamejeruhiwa na hofu kubwa imetanda katika eneo la tukio kuhofia usalama wa abiria waliokuwemo ndani ya basi hilo kwani,basi lilipinduka kabisa na tairi zikielekea juu, lilitumbukia kwenye majaruba ya mpunga, huku likiwa limepondeka vibaya upande mmoja.chanzo cha ajali hiyo inasemekana ni mvua kubwa iliyokuwa ikinyesha jijini Mwanza leo na basi hilo lilikuwa likitembea kwa mwendo wa kasi pia.
Hali ya uokoaji iliathiriwa na mvua kubwa iliyokuwa ikiendelea kunyesha eneo hilo na ni abiria wachache tu ndio waliweza kupewa miamvuli na watu walio kwenye magari yanayopita eneo hilo ili wapate kujisitiri.
Hakuna pa kujisitiri kwa watoto hawa ambao walikuwa wakisubiri wazazi wao kuokolewa toka ndani ya basi hilo zaidi ya kujisitiri kwa kanga, vitenge na mashuka waliyoambulia toka kwenye baadhi ya mabegi yao. Picha na G Sengo Blog.