Msanii wa kizazi kipya nchini, Naseeb Abdul ‘Diamond Platnumz’ amepania kudhihirisha umwamba wake dhidi ya msanii mwenzake Ommy Dimpoz, katika shoo yao ya pamoja inayotarajiwa kufanyika sikukuu ya Krismas, kwenye ukumbi wa Dar Live,Mbagala jijini Dar.
Diamond ambaye mara kadhaa amekuwa akitamba kuwa nautajiri wa mashabiki ndani na nje ya nchi amesisitiza kuwa katika tamasha hilo atamfundisha Dimpoz namna muziki unavyopaswakuwa.
“Nawaomba mashabiki wangu mfike kwa wingi, na nnawahakikishia Dimpoz haniwezi kwenye gemu, nataka nimfundishe namna yakuitumikia tasnia hii,” anatamba Diamond katika mazungumzo yake wakati wa hafla ya utambulisho wa usiku wa Dimpoz uliofanyika Dar es Salaam.
Kwa upande wake Dimpoz amesema yeye si mtu wa Maneno mengi, nazaidi amemtaka swahiba wake ajiandae na shoo hiyo, na mashabiki ndio watakaoamua juu ya tambo zilizopo.
Aidha katika mkesha huo kutakuwa na burudani kadhaa zitakazo poromoshwa ambapo Bendi ya Extra Bongo, na msanii mkongwe Juma Nature ni miongoni mwa wasanii watakaopagawisha.
Pamoja na burudani hizo, mchana kutakuwa na pambano la masumbwi kati ya Mbwana Matumla na David Charanga kutoka Kenya.
Kabla ya pambano hilo, bondia Mada Maugo atavaana na Yiga Juma wa Uganda, na Bahati Mwafyela atachapana na Chupa kiChipindi.