Pichani kati ni mratibu wa filamu ya Love & Power Bwana Myovela Mfwaisa akizungumza na Wanahabari Mapema leo jijini dar.
Dar es Salaam, 10th April 2013
Imetayarishwa na Kanumba the Great Film , ikiongozwa na Steven C. Kanumba imeandikwa na Ally Yakuti.
Ile filamu ya Love & Power ambayo imekuwa ikisubiriwa kwa hamu na wapenzi wengi wa filamu hatimaye mwisho wa wiki hii siku ya Ijumaa tarehe 12th April 2013 itazinduliwa na kuingia sokoni rasmi na kusambazwa nchi nzima na kampuni ya mahiri ya usambazaji wa filamu ya Steps Entertainment Ltd.
Akizingumza na waandishi wa wanahabari mratibu wa filamu ya Love & Power Bwana Myovela Mfwaisa amesema kuwa “Filamu ya Love & Power ni filamu ya mwisho kutengenezwa na marehemu The Great Kanumba inaingia sokoni na kuwafikia watanzania wote siku ya ijumaa,”
Hivyo basi hii itakuwa fursa pekee kwa wa tasnia ya filamu na watanzania wote kwa ujumla na kuweza kujionea kazi bora iliyotengenezwa na gwiji la filamu na balozi aliyetangaza tasnia ya filamu ya Tanzania nje ya mipaka ya Tanzania, kila mpenzi wa filamu aweke ahadi kutokuikosa filamu bora na ya mwisho kuigizwa na marehemu nyota wa filamu Tanzania.
Akizungumzia kwa ufupi juu ya filamu ya Love & Power Bwana Myovela, “Filamu ya Love & Power imetengenezwa na kampuni ya Kanumba the Great film kwa kushirikia na Steps Entertainment Ltd ikiwa imeandikwa na Ally Yakuti, Filamu ya Love & Power imeshirikisha wasanii nyota katika tasnia ya Filamu Tanzania kama Hussein Mkiety ‘Sharomilionea’, Irene Paul, Patcho Mwamba, Grace Mapunda, Hartman, Rammy Galis pamoja Seth Bosco ambaye ni mdogo wake na marehemu kuongozwa na Steven Kanumba, Watayarishaji wakuu ni Steps Entertainment Ltd imetengenezwa hapa jijini Dar es Salaam katika maeneo tofauti tofauti.
Lugha iliyotumika katika filamu hiyo ni Kiswahili lakini pia Lugha ya kiingereza imetumika kama ‘Subtitles’. Umri wa kutazama filamu ya Love & Power ni miaka 16 ni filamu nzuri inayotazamwa na watoto pamoja na familia, iliyopewa kibali cha ukaguzi Kutoka Bodi ya ukaguzi wa filamu na michezo ya kuigiza Tanzania.
Katika kuhakikisha kuwa wasanii wanafaidika na kazi zao tunaomba kila mdau wa filamu awe mlinzi wa kazi hizi za filamu za kitanzania kwa kupambana na Maharamia wa kazi za Wasanii wa filamu, pia tunawaomba wapenzi wa filamu kununua nakala halali yenye nembo ya Steps Entertainment Ltd, hiyo itachochea maslahi kwa wasanii wa Tanzania na kuongeza ajira kwa vijana ili kufikia hilo nunua filamu ya Love & Power halali.
Unaweza kupata filamu ya Love & Power kwa kuwasiliana na Wasambazaji kwa namba hizi: 0716 788 805, 0713 570 581
Asanteni.