Jana Wazee wa kazi Golden Bush walikutana na wazee wenzao Wahenga katika mechi ya kirafi ikiwa na sehemu ya kusherekea siku ya Muungano wa Tanganyika na Zanzibar. Mechi lichezwa uwanja wa TP Tandale jijini Dar es salaam ambapo wapenzi wa soka walishuhudia Wahenga wakikubali kipigo cha goli 2-1.
Magoli yote yalifungwa katika kipindi cha pili huku Golden Bush wakianza kufumania nyavu kupitia kwa mshambuliaji wao hatari Athuman Machuppa alieunganisha pasi safi kutoka kwa Shaban Kisiga “Maloni”. Golden bush walifunga goli la pili kupitia kwa Shaban Kisiga aliyepiga chenga ngome yote ya Wahenga na kutumbukiza mpira wavuni. Wahenga walijipatia goli la kufutia machozi katika dakika ya za lala salama kwa njia ya mkwaju wa Penalty ikiwekwa wavuni na Macocha Tembele.
Hadi mwisho wa mchezo Golden Bush chini ya Mwalimu wao Maradaraka Seleman “Mzee wa Kiminyio” waliibuka kidedea na kushehekea sikukuu ya mapinduzi kwa furaha kabisa.
Golden bush Veterans wako katika maandalizi ya mwisho kabisa kuelekea Tanga kwa ajili ya mechi za kirafiki na veterans ya huko. Imetolewa na msemaji wa na mchezaji mwandamizi wa golden bush Fc bwana Onesmo Waziri “Ticotico”
Golden Bush FC
Wahenga FC
Mchezo ukiendelea kwa nguvu katikati ya uwanja
