Siku ya tarehe 31/03/2013 ambayo ni sikukuu ya pasaka timu yetu ya Golden Bush FC veterans itashuka uwanja wa TP Africa maeneo ya sinza ili kuonyeshana kazi na wazee wenzao Wahenga Veterans. Kutokana na historia ya upinzani wa jadi wa timu hizi mbili na kwa kutambua umuhimu wa mechi hii ya kusherekea sikukuu ya pasaka, uongozi wa timu zote mbili umelazimika kumualika mgeni rasmi ambaye ni mpenzi na mkereketwa wa michezo Afande Thobias Andegenye.
Andengenye ndiye atakaye kagua timu hizi kabla kipute kuanza mnamo saa kumi na nusu jioni. Ni mechi inayovuta sana hisia za wapenda soka ambao wanatambua upinzani mkubwa kabisa pindi timu hizi zinapokutana. Golden bush ni timu inayoundwa na wachezaji wa zamani kama vile Onesmo Waziri “Ticotico” Athuman Machuppa, Nico Nyagawa, Waziri Mahadhi, Katina Shijja, Abuu Mtiro, Steven Marash, Said Sued, Majuto Komu, Wisdom Ndlovu, Majaliwa Mwaigaga, Yahaya Issa bila kusahau makocha wa timu ambao ni Madaraka Seleman na kocha mchezaji Herry Morris.
Upande wa wahenga itakuwa na wachezaji maarufu kabisa wa zamani kama vile Mengi Matunda, Macocha Tembele, Baba Dimo, Mcameroun, Julius Mkemia, Deo Masanja “Mboma” Shomari Pengo na wachezaji wengine wengi waliotamba katika ligi ya Tanzania enzi hizo.
Timu zote ziko mafichoni kwasasa zikijufua sawasawa ili kumaliza ubishi wa nani zaidi kati ya vigogo hawa wa soka.
Tunajua uwanja utajaa sana hivyo tunaomba wapenzi wetu wawe watulivu na washangilie kwa utulivu kabisa kama ilivyozoeleka na mwisho wa siku mshindi apatikane katika dakika tisini. Wale watakao kuja na watoto, wanaombwa wawe wangalifu kwasababu uwanja uwa unajaa sana tena sana hivyo unaweza kumpteza mwanao na akawa tabu kumpta.
Golden Bush itaingia uwanjani mnamo saa kumi kamili alasiri na safari hii timu itaongozwa na mwenyekiti wetu Ally Mayay Tembele.
Karibuni sana
Msemaji wa timu na mchezaji mwandamizi.
Onesmo Waziri “Ticotico”