Mfumania nyavu anaeshikila rekodi ya ufungaji bora wa muda wote ndani ya Azam fc John Raphael Bocco ameiongoza timu yake katika utoaji wa maji ya uhai yenye ujazo wa lita 5 kwa askari wa El Nasri Juba katika uwanja wa taifa uliopo mjini Juba, Sudan ya kusini.
Bocco ameitunga El Nasri goli 2 katika ushindi wa goli 5-0 walioupata Azam fc hii leo katika mchezo wa marejeano wa michuano ya kombe la shirikisho la soka Afrika na kupelekea El Nasri kutolewa kwa jumla ya goli 8-1 katika michuano hiyo ya pili kwa ukubwa barani Afrika katika ngazi ya vilabu.
Azam fc waliingia katika uwanja huo wa Taifa la Sudan Kusini wakiwa na akiba ya goli 3-1 na John Bocco ndiye aliyefungua karamu ya magoli kwa Azam hii kabla ya Khamis Mcha kuifungia Azam fc goli la 2.
Bocco alimpeleka kwa mara nyingine kwenye nyavu kipa wa El Nasri aliyekuwa kizuizi katika mchezo wa awali kwa Azam kutoka na ushindi mnono pale alipoifungia azam fc goli la 3.
Mcha alifunga goli lake la pili kati michuano hiyo baada ya kuifungia Azam fc goli la 4 ikiwa ni kabla ya Kipre Herman Tchetche kuhitimisha kalamu ya mabao kwa kuifungia Azam goli la 5 likiwa ni goli lake la 3 kuifunga El Nasri baada ya mchezo wa awali kuifunga magoli mawili.
Kwa matokeo hayo imeisogeza Azam katika mzunguko wa pili ambapo mpinzani wake atafahamika hapo baadae.
