MICHUZI BLOG

Meneja Biashara wa Taasisi ya Kifedha ya Bayport Financial Services, Thabit Mndeme, kushoto, akizungumza jambo wakati akitangaza taasisi yao kuendelea kutoa huduma ya mradi wa viwanja vya Vikuruti, wilayani Kibaha, mkoani Pwani, ulioanza Mei 22, mwaka huu na kupokewa vizuri na Watanzania wengi. Kulia ni IT Meneja wa Taasisi hiyo, Daud Mavule.

WATANZANIA wenye nia ya kumiliki ardhi, wataendelea kuipata fursa hiyo baada ya Taasisi ya Kifedha ya Bayport Financial Services, kuwapatia nafasi wateja wao katika mradi huo ulioanza rasmi Mei 22 mwaka huu na kuzinduliwa katika Hoteli ya Serena, jijini Dar es Salaam. Hayo yamesemwa na Meneja Biashara wa Taasisi hiyo, Thabit Mndeme, alipokuwa akizungumza jijini Dar es Salaam, juu ya huduma hiyo ya viwanja vinavyotolewa kwa watumishi wa umma, wafanyakazi wa kampuni binafsi na wajasiriamali.

Kwa mujibu wa Mndeme, wameamua kuendelea kutoa huduma hiyo ya viwanja katika eneo ya Vikuruti, baada ya kufanya tathmini kwa kuangalia umuhimu wa Watanzania kuweza kumiliki viwanja ili kujenga nyumba za kuishi, nyumba za biashara na mahitaji mengineyo wapendayo.Mbali na huduma hiyo ya viwanja, Bayport ni taasisi ya kifedha inayojihusisha na mambo ya mikopo ya fedha, mikopo ya bidhaa bila kusahau bima ya elimu kwa uwapendao, huku huduma zote hizo zikifanikisha maisha bora kwa wateja wao na Watanzania kwa ujumla.

“Bayport Financial Services ni taasisi yenye kutoa huduma bora kwa wateja wetu na Watanzania kwa ujumla, hivyo tunaamini huduma yetu ya mikopo ya viwanja kuwa endelevu ni sehemu ya kuhakikisha kwamba watu wote wanakuwa na uwezo wa kumiliki ardhi kwa ajili ya matumizi yao mbalimbali.

“Hii ni huduma endelevu na muhimu inayotolewa kwa watu wote katika Jamhuri ya Muungano wa Tanzania, ambapo mteja kutoka mahali popote anaweza kumiliki kiwanja hicho kwa kuchukua fomu za kuomba viwanja hivyo kupitia ofisi zetu zilizoenea nchi nzima, bila kusahau kwa wakala wetu Bank Of Africa (BOA),” alisema.

Mndeme alisema kwamba sasa wateja wao watazidi kunufaika kununua viwanja vilivyopo Vikuruti, wilayani Kibaha, mkoani Pwani, huku wakivipata kwa njia ya mkopo au kwa fedha taslimu.

Mkurugenzi wa Kampuni ya Msama Promotions, Alex Msama akimkabidhi sehemu ya msaada wa vitu mbalimbali kwa mtoto Sophia Said wa kituo cha Yatima cha Maunga cha Kinondoni jijini Dar es Salaam ikiwa ni masandalizi ya Sikukuu ya Idd El Fitr.

Mkurugenzi wa Kampuni ya Msama Promotions, Alex Msama akiwakabidhi sehemu ya msaada wa vitu mbalimbali watoto, Gatson Edward na Bonny Mayanga wa kituo cha Yatima cha Tuwakomboe cha Temeke jijini Dar es Salaam ikiwa ni masandalizi ya Sikukuu ya Idd El Fitir. Jumla ya vituo 10 vilinufaika na msaadahuo ambao umetokana na mapato ya Tamasha la Pasaka la mwaka huu.

Sehemu ya misaada hiyo ikishushwa

KAMPUNI ya Msama Promotions chini ya Mkurugenzi wake Alex Msama, jana iligawa misaada ya vitu mbalimbali vyenye thamani ya shilingi mil 9.5 kwa vituo 10 vya kulea yatima vya jijini Dar es Salaam.

Akikabidhi misaada hiyo kwa viongozi na wawakilishi wa vituo hivyo, Msama mwasisi wa matamasha ya Injili nchini tangu mwaka 2000, alisema ametoa vitu hivyo kuwapa faraja watoto wa vituo hivyo.

Msama ambaye hivi karibuni alitoa msaada kama huo wenye thamani ya shilingi mil 7.5, alisema msaada huo wa jana ni kuwapa faraja watoto hao kufurahia sikukuu ya Idd el Fitr inayoweza kuangukia kati ya Julai 18 au 19.

“Nimeguswa kuendelea kusaidia watoto hawa, najisikia faraja na amani ya moyo ninapofanya hivi nikikumbuka mbali mno, ikiwemo hata maisha niliyowahi kuishi na kuyapitia, hivyo si kutaka sifa wala umaarufu,” alisema.

Msama ametoa wito kwa jamii kutambua watoto wanaolelewa katika vituo hivyo si kupenda kwao, bali ni kutokana na changamoto za kimaisha zilizowapata hadi ku kila mtoto angependa kulelewa na wazazi wake.

Vituo vilivyopewa msaada wa vitu mbalimbali kama unga, mchele, sukari, sabuni na juisi, ni Honoratha, Mwana, Umra, Mujahidina, Zaidi, Hairat, Sifa, Mwandaliwa na Chakuwama.

Akizungumza baada ya kupokea msaada huo, Alhaji Mzee ambaye ni mmoja wa watoto wa kituo cha Alhaji Mzee wa kituo cha Mwandaliwa, alisema ni furaha kubwa kwao kupata msaada huo kuelekea sikukuu hiyo.

Msama alisema fedha zilizotumika kununua vitu hivyo ni kutoka katika mfuko wa Tamasha la Pasaka ambalo hufanyika kila mwaka tangu 2000 chini ya uratibu wa kampuni ya Msama Promotions.

Msama ni mtu aliyejipambanua kama mdau mkubwa katika kusaidia jamii kupitia makundi maalumu kama yatima, walemavu na wajane kwa lengo la kuwapa faraja ya kufurahia maisha kama wengine.

Mbali ya kutoa misaada mbalimbali kwa makundi hayo kabla au baada ya tamasha la Pasaka kila mwaka, Msama amewahi kusaidia waathirika wa mabomu ya Gongo la Mboto, mwaka 2011

Latest Images