Viongozi Waanzilishi TAPSEA Walalamikia Uchaguzi wa Chama Chao

May 28, 2015, 9:30 pm

≫ Next: ATCL yaongeza safari zake visiwa vya Comoro.

Viongozi wa Chama cha Makatibu Muhtasi Tanzania (TAPSEA) walioko madarakani sasa ambao wanaolalamikiwa kuingia madarakani kinyume na katiba ya chama hicho wakizungumza na baadhi ya waandishi wa habari mjini Dodoma kuzungumzia mkutano wao mkuu unaoanza leo mjini Dodoma. Viongozi wa Chama cha Makatibu Muhtasi Tanzania (TAPSEA) walioko madarakani sasa ambao wanaolalamikiwa kuingia madarakani kinyume na katiba ya chama hicho wakizungumza na baadhi ya waandishi wa habari mjini Dodoma kuzungumzia mkutano wao mkuu unaoanza leo mjini Dodoma.

MGOGORO wa uongozi ndani ya Chama cha Makatibu Muhtasi Tanzania (TAPSEA) umeingia katika hatua tata baada ya viongozi waanzilishi wa chama hicho kulalamikia uchaguzi uliopangwa kufanyika Mei 30, 2015 mjini Dodoma ilhali kuna mgogoro wa uongozi ndani ya chama hicho ukiendelea.

Akizungumza na mwandishi wa habari hizi kwa niaba ya viongozi wenzake Mwenyekiti wa TAPSEA, Pili Mpenda ambaye pia ni miongoni mwa waanzilishi wa chama hicho jana jijini Dar es Salaam alisema anasikitishwa na kitendo cha viongozi walioingia kinyume na katiba ya chama hicho kujipanga kufanya uchaguzi ilhali kuna kesi ya msingi ipo mahakamani kulalamikia wao kuondolewa madarakani.

Alisema viongozi waliopo madarakani sasa wameingia kwa nguvu za Msajili wa Vyama vya Siasa nchini baada ya kushinikiza uchaguzi kinyume na maelekezo ya Mkutano Mkuu wa kwanza wa TAPSEA uliofanyika Arusha Mai 18, 2013 wa chama hicho ambao ulielekeza maboresho ya katiba ya chama kabla ya chochote kufanyika.

Alisema mkutano mkuu wa pili uliofanyika mkoani Mwanza 2014 uliitishwa ili kuwaeleza wananchama juu ya shinikizo la msajili na wanachama wachache (7) kufanyika uchaguzi na kuwaeleza mwenendo wa marekebisho ya katiba ya TAPSEA lakini Ofisa msajili alishinikiza ufanyike uchaguzi ambao uliwagawa wanachama na wengine kususia uchaguzi huo kutokana na mvutano.

Bi. Mpenda alisema uchaguzi uliofanyika haukuwa halali kwani mbali na kufanyika kinyume na katiba ya TAPSEA na maelekezo ya Mkutano Mkuu wa kwanza haukushirikisha wanachama wote. Aliongeza kuwa kati ya wanachama halali 815 waliokuwa wamejisajili ni wanachama 200 tu ndio walioshiriki katika uchaguzi huo.

"...Uchaguzi huu ni kinyume na katiba ya TAPSEA na kinyume na maelekezo ya Mkutano Mkuu wa kwanza na ulifanyika kwa shinikizo la Msajili wa Vyama vya Siasa...sisi hatujui alitumia kifungu gani kuja kushinikiza uchaguzi na kuusimamia kinyume na katiba yetu," alisema Bi Mpenda katika mazungumzo.

Aidha alisema tayari viongozi waliopinduliwa wameenda mahakamani kupinga kitendo hicho na msajili anafahamu lakini wanashangaa kuona viongozi wanaolalamikia wamejipanga kufanya uchaguzi mpya wa chama hicho Mai 30, 2015 mjini Dodoma. Hata hivyo taarifa kutoka kwa viongozi waliopo madarakani kwa sasa wamekiri kujiandaa na uchaguzi mkuu mpya kwa nafasi za juu za chama hicho pamoja na wajumbe 9 wa Kamati ya Utendaji.

Akizungumza leo mjini Dodoma na waandishi wa habari, Katibu Mkuu wa TAPSEA aliyepo madarakani kwa sasa, Festo Emmanuel amesema chama hicho kinaendelea na mkutano mkuu unaoanza leo mjini hapo na wamesajili upya wanachama ambapo imefikia jumla ya wanachama 1500. Na alikiri watafanya uchaguzi katika nafasi za juu za chama hicho. Viongozi wa TAPSEA walioko madarakani sasa ambao wanaolalamikiwa kuingia madarakani kinyume na katiba ya chama hicho wakizungumza na baadhi ya waandishi wa habari mjini Dodoma kuzungumzia mkutano wao mkuu unaoanza leo mjini Dodoma.

↧

ATCL yaongeza safari zake visiwa vya Comoro.

May 28, 2015, 9:42 pm

≫ Next: MAZISHI YA SHEKHE OMARY ALHAD, KATIBU WA MSIKITI WA KICHANGANI MAGOMENI JIJINI DAR

≪ Previous: Viongozi Waanzilishi TAPSEA Walalamikia Uchaguzi wa Chama Chao

Abiria wakishuka kwenye Ndege ya Shirika la Ndege la Air Tanzania (ATCL) aina ya CRJ 100. Picha ya Maktaba

SHIRIKA la ndege la taifa (ATCL) limetangaza uamuzi wake wa kuongeza idadi ya safari zake kuelekea visiwa vya Comoro hatua inayolenga kuendana na ongezeko la mahitaji ya huduma za shirika hilo hususani katika kuelekea kipindi cha mwezi mtukufu wa Ramadhani.

Kwa sasa shirika hilo linatoa huduma zake kwenye mikoa ya Dar es Salaam, Kigoma na Mtwara kila siku. Sambamba na kutoa huduma hizo hapa nchini, shirika hilo lina mpango mpya utakaoanza rasmi tarehe mosi ya mwezi Juni mwaka huu kwa kuongeza safari zake kuelekea visiwa vya Comoro hadi kufikia mara nane kwa wiki ikiwemo mara mbili siku za Alhamisi.

Akizungumza na waandishi wa habari jijini Dar es Salaam, Kaimu Mkurugenzi Mtendaji wa ATCL Bw. Johnson Mfinanga alisema shirika hilo ndilo pekee linalotoa huduma ya safari za anga kati ya Tanzania na Visiwa vya Comoro huku akibainisha fursa za kibiashara zilizopo kati ya nchi hizi mbili jambo linalosababisha uwepo wa ongezeko la mahitaji ya huduma za ATCL.

Pia amewaasa watanzania hususan wakazi wa mtwara kuchangamkia fursa hizo kwa kuwa shirika hilo kwa sasa linatoa huduma zake kati ya Mtwara na visiwa vya Comoro kwa siku za Jumatano na Ijumaa kila wiki.

“Siku zote tumekuwa tukihakikisha kwamba tunabadilika kuendana na mahitaji ya wateja wetu.

Ni dhahiri kwamba katika kipindi hiki kuna hitaji kubwa la usafiri wa anga kuelekea visiwa vya Comoro kwa sababu za kibiashara, mapumziko na sherehe mbalimbali, hivyo ATCL imejipanga kuchangamkia fursa hiyo,’’ alibainisha.

Akizungumzia ufanisi wa shirika hilo katika safari nyingine ikiwemo zile za Kigoma na Mtwara, Bw. Mfinanga alisema wamekuwa wakihudumia idadi kubwa ya abiria kutokana na ndege za shirika hilo kusafiri kwa mwendo kasi wa kuridhisha sambamba na huduma nzuri zinazotolewa kwa wateja wakati wa safari.

“Zaidi tunaamini kwamba huduma tunazozitoa kati ya Tanzania na Comoro zimekuwa zikichangia kuongeza ushirikiano baina ya nchi hizi mbili na tunaamini kuwa hata hili ongezeko la safari zetu kwenye mataifa haya mawili zitatoa fursa kwa wateja wetu kufaidi fursa zinazopatikana ndani ya nchi hizi,’’ aliongeza Bw. Mfinanga.

Kuhusu mpango wa shirika hilo kujipanua zaidi kihuduma, Bw. Mfinanga alisema: “Ndege yetu aina ya De-Havilland Dash 8 Q300 kwa sasa inafanyiwa marekebisho makubwa kwenye karakana yetu iliyopo kwenye uwanja wa Ndege wa Kimataifa wa Julius Nyerere (JNIA) na itakapokamilika tutaendelea na huduma zetu katika mikoa ya Mwanza, Tabora, Kilimanjaro na Mbeya,’’

Bw. Mfinanga aliongeza kuwa kwa kufanya safari zake kuelekea visiwa hivyo shirika hilo limekuwa likiwezesha wateja wake kunufaika na fursa zilizopo kwenye visiwa hivyo huku pia akitoa wito kwa watanzania wengine kujitokeza kushiriki katika kuchangamkia fursa hizo.

↧

MAZISHI YA SHEKHE OMARY ALHAD, KATIBU WA MSIKITI WA KICHANGANI MAGOMENI JIJINI DAR

May 28, 2015, 10:07 pm

≫ Next: MAKALA YA SHERIA:USIKAMATWE NA ASKARI KWA AMRI YA MAHAKAMA BILA KUONESHWA HATI HII.

≪ Previous: ATCL yaongeza safari zake visiwa vya Comoro.

↧

MAKALA YA SHERIA:USIKAMATWE NA ASKARI KWA AMRI YA MAHAKAMA BILA KUONESHWA HATI HII.

May 28, 2015, 10:13 pm

≫ Next: MWENGE WA UHURU WAZINDUA MAGARI YA UKUSANYAJI TAKA YA KAMPUNI YA GREEN WASTE PRO LTD YENYE THAMANI YA SHILINGI BILIONI 1.6

≪ Previous: MAZISHI YA SHEKHE OMARY ALHAD, KATIBU WA MSIKITI WA KICHANGANI MAGOMENI JIJINI DAR

Na Bashir Yakub.

Kifungu cha 112 ( 1 ) na ( 2 ) cha Sheria ya Mwenendo wa Kesi za Jinai kinaeleza kwa urefu kuhusu hati ya kumkamata raia ( warrant of arrest ) ambayo hutolewa na mahakama. Kifungu hiki kimeeleza namna hati hii inavyopaswa kuwa na maudhui yanayopaswa kuwa ndani ya hati hiyo.

Lengo ni kumfanya raia ajue anakamatwa na nani , kwanini na anapelekwa wapi. Ni hati ambayo imebeba taarifa zinazolenga kusimamia na kulinda haki za mtuhumiwa . Yumkini mengi yaliyo katika hati hii huwa hayatekelezwi na wahusika. Raia wajue kuwa amri ya kukamatwa kwa mtu inapotolewa na mahakama ni lazima askari anayekuja kukamata awe na hati hii.

Asije askari kukukamata kwa maelezo kuwa ametumwa na mahakama wakati akiwa hana hati hii. Nisisitize tena kuwa amri ya kumkamata raia inapotolewa na mahakama mkamataji askari lazima aje na hati hii kwa ajili ya kutekeleza kazi hiyo. Na ili hati iwe halali lazima iwe na taarifa zifuatazo kama tutakavyoona hapa chini.

1. HATI LAZIMA IWE NA TARIFA HIZI.

( A ) LAZIMA HATI YA KUKAMATA IANDIKWE NA JAJI AU HAKIMU.

Upo utaratibu ambao umezoeleka ambapo makarani wa mahakama huandika hizi hati. Hili ni kosa kubwa kwani kifungu hichohicho cha 112 cha Sheria ya Mwenendo wa Kesi za Jinai kimeweka wazi kuwa hati ya kukamata ni lazima iandaliwe na hakimu au jaji.

Afisa yeyote wa mahakama ambaye si hakimu au jaji hana kabisa mamlaka ya kuandaa hati hiyo. Basi kama ndio hivyo ieleweke kuwa hati yoyote ambayo haikuandaliwa na hakimu au jaji ndio hati batili na ukamataji unaotokana na hati hiyo ni ukamataji haramu.

Nimeeleza katika makala zilizopita kuwa sheria inamruhusu raia kugomea ukamataji ambao ni haramu kama huo. Hivyo niseme tena kuwa ikiwa hati ya kukamata haikuandaliwa na hakimu au jaji basi raia anayo haki ya kugomea kukamatwa.

( B ) LAZIMA HATI YA KUKAMATA IWE NA MUHURI WA JAJI AU HAKIMU .

Kawaida kila mahakama ina muhuri wake ambao huwa na utambulisho wa Mahakama husika. Muhuri huo huwa nao jaji au hakimu wa mahakama husika. Muhuri huo ndio unaotakiwa kuwa katika hati ya kukamata. Kama ni hati imetolewa na mahakama kuu muhuri uoneshe kuwa ni wa mahakama kuu halikadhalika mahakama nyinginezo kama za wilaya na mwanzo.

( C ) HATI YA KUKAMATA LAZIMA IONESHE KOSA LA MTUHUMIWA KWA UFUPI.

Mpaka hati inatolewa kunakuwa na kosa ambalo tayari raia ametuhumiwa nalo. Hati hii haiwezi kutolewa iwapo hakuna kosa ambalo limeanzishwa. Kutokana na hilo ni lazima kosa hilo lioneshwe ndani ya hati hiyo ili mtuhumiwa ajue anakamatwa kwa ajili ya nini ili naye ajue anaandaa nini na nini kuhusu kosa hilo. Kwa mfano kosa liandikwe hivi, KUUA KWA KUKUSUDIA KINYUME NA KIFUNGU 196 CHA KANUNI ZA ADHABU.

( D ) LAZIMA HATI IONESHE JINA LA MTUHUMIWA AU WASIFU WAKE.

Isiwe hati imetolewa kwa ajili ya JOHN ikatumika kumkamata CLEMENT. Aliyeandikwa kwenye hati ndiye huyohuyo anayepaswa kukamatwa. Hii ndio sababu ya hati hiyo kuwa na jina. Kama haina jina basi iwe inachambua wasifu wa mlengwa kwa namna hivyo hivyo alivyo. Kama haina jina au wasifu wa mlengwa basi hati hiyo sio halali na mtuhumiwa anaweza kuigomea.

( E ) LAZIMA ITAJE JINA LA ASKARI/AFISA ALIYETUMWA KUKAMATA .

Si kila askari anamkamata anayemtaka. Hati ya kukamatwa hueleza askari/afisa maalum aliyepewa wajibu wa kukamata mhusika. Itamtaja kwa jina kuwa huyu ndiye aliyepewa mamlaka ya kumkamata fulani.

Haya yote ni kwa mujibu wa kifungu cha 112 ( 1 ) ( 2 ) cha Sheria ya Mwenendo wa Kesi za Jinai. ACHA KUNYANYASWA, CHUKUA HATUA.

MWANDISHI WA MAKALA HAYA NI MWANASHERIA NA MSHAURI WA SHERIA KUPITIA GAZETI LA SERIKALI LA HABARI LEO KILA JUMANNE , GAZETI JAMHURI KILA JUMANNE NA GAZETI NIPASHE KILA JUMATANO. 0784482959, 0714047241 bashiryakub@ymail.com

KUSOMA ZAIDI LINKS goes to sheriayakub.blogspot.com.

↧

MWENGE WA UHURU WAZINDUA MAGARI YA UKUSANYAJI TAKA YA KAMPUNI YA GREEN WASTE PRO LTD YENYE THAMANI YA SHILINGI BILIONI 1.6

May 28, 2015, 10:15 pm

≫ Next: INTRODUCING:Tytus - Uzuri wako official video

≪ Previous: MAKALA YA SHERIA:USIKAMATWE NA ASKARI KWA AMRI YA MAHAKAMA BILA KUONESHWA HATI HII.

Kiongozi wa mbio za Mwenge wa Uhuru Kitaifa, Bw. Juma Khatibu Chum akikata utepe kuashiria ufunguzi rasmi wa magari ya kufanyia usafi yanayomilikiwa na Kampuni ya Green Waste Pro ltd.

Kiongozi wa Wakimbiza Mwenge Kitaifa, Bw. Juma Khatibu Chum (kushoto) akikabidhiwa risala na Meneja mwendeshaji wa kampuni ya Green Waste Pro Ltd, Bw.Abdallah Mbena iliyosomwa wakati wa uzinduzi wa magari ya kufanyia usafi katika manispaa ya Ilala jijini Dar.

Kiongozi wa Wakimbiza Mwenge Kitaifa, Bw. Juma Khatibu Chum (wa kwanza kushoto), Mkurugenzi wa kampuni ya Green Waste Pro Ltd Ndg. Mark Anthony Shayo (katikati) pamoja na Mkuu wa Wilaya ya Ilala, Raymond Mushi wakiwa kwenye zoezi la kuweka uchafu kwenye moja ya gari la kufanyia usafi lililozinduliwa na Mwenge wa Uhuru.

BOFYA HAPA KWA PICHA ZAIDI

↧

INTRODUCING:Tytus - Uzuri wako official video

May 28, 2015, 10:33 pm

≫ Next: JARIDA LA WIKI LA NISHATI NA MADINI TOLEO LA 69

≪ Previous: MWENGE WA UHURU WAZINDUA MAGARI YA UKUSANYAJI TAKA YA KAMPUNI YA GREEN WASTE PRO LTD YENYE THAMANI YA SHILINGI BILIONI 1.6

↧

JARIDA LA WIKI LA NISHATI NA MADINI TOLEO LA 69

May 28, 2015, 10:35 pm

≫ Next: Become a Graphic Designer

≪ Previous: INTRODUCING:Tytus - Uzuri wako official video

↧

Become a Graphic Designer

May 28, 2015, 11:30 pm

≫ Next: Tanzania yaadhimisha siku ya hedhi duniani

≪ Previous: JARIDA LA WIKI LA NISHATI NA MADINI TOLEO LA 69

↧

Tanzania yaadhimisha siku ya hedhi duniani

May 29, 2015, 12:56 am

≫ Next: MBUNGE LUCY OWENYA AKABIDHI JEZI KWA TIMU ZILIZOFUZU ROBO FAINALI YA LUCY OWENYA CUP 2015

≪ Previous: Become a Graphic Designer

Tanzania imeadhimisha siku ya hedhi duniani, ambapo wizara ya elimu kwa kushirikiana na wadau mbalimbali wamekubaliana kuandaa na kusimamia sera inayoondoa vikwazo kwa watoto wa kike katika masomo yao.

Akizungumza katika maadhimisho hayo jana jijini Dar es Salaam, Ofisa Elimu Mkuu wa Wizara ya Elimu na Mafunzo ya Ufundi Stadi, Madina Kemilembe, alisema kukosekana kwa miundombinu rafiki mashuleni kunasababisha wanafunzi kutohudhuria masomo.

Alisema ukosefu wa mazingira bora kama vyoo, maji safi na salama pamoja na vyumba mahsusi vya kubadilishia nguo , hasa kwa watoto wa kike wanapokua katika hedhi mashuleni kunachangia utoro.

“Nawashukuru wadau Water Aid, Shirika la Maendeleo la Uholanzi (SNV), Kasole Secrets pamoja na wengine kwa kuisaidia serikali kuandaa mazingira rafiki kwa watoto wetu kwa kuwajengea vyumba vya kubadilishia na kuhakikisha upatikanaji wa pedi kwa baadhi ya shule,” alisema Kemilembe.

Alisisitiza juu ya utoaji wa elimu kwa wazazi na wanafunzi wa jinsia zote ili kuondoa unyanyapaa ili kuboresha mazingira ya kusoma kwa mtoto wa kike. Naye Mkurugenzi wa Water Aid, Ibrahim Kabole, alisema kuna uelewa mdogo pamoja na mila potofu zinazofanya jambo la hedhi kuonekana ni la aibu.

Afisa Elimu Mkuu kutoka Wizara ya Elimu na Mafunzo ya Ufundi, Bi Madina Juma, akihutubia wakati wa maadhimisho ya siku ya hedhi duniani yaliyofanyika kwa mara ya kwanza Tanzania jana jijini Dar es Salaam katika viwanja vya mnazi mmoja. Kauli Mbiu ya mwaka huu inaeleza "Usisite kuzungumzia hedhi".

Wanafunzi kutoka shule mbalimbali za msingi na sekondari jijini Dar es Salaam wakiwa kwenye maandamano ya kuadhimisha siku ya hedhi duniani yaliyofanyika kwa mara ya kwanza Tanzania jana jijini Dar es Salaam.Kauli Mbiu ya maadhimisho ya mwaka huu inaeleza "Usisite kuzungumzia hedhi".

↧

MBUNGE LUCY OWENYA AKABIDHI JEZI KWA TIMU ZILIZOFUZU ROBO FAINALI YA LUCY OWENYA CUP 2015

May 29, 2015, 1:00 am

≫ Next: MWANAHARAKATI BI RITHI HAJI ALI AWATAKA WANAWAKE WENZAKE KUGOMBANIA NAFASI MBALIMBALI ZA UONGOZI

≪ Previous: Tanzania yaadhimisha siku ya hedhi duniani

Dkt Fidelis Owenya akikabidhi jezi kwa vilabu nane vilivyo fuzu kucheza hatua ya robo fainali katika mashindano ya kombe la Mbunge lijulikanalo kama Lucy Owenya Cup 2015 yanayofanyika katika jimbo la Moshi vijijini.

Baadhi ya iongozi wa timu zilizofuzu hatua ya robo fainali wakifunga jezi zao mara baada ya kukabidhiwa kwa ajili ya hatua ya robo fainali. Na Dixon Busagaga wa Globu ya Jamii Kanda ya Kaskazini.
PICHA ZAIDI BOFYA HAPA

↧

MWANAHARAKATI BI RITHI HAJI ALI AWATAKA WANAWAKE WENZAKE KUGOMBANIA NAFASI MBALIMBALI ZA UONGOZI

May 29, 2015, 1:25 am

≫ Next: TAARIFA YA ZIARA YA RAIS MSTAAFU ALHAJJ DR ALI HASSAN MWINYI KATIKA JAMHURI YA KIISLAMU YA IRAN

≪ Previous: MBUNGE LUCY OWENYA AKABIDHI JEZI KWA TIMU ZILIZOFUZU ROBO FAINALI YA LUCY OWENYA CUP 2015

Na Maryam Kidiko-MaelezoZanzibar

Mwanaharakati wa Masuala ya Wanawake wa Jimbo la Mwana kwerekwe Bi Rihi Haji Ali amewataka Wanawake wenzake kujitokeza kwa wingi kugombania nafasi mbali mbali za Uongozi ili kuweza kutetea haki zao .

Hayo ameyasema huko Mwanakwerekwe wakati akizungumza na Waandishi wa habari katika suala zima la wanawake kuacha woga na kujitokeza kwa wingi kugombania ili waweze kujisemea wenyewe na kupata haki zao za kimsingi.

Hata hivyo amesema wakati umefika kwa Wanawake kujisemea wenyewe na kuacha tabia ya kusemewa matatizo yao jambo ambalo linarudisha nyuma na kuchelewa kupata haki zao za msingi wanazokusudia.

Amesema kuwa Wanawake watapojitokeza kwa wingi na kuwa na ushirikiano mkubwa wataweza kutetea haki zao za msingi hasa katika suala zima la udhalilishaji unaojitokeza hapa Nchini kwa wanawake hao.

Vile vile amesema indapo watajitokeza Wanawake kugombani nafasi hizo watatoa ushirikiano mkubwa wa kumpigia kura ili kuwapa hamasa wanaume na wao waweze kuwaunga mkono katika kugombania nafasi hizo.

“Mwanamke yoyote akijitokeza kugombania Uongozi tutatoa ushirikiano mkubwa na kuhakikisha anapita katika ushindani huo”Amesema mwanaharakati huyo. Amefafanuwa kuwa wanajitahidi kutoa Elimu sehemu mbali mbali na kuwaelimisha Wanawake jinsi ya kugombea na kuacha imani potofu zinazosemwa Katika Jamii.

Hata hivyo amesema wataunda Kamati Ndogo ndogo ili kuhakikisha kila Mwanamke aliyekuwa na vigezo vya kugombania nafasi yoyote ya uongozi kuweza kupata nafasi hiyo.

Mwanaharakati huyo ameishukuru Jumuiya ya Waandishi wa habari Wanawake Tanzania (TAMWA) pamoja na Umoja wa Wanawake Tanzania (UWT) Kwakuweza kuwatetea Wanawake na kuhakikisha wanapata haki zao za msingi.

Sambamba na hayo amevitaka Vyombo vinavyotoa Elimu kuhusu masuala ya Wanawake na kuzidi kutoa Elimu kwa Wanawake na kuwataka Wanawake kutoa mashirikiano pamoja na kupendana ili kutimiza lengo walilokusudia.

IMETOLEWA NA HABARI MAELEZO ZANZIBAR.

↧

TAARIFA YA ZIARA YA RAIS MSTAAFU ALHAJJ DR ALI HASSAN MWINYI KATIKA JAMHURI YA KIISLAMU YA IRAN

May 29, 2015, 1:31 am

≫ Next: MABALOZI WA TANZANIA NJE YA NCHI WATEMBELEA BUNGE LA JAMHURI YA MUUNGANO WA TANZANIA

≪ Previous: MWANAHARAKATI BI RITHI HAJI ALI AWATAKA WANAWAKE WENZAKE KUGOMBANIA NAFASI MBALIMBALI ZA UONGOZI

Rais Mstaafu wa Jamhuri ya Muungano wa Tanzania,Mh.Ali Hassan Mwinyi amefanya ziara ya siku tatu katika Jamhuri ya Kiislamu ya Iran. Ziara hiyo ya Rais Mstaafu inafuatia mwaliko wa Serikali ya Jamhuri ya Kiislamu ya Iran uliomuomba kuwa mgeni mashuhuri katika sherehe za kuadhimisha miaka hamsini na mbili (52) ya Afrika.

Siku ya Afrika huadhimishwa tarehe 25 Mei na mataifa ya Afrika pamoja na Mabalozi na Wawakilishi wa mataifa hayo duniani kote, ikiwa ni sehemu ya kumbukumbu ya kuasisiwa kwa Umoja wa Nchi Huru za Afrika (OAU) tarehe 25 Mei 1963.

Serikali ya Jamhuri ya Kiislamu ya Iran ina desturi ya kuungana na Waafrika pamoja na wadau wengine wanaounga mkono hatua za ukombozi na kupinga ubeberu katika maadhimisho ya siku hii muhimu.

Katika sherehe hizo, Rais Mstaafu Mwinyi alihutubia hadhira iliyoongozwa na Waziri wa Mambo ya Nje wa Iran Dkt Muhammad Javad Zariff na kuhudhuriwa na Mabalozi na Wawakilishi waliopo Iran, Viongozi na Maafisa waandamizi wa Serikali ya Iran, na wadau wengine muhimu ikiwemo wanataaluma, wawakilishi wa sekta binafsi na wanahabari.

Aidha, Rais Mstaafu Mwinyi alipata nafasi ya kukutana na Mkuu wa Kamisheni ya Usuluhishi ya Jamhuri ya Kiislamu ya Iran ambaye pia ni Rais Mstaafu wa taifa hilo Ayatollah Hashemi Rafsanjani.

Ayatollah Rafsanjani alikuwa Rais wa Iran wakati Ali Hassan Mwinyi akiwa Rais wa Tanzania na wawili hao waliimarisha uhusiano wa kidiplomasia wa mataifa haya mawili ambapo kila mmoja alizuru nchi ya mwenziwe. Rais Mstaafu Mwinyi aliupokea mwaliko wa taifa hilo kwa lengo la kuzidi kuimarisha uhusiano wa kidugu baina ya Tanzania na Iran. Katika ziara hiyo, Rais Mstaafu Mwinyi aliongozana na Mke wake, Mama Khadija Mwinyi.

↧

MABALOZI WA TANZANIA NJE YA NCHI WATEMBELEA BUNGE LA JAMHURI YA MUUNGANO WA TANZANIA

May 29, 2015, 1:34 am

≫ Next: MH.ROSEMARY KIRIGINI AITETEA BAJETI YA WIZARA YA UJENZI

≪ Previous: TAARIFA YA ZIARA YA RAIS MSTAAFU ALHAJJ DR ALI HASSAN MWINYI KATIKA JAMHURI YA KIISLAMU YA IRAN

Pichani ni Mabalozi wa Tanzania Nje ya Nchi Waliotembelea Bunge la Jamhuri ya Muungano wa Tanzania. Wa kwanza kushoto ni Balozi wa Tanzania Ubeligiji, Luxembourg na Jumuiya ya Ulaya Balozi Dr. Diodorus Buberwa Kamala.

↧

MH.ROSEMARY KIRIGINI AITETEA BAJETI YA WIZARA YA UJENZI

May 29, 2015, 1:43 am

≫ Next: NHIF YATOA MSAADA VIFAA TIBA HOSPITALI YA RUFAA BABATI

≪ Previous: MABALOZI WA TANZANIA NJE YA NCHI WATEMBELEA BUNGE LA JAMHURI YA MUUNGANO WA TANZANIA

Mh. Rose Kirigini mbunge wa viti maalumu wa CCM na mkuu wa wilaya ya Maswa wakati akichangia hotuba ya bajeti ya wizara ya ujenzi amemuumbua Mh.Mkosamali aliyesema kuwa ilani ya CCM haijatekeleza ujenzi wa barabara kwa kiwango cha lami inayotoka Mwigumbi - Maswa - Bariadi - Lamadi, Kolandoto - Lalago na Meatu Mjini.

Alisema kwamba mkandarasi yuko site na tayari ameanza kazi za ujenzi sehemu ya Mwigumbi - Maswa na Ujenzi unaendelea kwa Bariadi – Lamadi (km 71.8) . Aidha Barabara ya Kolandoto – Lalago – Mwanhuzi – Matala – Oldeani Jct (km 328), Mkataba umesainiwa na kazi ya upembuzi yakinifu na usanifu wa kina imeanza Julai, 2014 na zinatarajiwa kukamilika Machi, 2016.

↧

NHIF YATOA MSAADA VIFAA TIBA HOSPITALI YA RUFAA BABATI

May 29, 2015, 1:57 am

≫ Next: SHULE YA SEKONDARI KINYEREZI TABATA JIJINI DAR ES SALAAM YAUNGANISHIWA VIFAA MAALUM VYA KUJIFUNZIA MASOMO KUPITIA KOMPYUTA

≪ Previous: MH.ROSEMARY KIRIGINI AITETEA BAJETI YA WIZARA YA UJENZI

Mkuu wa Mkoa wa Manyara, Dk Joel Bendera (kushoto) akipokea msaada wa mashuka 150 yatakayotumika jana mjini Babati kwenye hospitali ya rufaa ya mkoa huo kutoka kwa Kaimu Mkurugenzi mkuu wa mfuko wa Taifa wa bima ya afya (NHIF) Michael Mhando.

Mkurugenzi mkuu wa mfuko wa Taifa wa bima ya afya (NHIF) Michael Mhando (kulia) akimkabidhi Mkuu wa Mkoa wa Manyara, Dk Joel Bendera kifaa tiba cha mama mjamzito jana mjini Babati ili kitumiwe na wanawake watakaopata huduma ya matibabu kwenye hospitali ya rufaa ya mkoa huo.

Mkuu wa Mkoa wa Manyara, Dk Joel Bendera akionyesha dawa zilizotolewa na Mkurugenzi mkuu wa mfuko wa Taifa wa bima ya afya (NHIF) Michael Mhando jana mjini Babati, ambapo NHIF ilitoa msaada wa vifaa tiba na dawa zenye thamani ya shilingi milioni 5.5.

↧

SHULE YA SEKONDARI KINYEREZI TABATA JIJINI DAR ES SALAAM YAUNGANISHIWA VIFAA MAALUM VYA KUJIFUNZIA MASOMO KUPITIA KOMPYUTA

May 29, 2015, 2:00 am

≫ Next: Tanzania kukabiliana na Uharibifu wa Mazingira - Waziri Mahenge

≪ Previous: NHIF YATOA MSAADA VIFAA TIBA HOSPITALI YA RUFAA BABATI

Mkuu wa taasisi ya Vodacom Foundation, Renatus Rwehikiza (kushoto) akishirikiana na wasimamizi wa mradi wa kompyuta mashuleni Meelis Kuuskler (katikati) pamoja na Julius Giabe kuunganisha kifaa cha kujifunzia masomo kupitia kompyuta katika shule ya sekondari Kinyerezi ya Tabata jijini Dar es Salaam. Mradi huo unaendeshwa na Learning In Sync chini ya Vodacom Foundation.

Msimamizi wa mradi wa kompyuta mashuleni, Meelis Kuuskler (katikati)akiwafafanulia jambo Mkuu wa taasisi ya Vodacom Foundation, Renatus Rwehikiza (kushoto) na Julius Giabe kuhusu kifaa cha kujifunzia masomo kupitia kompyuta kilichokuwa kinaunganishwa katika shule ya sekondari Kinyerezi ya Tabata jijini Dar es Salaam. Mradi huo unaendeshwa na Learning In Sync chini ya Vodacom Foundation.

Msimamizi wa mradi wa kompyuta mashuleni, Meelis Kuuskler akiunganisha kifaa maalum cha kuchajia kompyuta katika shule ya sekondari Kinyerezi ya Tabata jijini Dar es Salaam. Mradi huo unaendeshwa na Learning In Sync chini ya Vodacom Foundation utakabidhiwa hivi punde.

↧

Tanzania kukabiliana na Uharibifu wa Mazingira - Waziri Mahenge

May 29, 2015, 2:04 am

≫ Next: Major finals, plus Copa America and more, in SuperSport’s never-ending football offering

≪ Previous: SHULE YA SEKONDARI KINYEREZI TABATA JIJINI DAR ES SALAAM YAUNGANISHIWA VIFAA MAALUM VYA KUJIFUNZIA MASOMO KUPITIA KOMPYUTA

Na Victor Mariki - Ofisi ya Makamu wa Rais

Waziri wa Nchi Ofisi ya Makamu wa Rais ( Mazingira), Dk. Binilith Mahenge amesema kuwa Serikali inaendelea kukabiliana na changamoto za uharibifu wa mazingira kwa kuhamasisha utekelezaji wa mipango ya kitaifa ya kuhifadhi mazingira pamoja na miongozo yake.

Akizungumza na waandishi wa habari jijini Dar es Salaam wakati wa maandalizi ya maadhimisho ya Siku ya Mazingira Duniani ambayo hufanyika tarehe 5 Juni kila mwaka ambapo mwaka huu maadhimisho hayo yatafanyika jiji la Milani nchini Italia kimataifa na kitaifa yatafanyika mkoa wa Tanga.

Aidha Waziri Mahenge, alibainisha baadhi ya sababu za kuichagua Tanga kuwa sehemu ya maadhimisho hayo ni kutokana na changamoto za mazingira zinazoukabili mkoa huo ikiwemo uvuvi haramu, uharibifu vyanzo vya maji, mmomonyoko wa fukwe pamoja na kuzama kwa visiwa vya Maziwe kutokana na mabadiliko ya tabianchi.

Aliongeza kuwa ujumbe wa maadhimisho ya siku hiyo mwaka huu unasema " Ndoto Bilioni Saba. Dunia Moja. Tumia Rasimali kwa Ungalifu." ambapo alifafanua kuwa ujumbe huo unahimiza jamii katika umuhimu wa utumiaj endelevu wa rasimali kwa faida zao na kwa kizazi kijacho kwa kuzingatia ongezo la watu duniani lilofikia bilioni saba kwa sasa.

Sanjari na hayo Waziri Mahenge alitoa wito kwa kila mkoa kutekeleza shughuli za kuhamasisha uhifadhi wa mazingira kwa kudhibiti uvunaji miti, kuhamasisha matumizi ya nishati mbadala ya kuni na mkaa, kupanda miti inayofaa kwenye vyanzo vya maji na kuvitaka viwanda vizingatie uzalishaji bora utakaopunguza gesijoto na kuwa na mifumo mizuri ya majitaka.

↧

Major finals, plus Copa America and more, in SuperSport’s never-ending football offering

May 29, 2015, 2:20 am

≫ Next: Article 4

≪ Previous: Tanzania kukabiliana na Uharibifu wa Mazingira - Waziri Mahenge

As the football season nears its conclusion, SuperSport viewers will find themselves in the unique position of having the luxury of watching three major finals - the FA Cup, the German Cup and Copa del Rey - this weekend. No other broadcaster in the world can rival this feast of football.

Arsenal, playing a record 19^th FA Cup final, will be looking to successfully defend their title when they take on Aston Villa at the iconic Wembley Stadium (live on SS3 HD from 5.30pm).

Borussia Dortmund face Wolfsburg in the German Cup final (live on SS7 HD from 7.55pm) determined to put behind them a forgettable 2014-15 season, which saw them flirt with relegation at one point, by winning the cup which could also be a parting gift to coach Jurgen Klopp. He is leaving after an eight-year stay.

With one out of the three titles they are bidding for already in the bag, Barcelona renew their Copa del Rey final rivalry with Athletic Bilbao. It’s their eighth final meeting and they are seeking the dream double. The match is live on SS3 HD from 9.30pm.

The curtain officially comes down on the football season next weekend when Juventus battle it out with Barcelona for club football’s ultimate prize, the Champions League title. The winner could be a treble champion.

SuperSport’s extensive coverage of the final includes an hour-long pitch-side build-up with Carol Tshabalala and Benni McCarthy. Despite the Champions League final signaling a close, the season never ends on the World of Champions.

Just five days later South America’s finest footballers will kick up a major storm as they battle it out for continental glory in the 44^th edition of the COPA America. The June 11–July 4 tournament, hosted by Chile, will be broadcast exclusively live and in HD on SuperSport.

“South America continues to be the biggest exporter of football talent to the world and the Copa America is the ground where star players like Neymar, Sergio Aguero, Alexis Sanchez, Edinson Cavani, Phillipe Coutinho and others announce themselves before moving on to some of the biggest clubs across the world. We are ecstatic at being able to bring such a prestigious tournament to our viewers,” said a beaming Brandon Foot, Acting Chief Executive of SuperSport.

MORE NEWS CLICK HERE

↧

Article 4

May 29, 2015, 2:26 am

≫ Next: StarTimes – SmartCodes Campagn on Mobile Application fosters Digital Solutions on Digital Broadcasting

≪ Previous: Major finals, plus Copa America and more, in SuperSport’s never-ending football offering

↧

StarTimes – SmartCodes Campagn on Mobile Application fosters Digital Solutions on Digital Broadcasting

May 29, 2015, 2:47 am

≫ Next: PPRA YAWAPIGA MSASA WAFANYAKAZI WA TIA KUHUSU SHERIA MPYA YA MANUNUZI JIJINI DAR

≪ Previous: Article 4

Since December 31, 2012 Tanzania started migrating from analogue to digital broadcasting. The implementation has been successful by 100% which makes Tanzania the first country in the East African Community (EAC) and Southern Africa Development Community (SADC) to meet the deadline imposed by the International Telecommunication Unity (ITU). In fostering this process StarTimes in partnership with SmartCodes is now running a campaign which offers an added value to digital broadcasting.

Digital broadcasting which allows the consumers to choose from multiple methods of receiving television signals has given innovators at SmartCodes and Startimes the opportunity to make TV more private and personalized. Tenbre a mobile application that can be downloaded for free allows the user to access StarTimes guide wherever they are and share it.

With this mobile application the user can; find out what are showing in the next 7 days; sort all channels according to countries, regions, genres and bouquets; create their own favorite channel list; search shows or channels by the title; see what shows are on air; see the ranking order of the coming shows; see recommended shows and channels; set reminders for any show they like; view their wallet; receive their tasks and gain coins; alert setting; view their reminders and favorites; invite friends and get free coupon for recharging; access user friendly chat room; top post in each chat room for easy viewing of up-to-date information; support long press to copy text in chat room; support directing web links by clicking on the link; view number of people currently online in each chat room hence the number of people who are watching particular TV at that particular moment. All this has been made possible on the hand of the consumer.

It is of great honor that SmartCodes and StarTimes have pioneered in digitizing Tanzania. The big idea here is merging tradition with modern which is what SmartCodes envision. SmartCodes believes that if the government of the United Republic of Tanzania continues to support such initiatives by making them more accessible and affordable by year 2020 Tanzania will be the hub of technological innovation in Africa. As we say in SmartCodes technology is for everyone and so it ought to be.

SmartCodes is the awards winning Tanzanian full service digital agency. SmartCodes is a single stop for all digital pursuits. Over the past 5 years, the commitment of the innovative minds you could find in the industry has contributed to the dynamic growth of Digital Industry not only in Tanzania but Africa. SmartCodes has contributed immensely on the exponential growth of digital products consumption in Tanzania.

Currently Tanzania has about 31.86million mobile phone users and of that about 40% uses smartphones. With that rapid growth SmartCodes is now servicing a vast portfolio of clients across the sub-Saharan Africa. Quality, on time delivery and on budget has been their strongest reputation.

Visit SmartCodes award winning website here

Download Startimes Tenbre here

↧

Latest Images