MICHUZI BLOG

Naibu Waziri wa Kilimo Mhe Omary Mgumba (Mb) akijibu swali bungeni leo tarehe 16 Mei 2019 wakati wa mkutano wa kumi na tano wa Bunge la Bajeti Jijini Dodoma. (Picha Zote Na Mathias Canal, Wizara ya Kilimo)
Naibu Waziri wa Kilimo Mhe Omary Mgumba (Mb) akijibu swali bungeni leo tarehe 16 Mei 2019 wakati wa mkutano wa kumi na tano wa Bunge la Bajeti Jijini Dodoma.

Na Mathias Canal, Wizara ya Kilimo, Dodoma

Serikali iko katika mchakato wa kufanya ukaguzi na tathmini ya kina ya miradi yote ya umwagiliaji nchini ili kufanya uhakiki wa eneo la umwagiliaji kwa lengo la kubaini ubora wa miradi, thamani ya fedha, gharama za mradi na mahitaji halisi ya sasa ya kuboresha, kuendeleza na kuongeza miradi mipya ya umwagiliaji.

Aidha, baada ya tathmini hiyo Serikali itaendelea kutafuta fedha ndani na nje ya nchi ili kuhakikisha mabwawa na skimu za umwagiliaji nchini ikiwemo mradi wa umwagiliaji katika bonde la Mkomazi zinaendelezwa na kuwanufaisha wananchi wa Mombo na taifa kwa ujumla.

Naibu Waziri wa Kilimo Mhe Omary Mgumba (Mb) ameyasema hayo Bungeni Jijini Dodoma leo tarehe 16 Mei 2019 wakati akijibu swali la Mbunge wa Jimbo la Korogwe Vijijini Mhe Timotheo Mnzava aliyetaka kufahamu mpango wa Serikali katika utekelezaji wa mradi wa Umwagiliaji katika Bonde la mto Mkomazi.

Alisema kuwa katika miaka ya 1980 Serikali kupitia washirika wa maendeleo, Wakala wa Ushirikiano wa Kitalaam wa kimataifa wa Serikali ya Ujerumani (Germany Agency for Technical Cooperation Ltd) ulifanya upembuzi yakinifu (Feasibility studies) kwa ajili ya kuendeleza kilimo cha umwagiliaji katika Bonde la Mkomazi katika tarafa ya Mombo, Halmashauri ya Korogwe. Hata hivyo taarifa za upembuzi yakinifu na usanifu zilibaini kuwa ujenzi wa bwawa hilo ungesababisha kuongezeka kwa maji katika ziwa Manga na kupelekea kuzama kwa Kijiji cha Manga Mikocheni pamoja na mashamba ya wakulima.

Mhe Mgumba alisema kuwa kutokana na changamoto hiyo katika mwaka 2014/2015, wataalam wa ofisi ya kanda ya umwagiliaji ya Kilimanjaro walifanya mapitio ya upembuzi yakinifu na usanifu uliofanywa katika eneo hilo kwa lengo kuepusha uwezekano wa kufurika kwa Ziwa Manga, kuzama kwa Kijiji cha Manga Mikocheni na Mashamba ya wakulima kutokana na ujenzi wa bwawa. Mapitio hayo yalibaini uwezekano wa ujenzi wa bwawa na mradi wa umwagiliaji katika eneo hilo bila kuathiri wakazi wa eneo hilo. Mapitio ya usanifu huo yalibaini kuwa ujenzi wa bwawa pekee utagharimu Shilingi 1,543,736,877.

Aidha, akijibu swali la Mbunge wa Kondoa Mjini Mhe Edwin Mgate Dannda aliyetaka kufahamu ni lini andiko la mradi wa Kilimo cha Umwagiliaji katika Kijiji cha Mongoroma, Kata ya Serya wenye eneo la ekari 3000 utaanza utekelezaji wake, Mhe Mgumba alisema kuwa katika bajeti ya mwaka 2010/2011 Serikali kupitia Idara ya Umwagiliaji ilituma Shilingi milioni 300 kwa ajili kuendeleza miradi ya umwagiliaji ya Kisese, Kidoka na Mongoroma Serya katika Halmashauri ya Wilaya ya Kondoa wakati huo.

Alisema Kati ya fedha hizo Shilingi 143,265,000 zilitumika kwa ajili ya kufanya upembuzi yakinifu na usanifu katika mradi wa Mongoroma Serya uliopo katika Kata ya Serya. Kazi zilizofanyika ni pamoja na upimaji wa sura ya ardhi (Topographical Survey), usanifu wa kina (detail design), matayarisho ya gharama za ujenzi, tathmini ya rasilimali maji (Hydrological survey), tathmini ya awali ya mazingira, utafiti wa udongo (Soil analysis) na masuala ya jamii.

Aliongeza kuwa Upembuzi yakinifu na usanifu wa kina wa bwawa la Mongoroma Serya ulibaini kuwa bwawa hilo lingegharimu Shilingi bilioni 4 kwa wakati huo. Aidha, bwawa hilo lingekuwa na uwezo wa kumwagilia zaidi ya hekta 3,000 na kunufaisha zaidi ya wakulima 12,000 kwa ajiili ya kilimo cha umwagiliaji, matumizi ya binadamu, unyweshaji wa mifugo na wanyama pori pamoja na ufugaji wa samaki katika vijiji vya Mongoroma, Serya na Munguri.

Mgumba alisema Serikali iko katika mchakato wa kufanya tathmini ya kina kwa miradi yote ya umwagiliaji nchini ili kubaini thamani ya fedha, ubora wa miradi na mahitaji halisi ya uboreshwaji, uendelezwaji na kuchagua miradi michache kwa utekelezaji wa ujenzi kwa miradi yenye TIJA, matokeo na manufaa makubwa kwa wakulima na Taifa kwa ujumla. Aidha, baada ya tathmini hiyo na kutegemea upatikanaji wa fedha serikali itahakikisha bwawa hilo na skimu zingine zitajengwa.

Mstahiki Meya wa Jiji la Tanga Mustapha Selebosi akisisitiza jambo wakati wa kikao cha baraza la Madiwani cha kuwasilisha taarifa ya utendaji wa kata kulia niKaimu Mkurugenzi Ramadhani Possi

Kaimu Mkurugenzi Ramadhani Possi akizungumza wakati wa kikao hicho

Diwani wa Kata ya Maweni Jijini Tanga Calvas akizungumza katika kikao hicho kushoto ni Diwani wa Kata ya Pongwe Mbaraka Sadi

DIWANI wa Kata ya Mswambweni (CUF) Abdulrahamani akizungumza katika kikao hicho kushoto ni Diwani wa Kata ya Chumbageni (CCM) Saida Gadafi

Baadhi ya madiwani wakipitia makabrasha wakati wa kikao hicho

HALMASHAURI ya Jiji la Tanga imeeleza namna vitambulisho vya wajasiriamali vilivyotolewa na Rais John Magufuli vilivyowasababishia kukosa mapato huku vyanzo vyake vya mapato 15 kufutika na hivyo kushindwa kutekeleza miradi ya maendeleo.

Kauli hiyo aliitoa Mstahiki Meya wa Jiji la Tanga Mustapha Selebosi wakati wa kikao cha baraza la Madiwani cha kuwasilisha taarifa ya utendaji wa kata kilichofanyika Jijini hapa na kusema hali ya Halmashauri imekuwa mbaya kutokana na vitambulisho hivyo kugawiwa kwa wafanyabiashara wasi walengwa.

Alisema kuwa Jiji hilo lilikuwa na jumla ya vyanzo vya mapato 38 ambavyo vilikuwa vinatarajiwa kuliingiza Halimashauri hiyo bajeti ya Bil 15 lakini ugawaji wa vitambulisho kwa wafanyabiashara wasio stahiki imesababisha kasoro hiyo.

Alidai chanzo cha kupelekea hali hiyo kimesababishwa na Watendaji wa kata na Mitaa kwa kushindwa kusimamia kwa ukaribu ugawaji wa vitambulishi hivyo kwa watu wanaostahili na badala yake wamewagawiwa hata wafanyabiashara wasihusika.

“Watendaji mmetuangusha mmegawa vitambulisho hata kwa wafanyabiashara wasiostahili na mmefanya hivyo ili kuvimaliza lakini ni athari kwetu hasa Halmashauri hatuna fedha na miradi mingi itakwama”Alisema Seleboss.

Aidha alisema watendaji wamechangia kukwamisha ukusanyaji wa mapato ambapo yamefikia asilimia 65% huku ikiwa bado mwezi mmoja kumalizika kwa mwaka wa serikali uishe ilihali angalau ukusanyaji huo ulitakiwa ufikie 80%.

Alisema kuwa ukosefu huo wa mapato umesababisha Halimashauri hiyo kushindwa kutekeleza shughuli za kijamii kama usafi wa masoko pamoja na marekebisho ya taa za barabarani.

“Watendaji wameshindwa kutafsiri nia ya Rais kwani vitambulisho vimetolewa hadi kwa wavuvi pamoja na wafanyabiashara wakubwa wenye maduka sasa wote wamegeuka na kuwa wajasiriamali”alisema Mustafa.

Hata hivyo akiongelea upande wa leseni za biashara Meya Mustafa alisema kuwa wamepoteza mapato ya kiasi cha sh Mil 700 zilizokuwa zikusanywe kutokana na maombi ya leseni hizo lakini sasa wafanyabiashara wengi wamerudisha leseni hizo na kukata vitambulisho vya wajasiriamali.

Kwa upande wake Kaimu Mkurugenzi Ramadhani Possi alisema kuwa ufinyu wa bajeti umesababisha miradi mingi ambayo walikuwa wamepanga kuitekeleza kushindwa kutekelezwa kwa wakati .

“Kwa sasa tunajipanga kuboresha miundombinu ya shule zetu kwa kujenga madarasa mapya ukarabati ya vyoo pamoja na madawati ambapo tunafanya kila pale tunapopata fedha japo kidogo”alisema Possi.

Kaimu Mkuu wa wilaya ya Tanga Selemani Zumo aliwataka watendaji wa Jiji kuhakikisha wanafanyakazi kwa uwadilifu na kujituma pamoja na kujua mipaka ya kazi zao.

Alisema kuwa haiwezekani watendaji hao wakawa ni sehemu ya migogoro baina yao na viongozi wa kisiasa ambao wao wapo kwa ajili ya kuhakikisha wanasimami maslahi ya wananchi ambao ni wapiga kura wao.

Awali akichangia mada katika baraza hilo Diwani wa kata ya Mabawa Mwasabu Ngare alisema baadhi ya taa za barabarani haziwaki na hali hiyo inaweza kuchangia kwa kiasi kikubwa ongezeko la vibaka na wananchi kupoteza mali zao.

Mwisho.

Latest Images