WAZIRI MKUU AHIMIZA KILIMO CHA KAHAWA

January 5, 2018, 5:12 am

≫ Next: BALOZI MTEULE WA UFARANSA AWASILISHA NAKALA ZA HATI ZA UTAMBULISHO

≪ Previous: DAWASCO WAANZA UKARABATI WA BOMBA VINGUNGUTI

*Asisitiza kahawa iuzwe kwa mfumo wa ushirika

WAZIRI MKUU Kassim Majaliwa amewataka wananchi wa wilaya ya Songea mkoani Ruvuma wajikite kwenye zao la kahawa ili wawe na zao mbadala la biashara.

Ametoa wito huo leo (Ijumaa, Januari 5, 2017) wakati akizungumza na wakazi wa kijiji cha Lipokela na vijiji jirani, wilayani Songea mara baada ya kukagua shamba la kahawa la Aviv Tanzania lenye ukubwa wa hekta 1,990.

“Limeni kahawa ili mpate fedha sababu zao hili ni la biashara. Kahawa ni miongoni mwa mazao matano ya biashara ambayo Serikali ya awamu ya tano imeamua kuyawekea mkazo ili yaweze kuongeza tija kwa wakulima na kuinua uchumi wa Taifa”.

“Tumeamua kuweka mkazo kwenye mazao matano ya pamba, kahawa, chai, korosho na tumbaku kwa sababu yanaleta tija na kuliingizia Taifa fedha za kigeni,” alisema na kuongeza:

“Tumefanya tathmini na tumegundua udhaifu mkubwa mkubwa katika usimamizi wa mazao haya ndani ya Serikali kuanzia ngazi ya Halmashauri.”

Waziri Mkuu, Kassim Majaliwa akifafanuliwa jambo na Mkurugenzi Mtendaji wa Kampuni ya Molam Tanzania Limited, Medappa Mg, wakati alipotembelea Shamba la Kahawa la AVIV lililopo kwenye kijiji cha Lipokela Wilaya ya Songea, Mkoani Ruvuma, Waziri Mkuu yupo Mkoani Ruvuma kwa ziara ya kikazi ya siku tano. Januari 5, 2018. (Picha na Ofisi ya Waziri Mkuu)

Waziri Mkuu, Kassim Majaliwa akipewa ufafanuzi wa miche ya Kahawa, na mkulima wa zao hilo wakati akikagua kitalu cha miche ya kahawa katika Shamba la Kahawa la AVIV lililopo kwenye kijiji cha Lipokela Wilaya ya Songea, Mkoani Ruvuma, Waziri Mkuu yupo Mkoani Ruvuma kwa ziara ya kikazi ya siku tano. Januari 5, 2018. (Picha na Ofisi ya Waziri Mkuu)

Waziri Mkuu, Kassim Majaliwa akimkabidhi miche ya Kahawa, Mkulima wa zao hilo, Remigius Njovu,i nayotolewa bure na Kampuni ya Molam Tanzania Limited, kwa wakulima wa zao la Kahawa, baada ya kukagua kitalu cha miche ya kahawa katika Shamba la Kahawa la AVIV lililopo kwenye kijiji cha Lipokela Wilaya ya Songea, Mkoani Ruvuma, Waziri Mkuu yupo Mkoani Ruvuma kwa ziara ya kikazi ya siku tano. Januari 5, 2018.

Waziri Mkuu, Kassim Majaliwa akimkabidhi miche ya Kahawa, Mkulima wa zao hilo, Remigius Njovu,inayotolewa bure na Kampuni ya Molam Tanzania Limited, kwa wakulima wa zao la Kahawa, baada ya kukagua kitalu cha miche ya kahawa katika Shamba la Kahawa la AVIV lililopo kwenye kijiji cha Lipokela Wilaya ya Songea, Mkoani Ruvuma, Waziri Mkuu yupo Mkoani Ruvuma kwa ziara ya kikazi ya siku tano. Januari 5, 2018.

KUSOMA ZAIDI BOFYA HAPA

↧

BALOZI MTEULE WA UFARANSA AWASILISHA NAKALA ZA HATI ZA UTAMBULISHO

January 5, 2018, 5:22 am

≫ Next: MKURUGENZI WA NURU FUNERAL SERVICES PAUL BEDA MOSHI AFARIKI DUNIA

≪ Previous: WAZIRI MKUU AHIMIZA KILIMO CHA KAHAWA

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga akipokea Nakala za Hati za Utambulisho za Balozi Mteule wa Ufaransa hapa nchini, Mhe. Frédéric Clavier.

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga akiwa katika mazungumzo na Balozi Mteule wa Ufaransa hapa nchini, Mhe. Frédéric Clavier baada ya Mhe. Balozi kuwasilisha Nakala za Hati za Utambulisho. Wawili hao pamoja na mambo mengine walizungumzia masuala ya uwekezaji ambapo Ufaransa inahitaji kuongeza uwekezaji wa makampuni yake hapa nchini ili kuunga juhudi za Rais wa Jamhuri ya Muungano wa Tanzania wa kuifanya Tanzania kuwa nchi ya viwanda.

Ujumbe wa Wizara ulioshiriki mazungumzo hayo. Kutoka kulia ni Msemaji wa Wizara ya Mambo ya Nje na Mkuu wa Kitengo cha Mawasiliano, Bi. Mindi Kasiga; Kaimu Mkuu wa Itifaki, Bw. Jacob Msekwa na Kaimu Mkurugenzi wa Idara ya Ulaya na Amerika, Bw. Salvator Mbilinyi.

Waziri wa Mambo ya Nje na Balozi Mteule wa Ufaransa wakiendelea na mazungumzo yao.

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga (kulia) akiteta jambo na Balozi Mteule wa Ufaransa nchini Tanzania, Mhe. Frédéric Clavier mara baada ya wawili hao kubadilishana mawazo kuhusu namna ya kuimarisha uhusiano baina ya nchi zao.

Waziri wa Mambo ya Nje na Ushirikiano wa Afrika Mashariki, Balozi Dkt. Augustine Mahiga wa pili kutoka kulia akiwa katika picha ya pamoja na Balozi Mteule wa Ufaransa nchini Tanzania, Mhe. Frédéric Clavier wa pili kutoka kushoto. Wengine katika picha ni Kaimu Mkurugenzi wa Idara ya Ulaya na Amerika, Bw. Salvator Mbilinyi (kulia) na Naibu Balozi wa Ufaransa, Bw. Alexandre Peaudeau.

↧

MKURUGENZI WA NURU FUNERAL SERVICES PAUL BEDA MOSHI AFARIKI DUNIA

January 5, 2018, 5:26 am

≫ Next: RC WANGABO AZIAGIZA KAMATI ZA ULINZI NA USALAMA KUSIMAMIA USAMBAZAJI WA PEMBEJEO.

≪ Previous: BALOZI MTEULE WA UFARANSA AWASILISHA NAKALA ZA HATI ZA UTAMBULISHO

TANZIA

Familia ya Bwana Paul Beda Moshi inasikitika kutangaza kifo cha baba yao mpendwa Paul Beda Moshi Mkurugenzi wa Nuru Funeral Services, kilichotokea siku ya Jumatano tarehe 3/1/2018.

Ibada ya kuuga mwili wa marehemu itafanyika siku ya Jumapili tarehe 7/1/2018 nyumbani kwake Kawe Mlalakuwa karibu na viwanja vya Lugalo Golf Club jijini Dar es Salaam, mazishi yatafanyija siku ya jumatatu ya tarehe 8/1/2018 nyumbani kwake Rombo Tarakea Mbomai.

Bwana ametoa Bwana ametwaa jina la Bwana libarikiwe.

Kwa mawasiliano zaidi na jinsi ya kufika piga +255714270410 na +255713775238

↧

RC WANGABO AZIAGIZA KAMATI ZA ULINZI NA USALAMA KUSIMAMIA USAMBAZAJI WA PEMBEJEO.

January 5, 2018, 5:38 am

≫ Next: KOZI YA MULTI MEDIA ITASAIDIA KUONGEZA UFANISI KWA WAANDAAJI FILAMU NCHINI-WAZIRI MWAKYEMBE

≪ Previous: MKURUGENZI WA NURU FUNERAL SERVICES PAUL BEDA MOSHI AFARIKI DUNIA

Mkuu wa Mkoa wa Rukwa Mh. Joachim Wangabo amezitaka kamati za ulinzi na usalama ngazi ya Mkoa kushirikiana na za Wilaya kusimamia usambazaji wa mbolea ili kufikia malengo ya kuzalisha chakula kwa wingi katika mkoa baada ya kutokea upungufu wa mbolea za kupandia (DAP) na za kukuzia (UREA) katika Mkoa.

Ameagiza hayo katika kikao cha kutafuta suluhisho la upatikanaji wa mbolea Mkoani Rukwa baada ya taarifa za upatikanaji wa mbolea hizo kutoridhisha hasa katika kipindi hiki cha msimu wa kilimo ambapo asilimia 80 ya wananchi wa Mkoa wa Rukwa wanategemea kilimo kujipatia kipato cha kujiendesha Kimaisha.

Amesema kuwa Serikali kupitia Wizara ya kilimo ilichukua hatua za makusudi kubadili mfumo wa ruzuku uliokuwa ukiwafaidisha wakulima wachache kupitia vocha za pembejeo na hatimae kupitia mamlaka ya Udhibiti wa Mbolea Tanzania (TFRA) iliweka mfumo wa uuzaji na usambazaji wa mbolea kwa uagizaji wa pamoja na kutoa bei elekezi kwa kila Halmashauri.

Ameongeza kuwa hali ya upatikanaji wa mbolea Mkoani Rukwa si ya kurudhisha na kubainisha kuwa hadi kufikia tarehe 3/1/2018 Mkoa umepokea mbolea ya kupandia (DAP) tani 3,746.6 kati ya tani 47,869 upungufu ni tani 44,122.9 na mbolea ya kukuzia (UREA) tani 2,599.6 kati ya mahitaji ya tani 49,669 na kuwa na upungufu wa tani 47,069.4.

“Ndugu zangu hivi sasa tuko vitani, na adui yetu ni upatikanaji wa pembejeo, kwahiyo hapa Mkoa mzima tuungane tuwe kitu kimoja, tulidhibiti hili jambo, haya ni maagizo mbolea yoyote inayokuja hapa katika ngazi ya Mkoa, kamati ya ulinzi na usalama lazima isimamie, sio suala la Sekretariet hya Mkoa peke yake, lazima tujue kama mbolea hiyo imefika ama la,” RC Wangabo alisisitiza.

Aidha amewataka mawakala wa mbolea Mkoani humo kuhakikisha wanaagiza mbolea ya kutosha kutoka nje ya mkoa ili wasambazaji wadogowadogo waweze kuisambaza mbolea hiyo katika vijiji vya halmashauri zote nne za Mkoa wa Rukwa.

Akiwawakilisha mawakala wa usambazaji wa mbolea mkoani humo Mmiliki wa Kampuni ya usambazaji Ikuwo General Enterprises Sadrick Malila amesema kuwa upungufu mkubwa uliopo ni upatikanaji wa mbolea ya kukuzia (UREA) na sio mbolea ya kupandia (DAP) ambayo mpaka sasa ana tani 200 katika ghala lake peke yake, na kuiomba serikali kuongeza shilingi 1000 katika bei elekezi ili kufidia usafirishaji wa mbolea hizo.

Mmoja wa Wakulima waliohudhuria katika kikao hicho Godfrey John ameiomba serikali kwa kushirikiana na mawakala hao kuongeza kasi ya upatikanaji wa mbolea hiyo ili kunusuru maisha ya wanarukwa wanaotegemea kilimo kujikimu kimaisha.

Kwa msimu wa 2016/2017 Mkoa wa Rukwa ulilima Hekta zipatazo 556,975.9 na kuvuna tani 1,109,055.6 za mazao ya chakula kati ya hizo mahindi yalikuwa tani 710,602. Kwa msimu huu wa Kilimo wa 2017/18 Mkoa umelenga kulima jumla ya eneo la Hekta 554,310.6 na kuvuna tani 1,669,746.2 za mazao ya chakula.

Mkuu wa Mkoa wa Rukwa Mh. Joachim Wangabo akizungumza na wadau wa kilimo Mkoa wa Rukwa (hawapo kwenye picha) katika Kikao kilichowajumuisha Wataalamu wa kilimo ofisi ya Mkuu wa Mkoa, Wakuu wa Wilaya, Kamati za ulinzi na usalama ya Mkoa na Wilaya, Wenyeviti wa Halmashauri, Wakurugenzi wa halmashauri na wataalamu wao, Mawakala wa usambazaji wa mbolea wakubwa na wadogo pamoja na wakulima.

↧

KOZI YA MULTI MEDIA ITASAIDIA KUONGEZA UFANISI KWA WAANDAAJI FILAMU NCHINI-WAZIRI MWAKYEMBE

January 5, 2018, 5:58 am

≫ Next: Msemaji wa Jeshi la Polisi afanya ziara BBC

≪ Previous: RC WANGABO AZIAGIZA KAMATI ZA ULINZI NA USALAMA KUSIMAMIA USAMBAZAJI WA PEMBEJEO.

Wizara ya Habari Utamaduni Sanaa na Michezo imeahidi kuwasaidia wanafunzi wanasoma kozi ya Multi Media kupata nafasi za mafunzo kwa vitendo katika sehemu mbalimbali pale inapowawia vigumu kupata nafasi hizo.

Kauli hiyo imetolewa jana na Mheshimiwa Waziri wa Habari Utamaduni Sanaa na Michezo Dkt.Harrison Mwakyembe alipotembelea Chuo cha Teknolojia Dar es Salaam (DIT) kwa lengo la kufahamu kozi ya Multi Media inayotolewa na chuo hicho namna gani inaweza kusaidia uandaaji wa filamu nchini.

‘’Kozi hii ya Multi Media ni moja ya masomo yanaweza kuisaidia sekta ya filamu kupata taswira mpya tofauti na ilivyosasa kwani wataalamu hawa wakitumiwa vizuri katika kuandaa filamu za hapa nchini wanaweza kuleta mabadiliko kwani kwa sasa sekta hiyo ina changamoto kubwa ya kukosa waandaji wenye weledi’’Dkt.Mwakyembe.

Akiendelea kuzungumza katika ziara hiyo Dkt.Mwakyembe aliwapongeza wanafunzi wa chuo hicho kwa kuonyesha weledi pale walipokuwa wakijibu maswali waliyoulizwa kuhusiana na namna wanaweza kuboresha uandaaji wa filamu ambapo wanafunzi watatu tofauti walijibu kwa ufasaha.

Waziri wa Habari Utamaduni Sanaa na Michezo, Dkt.Harrison Mwakyembe (katikati) akipongeza uongozi wa chuo cha Teknolojia Dar es Salaam kwa kuaandaa vijana wenye weledi katika uandaaji wa filamu alipotembelea chuo hicho jana jijini Dar es Salaam kwa lengo la kukutana na wanafunzi wanaosoma kozi ya Multi Media,kutoka kulia ni Mkuu wa Chuo cha DIT Prof.Preksedis Ndomba na Katibu Mtendaji wa Bodi ya Filamu nchini Bibi. Joyce Fissoo (kushoto).

Mkuu wa Chuo cha DIT, Prof.Preksedis Ndomba (kulia) akitoa taarifa ya maendeleo ya kozi ya Multi Media inayotolewa na chuo hicho inavyoweza kusaidia sekta ya filamu kwa Waziri wa Habari Utamaduni Sanaa na Michezo Dkt.Harrison Mwakyembe (katikati) alipotembelea chuo hicho jana jinini Dar es Salaam kujionea namna kozi ya Multi Media inaweza kusaidia sekta ya filamu katika uandaaji.

Katibu Mtendaji wa Bodi ya Filamu nchini, Bibi Joyce Fissoo akiuliza swali kwa baadhi ya wanafunzi wanasoma kozi ya Multi Media katika Chuo cha Teknolojia Dar es Salaam (hawapo pichani) namna gani wanaweza kuboresha uandaaji wa filamu, katika ziara ya Waziri wa Habari Utamaduni Sanaa na Michezo Dkt.Harrison Mwakyembe (katikati) chuoni hapo jana jijini Dar es Salaam (watatu kushoto) ni Mkuu wa Chuo cha DIT Prof.Preksedis Ndomba.

Waziri wa Habari Utamaduni Sanaa na Michezo, Dkt.Harrison Mwakyembe(wa tatu kushoto) akiwa katika picha ya pamoja na baadhi ya Watendaji wa Chuo cha Teknolojia Dar es Salaam (DIT) jana jijini Dar es Salaam mara baada ya kumaliza ziara yake ya kutembelea chuo hicho kwa ajili ya kufahamu kozi ya Multi Media inavyoweza kusaidia sekta ya Filamu nchini, na wapili kulia ni Mkuu wa Chuo cha DIT Prof.Preksedis Ndomba pamoja na Katibu Mtendaji Bodi ya Filamu nchini Bibi Joyce Fissoo (wapili kushoto). Na Anitha Jonas –WHUSM

KUSOMA ZAIDI BOFYA HAPA

↧

Msemaji wa Jeshi la Polisi afanya ziara BBC

January 5, 2018, 6:16 am

≫ Next: ZIARA YA MWENYEKITI WA CCM WILAYA YA UBUNGO LUCAS MGONJA

≪ Previous: KOZI YA MULTI MEDIA ITASAIDIA KUONGEZA UFANISI KWA WAANDAAJI FILAMU NCHINI-WAZIRI MWAKYEMBE

Msemaji wa Jeshi la Polisi nchini, Kamishna msaidizi wa Polisi (ACP) Barnabasi Mwakalukwa akiagana na meneja wa ushirikiano wa BBC Media Action, Agnes Kayuni mara baada ya kumaliza mazungumzo na watendaji wa BBC Media Action leo alipo watembelea ofisini kwao kwa lengo la kuimarisha ushirikiano. (Picha na Jeshi la Polisi)

Studio Meneja wa shirika la utangazaji la BBC, Peter Mfalila akimuonesha Msemaji wa Jeshi la Polisi nchini, Kamishna msaidizi wa Polisi (ACP) Barnabasi Mwakalukwa namna studio ya BBC Dar es salaam inavyofanya kazi. (Picha na Jeshi la Polisi

↧

ZIARA YA MWENYEKITI WA CCM WILAYA YA UBUNGO LUCAS MGONJA

January 5, 2018, 6:00 am

≫ Next: WAZIRI WA MALIASILI NA UTALII, DK. HAMISI KIGWANGALLA ATOA MAAGIZO MAZITO KWA TFS

≪ Previous: Msemaji wa Jeshi la Polisi afanya ziara BBC

Mwenyekiti wa CCM Wilaya ya UbungoLucas Mgonja akizungumza na viongozi wa Wilaya hiyo katika Mkutano wa ndani uliofanyika jana katika Kata ya Msigani wilayani humo, ikiwa ni sehemmu ya ziara yake ya kuimarisha uhai wa Chama. Kushoto ni Katibu wa CCM wa Wilaya hiyo Salum Kally

Mwenyekiti wa CCM Wilaya ya Ubungo Lucas Mgonja akishauriana jambo na Katibu wa CCM wa Wilaya hiyo Salum Kally wakati wa kikao hicho

Katibu wa UVCCM Kata ya Msigani Reinhard Chicano akisalimia baada ya kutambulishwa

Mwenyekiti wa CCM Kata ya Msigani Godlove Mondo akifungua kikao hicho

Katibu Mwenezi wa CCM Wilaya ya Ubungo Mbarouk Masoud akifanya utambulisho wa viongozi waliofuatana na Mwenyekiti Mgonja kwenye kikao hicho

Wajumbe kwenye kikao hicho wakishangilia jambo kuliunga mkono.

HABARI ZAIDI BOFYA HAPA

↧

WAZIRI WA MALIASILI NA UTALII, DK. HAMISI KIGWANGALLA ATOA MAAGIZO MAZITO KWA TFS

January 5, 2018, 7:00 am

≫ Next: DKT MWANJELWA AMUAGIZA MRAJIS KUFANYA UCHUNGUZI SACCOS YA MADIBIRA-MBARALI NDANI YA SIKU 14

≪ Previous: ZIARA YA MWENYEKITI WA CCM WILAYA YA UBUNGO LUCAS MGONJA

Waziri wa Maliasili na Utalii, Dk. Hamisi Kigwangalla ameugiza uongozi wa Wakala wa Huduma za Misitu Tanzania (TFS) kukabidhi eneo la Kilomita za mraba 25,000 kutoka kwenye Hifadhi ya Msitu wa Morogoro unaosimamiwa na wakala huyo kwa ajili ya ujenzi wa ofisi za Makao Makuu ya Mamlaka ya Usimamizi wa Wanyamapori Tanzania (TAWA).

Ametoa agizo hilo jana akiwa kwenye ziara ya siku mbili mkoani Morogoro ambapo alimuagiza Katibu Mkuu wa Wizara hiyo, Mej. Jen. Gaudence Milanzi kuzikutanisha taasisi hizo ndani ya siku saba zijazo ili kukamilisha mchakato wa kumega eneo hilo na kukabidhiwa kwa Mamlaka hiyo ili taratibu za ujenzi ziweze kuanza.

Aidha, ameuagiza uongozi huo wa TFS kuweka vigingi vya mpaka katika eneo la hifadhi hiyo ya msitu ndani ya siku 30 zijazo huku akitoa muda huo huo kwa wananchi wote waliovamia eneo hilo kuondoka mara moja kwa hiari yao wenyewe kabla ya kuondolewa kwa nguvu.

Katika hatua nyingine, Dk. Kigwangalla amemuagiza Mtendaji Mkuu wa Wakala hiyo, Prof. Dos Santos Silayo kukabidhi mbao zaidi ya 400 zilizokamatwa hivi karibuni mkoani Morogoro baada kuvunwa kinyume cha Sheria kwa uongozi wa Mkoa huo ili zisaidie kutengeneza madawati ya shule za msingi.

Pamoja na mbao hizo amemuagiza pia mtendaji huyo kukabidhi kwa uongozi wa mkoa huo magunia 350 ya mkaa yaliyokamatwa katika kituo cha Tazara yakiwa yanasafirishwa kinyume cha Sheria ili yasambazwe kwenye shule za Sekondari mkoani humo.

Dk. Kigwangalla alitoa maagizo hayo jana wakati akizungumza na Kamati ya Ulinzi na Usalama ya Mkoa wa Morogoro inayoongozwa na Mkuu wa Mkoa huo, Dk. Steven Kebwe, ambapo alimuomba kusimamia zoezi hilo la ugawaji kikamilifu ili walengwa waweze kufikiwa.

Katika ziara hiyo ametembelea pia bonde la Kilombero ambalo ni chanzo kikubwa cha maji yanayotengeneza Stieglers Gorge ambapo Serikali ya awamu ya tano itajenga mradi mkubwa wa kuzalisha umeme wa megawatts 2100.

Waziri wa Maliasili na Utalii, Dk. Hamisi Kigwangalla (wa pilia kulia) akisalimiana na viongozi na watumishi wa Mamlaka ya Usimamizi wa Wanyamapori Tanzania TAWA, muda mfupi baada ya kuwasili makao makuu ya mamlaka hiyo mkoani Morogoro jana.

Dk. Kigwangalla akizungumza na watumishi wa TAWA wakati wa ziara hiyo.

↧

DKT MWANJELWA AMUAGIZA MRAJIS KUFANYA UCHUNGUZI SACCOS YA MADIBIRA-MBARALI NDANI YA SIKU 14

January 5, 2018, 7:20 am

≫ Next: MAKONDA AENDELEZA FARAJA KWA WAANDISHI WA HABARI.

≪ Previous: WAZIRI WA MALIASILI NA UTALII, DK. HAMISI KIGWANGALLA ATOA MAAGIZO MAZITO KWA TFS

Na Mathias Canal, Mbeya

Naibu Waziri wa Wizara ya Kilimo, Mhe Mary Mwanjelwa amemuagiza Mrajis Mkuu wa Maendeleo ya Ushirika nchini kuanza uchunguzi mara moja kwenye SACCOS ya Wakulima wa mpunga Madibila iliyoko Wilayani Mbarali, Mkoani Mbeya ili hatua za kisheria zichukuliwe dhidi ya Watendaji waliohusika na upotevu wa fedha pamoja na matumizi mabaya ya madaraka.

Mhe Mwanjelwa alitoa agizo hilo Jana Disemba 4, 2018 wakati akipokea taarifa ya kilimo ya Wilaya ya Mbarali akiwa katika ziara yake ya kikazi Wilayani humo.

Mkuu wa Wilaya ya Mbarali Mhe Reuben Mfune alimueleza Mhe Mwanjelwa kuwa katika SACCOS ya Madibila kumekuwa na hasara kubwa kutokana na matumizi mabaya ya madaraka kwa baadhi ya viongozi wa vyama vya ushirika.Hivyo alimuomba Naibu Waziri kuwachukulia hatua za kinidhamu haraka viongozi wote waliosababisha hasara kwenye vyama hivyo vya ushirika baada ya uchunguzi kufanyika katika kipindi cha siku 14.

Aliongeza kuwa taarifa ya ukaguzi iliwasilishwa kwa Mrajis wa vyama vya ushirika kwa barua Kumb Na. MDC/C.20/10/89 tarehe 23/01/2017 lakini mpaka sasa hazijachukuliwa hatua zozote za kinidhamu jambo ambalo linafifihisha shughuli za wananchi kujipatia maendeleo endelevu.

Naibu Waziri wa Wizara ya Kilimo, Mhe Mary Mwanjelwa akisisitiza jambo wakati akizungumza na Viongozi mbalimbali wa Mkoa na kamati ya ulinzi ya Wilaya ya Mbarali wakati wa ziara yake ya kikazi kukagua shughuli za maendeleo, Jana Januari 4, 2018. Picha Zote Na Mathias Canal

Naibu Waziri wa Wizara ya Kilimo, Mhe Mary Mwanjelwa akisalimiana na Mkuu wa Wilaya ya Mbarali Mhe Reuben Mfune mara baada ya kuwasili wilayani humo kwa ziara ya kikazi ya siku moja, Jana Januari 4, 2018.

Naibu Waziri wa Wizara ya Kilimo, Mhe Mary Mwanjelwa akisalimiana na Viongozi mbalimbali wa Chama Cha Mapinduzi Wilaya ya Mbarali mara baada ya kuwasili wilayani humo kwa ziara ya kikazi ya siku moja, Jana Januari 4, 2018.

KUSOMA ZAIDI BOFYA HAPA

↧

MAKONDA AENDELEZA FARAJA KWA WAANDISHI WA HABARI.

January 5, 2018, 7:37 am

≫ Next: KASI YA MADIWANI JIMBONI KWA MCHUNGAJI MSIGWA KUJIUZULU INATISHA , YUPO KATIBU WA CHADEMA MKOA

≪ Previous: DKT MWANJELWA AMUAGIZA MRAJIS KUFANYA UCHUNGUZI SACCOS YA MADIBIRA-MBARALI NDANI YA SIKU 14

Mkuu wa Mkoa wa Dar es Salaam Mhe Paul Makonda , Leo amehaidi Kuijengea Nyumba ya Vyumba Vinnie (4) Familia ya Mwandishi (mpiga picha) wa Magazeti ya Serikali TSN wanaochapisha Magazeti ya Habari Leo na Daily News Marehemu Athumani Hamis ambae amezikwa Leo katika makaburi ya Kisutu Jijini Dar es Salaam.

Ahadi hiyo Imetolewa na Mkurugenzi Mtendaji wa TSN Dkt. Yonaz kwa niaba ya Mkuu wa Mkoa wa Dar es Salaam Mhe Paul Makonda ambae aliombwa kuisadia familia ya Marehemu ambayo ina watoto Wanne wanaosoma uku wakiwa wanaishia kwenye Nyumba ya kupanga kutokana na Baba yao kuugua kwa zaidi ya Miaka 10 na hivyo kushindwa kufanya kazi.

Dkt. Yonaz amesema Mhe Makonda kwa kutambua mchango wa tasnia ya Habari hususani waandishi wa Habari amekubali kujenga Nyumba hiyo kama kielelezo cha Kumuenzi Marehemu Athumani ambae katika Uhai wake alikuwa Mpiga Picha Mahiri wa Magazeti ya Serikali nchini.

Hatua hii imepokelewa kwa Furaha na baadhi ya waandishi wa Habari ambao wamesema Kitendo cha Makonda kukubali Kuijengea Nyumba Familia ya Marehemu Athumani mbali na kuwafuta Machozi ya Huzuni, Bali kimekuwa ni fundisho Tosha kwa Baadhi ya waandishi ambao walikuwa Wakimchukia Mhe Paul Makonda pasipo sababu za Msingi, na kukifananisha Kitendo hiki na Ukamilifu wa Maandiko katika vitababu vitakatifu yanayotutaka TUWAPENDE ADUI ZETU.

Mkuu wa mkoa wa Dar es salaam Mh. Paul Makonda (katikati) akizungumza na Mhariri Mtendaji wa Magazeti ya Serikali TSN Dkt. Jimmy Yonaz kulia na Kaka wa Marehemu Athuman Hamis Dkt. Ibrahim Msengi nyumbani kwake Sinza Kijiweni jijini Dar es salaam.

↧

KASI YA MADIWANI JIMBONI KWA MCHUNGAJI MSIGWA KUJIUZULU INATISHA , YUPO KATIBU WA CHADEMA MKOA

January 5, 2018, 9:23 am

≫ Next: WIZARA YAAHIDI KUSHIRIKIANA NA FAMILIA YA NGUZA VIKING (BABU SEYA) KURUDI KWENYE ANGA YA MUZIKI WAO

≪ Previous: MAKONDA AENDELEZA FARAJA KWA WAANDISHI WA HABARI.

Diwani wa kata ya Mwangata Anjelus Mbogo kushoto akizungumza na wanahabari leo baada ya kujiuzulu kwake wengine ni katibu kata ya Mwangata Tumaini Gwivaha na aliyekuwa katibu wa mkoa wa Iringa Chadema Oscar Ndale ambao wote wamejiuzulu leo

Katibu wa Chadema mkoa wa Iringa Oscar Ndale katikati akiwa na diwani wa Mwangata Anjelus Mbogo na katibu kata ya Mwangata Tumaini Gwivaha baada ya kujiuzulu leo

Na MatukiodaimaBlog.

IDADI ya madiwani wa chama cha Demokrasia na maendeleo (chadema) jimbo la Iringa mjini kujiuzulu imezidi kuongezeka na kufikia madiwani saba sasa baada ya watatu kujiuzulu ndani ya wiki hii pamoja na katibu wa chadema mkoa wa Iringa Oscar Ndale .

wakati diwani wa Kwakilosa na Ruaha walijiuzulu kwa pamoja juzi diwani wa Mwangata Anjelus Mbogo alijiuzulu leo pamoja na katibu wa mkoa wa chama hicho na katibu kata wa Chadema Mwangata Tumaini Gwivaha .

wakitangaza azma ya kujiuzulu kwao nafasi hiyo mbele ya waandishi wa habari Mbogo na Ndale walisema kuwa kujiuzulu kwao kumetokana na mahusiano mabaya ya kufifisha maendeleo kwenye kata yake pamoja na mabavu ya viongozi w juu wa Chadema .

kati yake na viongozi wa juu wa Chadema hicho akiwemo mwenyekiti wa kanda ya Nyasa Mchungaji Peter Msigwa ambae ni mbunge wa jimbo la Iringa mjini pamoja na uongozi wa juu wa Chadema ukiongozwa na mwenyekiti wake Taifa Freeman Mbowe.

" Vyama vya siasa vipo vingi kuna CUF , ACT Wazalendo na CCM hivyo nitachagua ni chama gani kitanifaa kufanya siasa zangu ila hata CCM nipo tayari hakuna ubaya "

Alisema kuwa mbunge Msigwa amekuwa akimfanyia diwani mwenzao Joseph Lyata figisu figisu toka akiwa naibu meya wa Manispaa ya Iringa na hofu ya mbunge Msigwa ni baada ya kuhisi kuwa anautafuta ubunge wa jimbo hilo mwaka 2020 .

Diwani Mbogo alisema kwa sasa atabaki mwanasiasa huru na iwapo mbunge Msigwa na mstahiki meya Alex Kimbe wataondoka hata leo chadema basi atarejea Chadema ila kama wataendelea kubaki hatarudi kamwe .

Kwa upande wake aliyekuwa katibu wa Chadema mkoa ,Ndale alisema kuwa kuyumba kwa chadema Iringa mjini kumesababishwa na mbunge kutokuwa na ushirikiano mzuri na wenzake na mara kadhaa wamekuwa wakimuonya ila bado anaendelea na kuwa Mbowe pia amesababisha kujiuzulu kwake nafasi hiyo na kwa sasa atajiunga na CCM .

Ndale alisema aliomba kujiunga na CCM na amekubaliwa na hivyo ataendelea na Siasa kupitia CCM huku akisema uhai wa Chadema Iringa mjini umefika mwisho .

Kwa upande wake Joseph Lyata aliyekuwa diwani kata ya Kwakilosa alisema siasa ndani ya Chadema kwake imemshinda hivyo ameamua kuondoka ndani ya chama hicho na kuwa mwanasiasa huru .

Msimamizi wa uchaguzi jimbo la Iringa mjini Omary Mkangama ambae ni kaimu mkurugenzi wa Halmashauri ya Manispaa ya Iringa amethibitisha kupokea barua za madiwani watatu ndani ya wiki hii kutoka Chadema ambao wamejiuzulu nafasi zao Tandesy Sanga wa kata ya Ruaha , Joseph Lyata kata ya Kwakilosa na Anjelus Mbogo wa kata ya Mwangata .

" Kwa mujibu wa sheria nitamuandikia barua mstahiki meya ili yeye aweze kumwandikia waziri mwenye dhamana ambae ataijulisha tume wa Taifa ya uchaguzi ili taratibu nyingine zifanyike "

Alisema jimbo la Iringa linazo kata 18 kati ya madiwani hao CCM ina madiwani watano pamoja na yule wa Kihesa aliyepita bila kupingwa itakuwa na madiwani sita huku Chadema itabaki na madiwani 9.

↧

WIZARA YAAHIDI KUSHIRIKIANA NA FAMILIA YA NGUZA VIKING (BABU SEYA) KURUDI KWENYE ANGA YA MUZIKI WAO

January 5, 2018, 9:57 am

≫ Next: RC Wangabo aziagiza kamati za ulinzi na Usalama kusimamia usambazaji wa pembejeo.

≪ Previous: KASI YA MADIWANI JIMBONI KWA MCHUNGAJI MSIGWA KUJIUZULU INATISHA , YUPO KATIBU WA CHADEMA MKOA

Naibu Waziri wa Habari Sanaa na Michezo, Juliana Shonza, akizungumza na Waandishi wa Habari mara baada ya kufanya mazungumzo na Mkurugenzi wa Studio ya Wanene na Wasanii Nguza Viking , Papii Nguza (Papii Kocha ) kwa ajili ya kurekodi mziki wa Live katika Studio Wanene.

Msanii wa Muziki wa Dansi Nguza Viking akizungumza na Waandishi wa Habari mara Baada ya kufanya Mazungumzo na Uongozi wa Wanene Studio na Naibu Waziri.

Mwanamuziki wa Muziki wa Dansi Papii Kocha akizungumza na Waandishi wa Habari jijini Dar es Salaam mara baada ya kutembelea Studio za Wanene na kufanya Mazungumzo na mkurugenzi wa Studio na Naibu Waziri wa Habari Sanaa na Michezo Juliana Shonza

Naibu Waziri wa Habari Sanaa na Michezo, Juliana Shonza, akiteta na Mkurugenzi wa Wanene Studio wakati wa mazungumzo ya Kufanikisha wasanii hao kurekodi katiKa Studio hizo

Wasanii wa muziki wa Muziki wa Dansi Papii Kocha na Gunza Viking wakiwa wanatoka katika Studio za Wanene Mikocheni Dar es Salaam

↧

RC Wangabo aziagiza kamati za ulinzi na Usalama kusimamia usambazaji wa pembejeo.

January 5, 2018, 11:00 am

≫ Next: India kuendelea kuwajengea uwezo Watanzania

≪ Previous: WIZARA YAAHIDI KUSHIRIKIANA NA FAMILIA YA NGUZA VIKING (BABU SEYA) KURUDI KWENYE ANGA YA MUZIKI WAO

HABARI ZAIDI BOFYA HAPA

↧

India kuendelea kuwajengea uwezo Watanzania

January 5, 2018, 11:00 am

≫ Next: WAZIRI UMMY AMWAGA VIFAA VYA MICHEZO KWA KLABU YA AFRICAN SPORTS

≪ Previous: RC Wangabo aziagiza kamati za ulinzi na Usalama kusimamia usambazaji wa pembejeo.

Waziri wa Nchi, Ofisi ya Rais Menejimenti ya Utumishi wa Umma na Utawala Bora Kapteni (mstaafu) Mhe. George Mkuchika (Mb) ameiomba Serikali ya India kuendelea kuwajengea uwezo watumishi wa umma nchini.

Mhe. Mkuchika amesema hayo leo katika kikao na Balozi wa India nchini Mhe. Sandeep Arya ambaye ameahidi nchi yake kuendelea kutoa ufadhili katika fani mbalimbali kwa Watanzania.

“Watumishi kujengewa uwezo katika maeneo yanayohusu TEHAMA, Afya na Viwanda yatasaidia sana nchi yetu” Mhe. Mkuchika amesema mpango wa maendeleo wa Taifa wa 2025 unatilia mkazo viwanda ili kuleta mabadiliko ya uchumi na jamii.

Balozi Sandeep Arya kwa upande wake amesema nchi yake imepanga kwa siku za usoni kuendesha warsha na mafunzo kwa njia ya kieletroniki (e-corses) ambapo katika eneo la Afya amesema ili kujenga uwezo zaidi utafanyika utaratibu wa kubadilishana wataalam wa afya kati ya nchi yake na Tanzania.

“Tunapanga pia kuleta watalaam na kutoa mafunzo hapa Tanzania” Balozi Arya amesema na kuongeza kwa mwaka huu 2018 wameongeza mafunzo kuhusu vita dhidi ya madawa ya kulevya ikiwamo matumizi na usafirishaji wake.

Imetolewa na

Florence Lawrence

Mkuu wa Kitengo cha Mawasiliano-UTUMISHI

05.01.2018

Waziri wa Nchi, Ofisi ya Rais-Menejimenti ya Utumishi wa Umma na Utawala Bora Kapteni (mstaafu) Mhe. George Mkuchika (Mb), katikati, akiwa katika kikao na balozi wa India nchini Mhe.Sandeep Arya, wa pili kutoka kushoto.

Waziri wa Nchi, Ofisi ya Rais-Menejimenti ya Utumishi wa Umma na Utawala Bora Kapteni (mstaafu) Mhe. George Mkuchika (Mb), akiwa katika kikao na balozi wa India nchini Mhe.Sandeep Arya, wa pili kutoka kushoto

↧

WAZIRI UMMY AMWAGA VIFAA VYA MICHEZO KWA KLABU YA AFRICAN SPORTS

January 5, 2018, 11:39 am

≫ Next: KIPINDI CHA BBC DIRA YA DUNIA

≪ Previous: India kuendelea kuwajengea uwezo Watanzania

WAZIRI wa Afya, Maendeleo ya Jamii Jinsia,Wazee na Watoto,Ummy Mwalimu ametoa vifaa vya michezo kwa timu ya African Sports ya Tanga yenye thamani ya zaidi ya milioni 1.5 ikiwa ni mkakati kabambe wa kuhakikisha timu hiyo inafanya vizuri kwenye mashindano wanayoshiriki na hatimaye kucheza ligi daraja la kwanza msimu ujao.

Makabidhiano hayo yalifanyika leo kwenye uwanja wa CCM Mkwakwani mjini Tanga wakati wa ufunguzi wa timu ya wanawake ya Chama cha Mapinduzi (CCM) ya wilaya ya Tanga ambapo alisema vifaa hivyo vitakuwa ni chachu ya timu hiyo kuweza kufikia malengo yao.

Aliyasema hayo mara baada ya kukabidhi vifaa hivyo kwa timu hiyo katika halfa iliyoshuhudiwa na viongozi mbalimbali wakiwemo wa klabu ya African Sports ambapo alisema dhamira yake kubwa ni kuhakikisha timu hiyo inarejea ligi daraja la kwanza na ile ya Coastal Union ihakikisha msimu ujao inarudi Ligi kuu.

“Niseme tu sisi tumejipanga kuhakikisha tunazirejesha timu hizi kwenye michuano ya Ligi kuu soka Tanzania bara tukianzia na timu ya Coastal Union lakini ndugu zangu African Sports mhakikishe mnarudi ligi daraja la kqwanza na baadae ligi kuu “Alisema

WAZIRI wa Afya, Maendeleo ya Jamii Jinsia,Wazee na Watoto,Ummy Mwalimu katikati akimkabidhi vifaa vya michezo ambavyo ni viatu Mwenyekiti wa timu ya African Sports Awadhi Salehe Pamba ikiwa ni kuipa motisha timu hiyo kufanya vizuri kwenye michuano wanayoshiriki ili waweze kufanya vizuri na hatimaye kuweza kurejea daraja la kwanza na Ligi kuu kushoto ni Mwenyekiti wa CCM wilaya ya Tanga,Meja Hamisi Mkoba

WAZIRI wa Afya, Maendeleo ya Jamii Jinsia,Wazee na Watoto,Ummy Mwalimu kushoto akifurahia jambo na Mwenyekiti wa Klabu ya African Sports Awadhi Salehe Pamba leo kwenye uwanja wa CCM Mkwakwani mara baada ya kukabidhiwa vifaa hivyo.

HABARI ZAIDI BOFYA HAPA

↧

KIPINDI CHA BBC DIRA YA DUNIA

January 5, 2018, 11:58 am

≫ Next: MAKAMU WA RAIS AFUNGUA SOKO LA KONDE-PEMBA

≪ Previous: WAZIRI UMMY AMWAGA VIFAA VYA MICHEZO KWA KLABU YA AFRICAN SPORTS

↧

MAKAMU WA RAIS AFUNGUA SOKO LA KONDE-PEMBA

January 5, 2018, 12:30 pm

≫ Next: Kimbunga bomb cyclone chaikumba New York na vitongoji vyake

≪ Previous: KIPINDI CHA BBC DIRA YA DUNIA

Makamu wa Rais wa Jamhuri ya Muungano wa Tanzania Mhe. Samia Suluhu Hassan akipongezana na viongozi wengine mara baada ya ufunguzi wa soko la Konde lililopo Wilaya ya Micheweni, Pemba. (Picha na Ofisi ya Makamu wa Rais)

Sehemu ya wananchi waliohudhuria hafla fupi ya ufunguzi wa soko jipya la Konde lililopo Konde, Micheweni,Pemba.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akihutubia wakati wa hafla fupi ya ufunguzi wa soko la Konde lililopo Wilaya ya Micheweni, Pemba.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Waziri wa Kilimo, Maliasili, Mifugo na Uvuvi Zanzibar, Mhe. Hamad Rashid Mohamed wakati alipowasili kwenye uwanja wa ndege wa Karume Pemba tayari kwa ufunguzi wa soko la Konde lililopo Wilaya ya Micheweni, Pemba. (Picha na Ofisi ya Makamu wa Rais).

HABARI ZAIDI BOFYA HAPA

↧