Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Most read Swahili blog on earth

older | 1 | .... | 1849 | 1850 | (Page 1851) | 1852 | 1853 | .... | 3272 | newer

    0 0
  • 08/08/17--01:34: Article 5


  • 0 0
  • 08/08/17--01:35: Article 4


  • 0 0

     Mtendaji Mkuu wa Wakala wa Ufundi na Umeme TEMESA Dk. Mussa Mgwatu (kulia)akimuonyesha mkandarasi wa kampuni inayojenga maegesho ya Lindi Kitunda Mhandisi Evans Martin eneo la maegesho ya kivuko wakati alipokua akikagua maendeleo ya ujenzi wa maegesho hayo mjini Lindi.

     Mtendaji Mkuu wa Wakala wa Ufundi na Umeme TEMESA Dk. Mussa Mgwatu (wa pili kulia) aliyenyoosha mkono, akimuonyeshea Meneja wa TEMESA Mkoa wa Lindi Mhandisi Greyson Maleko (wa kwanza kulia)  eneo patakapojengwa chumba cha  kupumzikia abiria wakati wakisubiria kivuko upande wa Kitunda. Dk. Mgwatu alikua Mkoani humo kukagua ujenzi wa maegesho ya Lindi Kitunda.

     Mtendaji Mkuu wa Wakala wa Ufundi na Umeme TEMESA Dk. Mussa Mgwatu akimsisitizia jambo Mkandarasi wa kampuni inayojenga maegesho ya Lindi Kitunda Mhandisi Evans Martin (wa kwanza kushoto) wakati alipokua akikagua maendeleo ya ujenzi wa maegesho hayo mkoani Lindi, nyuma yake ni Meneja wa Wakala wa Majengo (TBA)   Mkoa wa Lindi  Mhandisi Hillary Msaki.

    Mtendaji Mkuu wa Wakala wa Ufundi na Umeme TEMESA Dk. Mussa Mgwatu kushoto Akimsikiliza Mhandisi Athaniel Kishebuka wakati alipotembelea banda la wakala huo katika maonesho ya wakulima Nanenane yanayoendelea katika viwanja vya Ngongo Mkoani Lindi. Dk. Mgwatu yupo mjini Lindi kukagua maendeleo ya ujenzi wa maegesho ya Lindi Kitunda unaoendelea. PICHA ZOTE NA ALFRED MGWENO (TEMESA)

    0 0

    KUTOKANA na changamoto nyingi za ukosefu wa makazi ya kuaminika kwa watu wengi, mshindi wa Sh Milioni 20, Innocent Nyeriga, amesema anatafakari fedha zake alizokabidhiwa jana mjini Dodoma aziweke kwenye ujenzi wa nyumba.

    Nyeriga mkazi wa Dodoma na mshindi wa Biko droo ya 29 iliyochezeshwa mwishoni mwa wiki jijini Dar es Salaam, alikabidhiwa fedha zake jana Jumatatu katika benki ya NMB, Mjini Dodoma tayari kwa kuanza kuzitumia kwa matumizi yake ya kawaida.

    Akizungumza kwa furaha kubwa, Nyeriga anayejighulisha na kibarua cha kuhudumia mifugo mjini Dodoma, alisema kwamba lengo lake haswa ni kujenga nyumba nzuri ili familia yake iondokane na changamoto ya ukosefu wa makazi bora.

    “Nawashukuru Biko bahati nasibu iliyokomboa maisha yangu, hivyo fedha hizi tangu mwanzo nilizipanga nijengee nyumba saa chache baada ya kupewa taarifa ya ushindi wangu, nikiamini haya yote yameletwa na Mungu kwa kuwatumia Biko,” Alisema Nyeriga.

    Naye Mratibu wa Matukio na Mawasiliano wa Biko, Hassan Melles, alisema mchezo wa Biko ni mzuri na rahisi kucheza pamoja na kushinda kwake, huku akiwataka Watanzania kuchangamkia ili waweze kuvuna mamilioni ya zawadi kwa kuanzia zile papo kwa hapo bila kusahau donge nono la Jumatano na Jumapili la Sh Milioni 20 kama alizonyakua Nyeriga.

    “Mchezo huu wa Biko unachezwa kwa kutumia simu za Tigo Pesa, M-Pesa na Airtel Money ambapo wanachotakiwa ni kufanya miamala kuanzia Sh 1,000 na kuendelea, huku namba ya Kampuni ikiwa ni 505050 na kumbukumbu ni 2456.

    “Mbali na kushinda zawadi kubwa ya Sh Milioni 20 ambayo ni lazima iende kwa mshindi Jumatano na Jumapili, lakini pia zawadi za papo kwa hapo zinatoka kila dakika ambazo ni zile za Sh 5,000, 10,000, 20,000, 50,000, 100,000, 500,000 na Sh Milioni moja inayoenda kwa mshindi mara baada ya kupokea ujumbe wa ushindi kwenye simu anayotumia kuchezea Biko,” Alisema Melles.

    Kwa kukabidhiwa fedha zake mshindi wa Dodoma, mshindi mwingine wa Milioni 20 anatarajiwa kujulikana katika droo ya kesho Jumatano maarufu kama Jumatamu na nyingine itakuwa Jumapili huku ikiitwa Jumadili na waendeshaji hao wa Biko.
    Mshindi wa Droo ya 29 ya Biko, Innocent Nyeriga wa pili kutoka kulia akipokea fedha zake kutoka kwa Mratibu wa Matukio na Mawasiliano wa Biko, Hassan Melles wa pili kutoka kushoto mwenye fulana ya Biko.
    Shughuli ya makabidhiano ya Sh Milioni 20 kwa mshindi wa Dodoma, Innocent Nyeriga ikiendelea katika benki ya NMB jana mjini Dodoma.

    0 0


    NA K-VIS BLOG/Khalfan Said.

    BENKI ya Mawlimu, (Mwalimu Commercial Bank plc), imewakabidhi zawadi washindi watatu wa kampeni ya “weka akiba na ushinde’ ambapo mteja wa benki hiyo kutoka wilayani Newala, Bw.Khamisi Mmuka, alijinyakulia zawadi ya IPAD.

    Katika hafla hiyo ya kukabidhi zawadi iliyofanyika alasiri ya Agosti 7, 2017 kwenye tawi la Samora la benki hiyo, washindi wengine ni Bi.Flora Mbaule na Bi.Macrina Yoram Kyando wote kutoka Temeke jijini Dar es Salaam ambao walijnyakulia vocha za manunuzi.


    Akizungumza kweney hafla ya kukabidhi zawadi hizo, Meneja Masoko wa MCB, Bi. Rahma Ngassa alisema, kampeni hiyo ilianza Mei 18, 2017 ambapo mteja mwenye akaunti kila anapoweka akiba ya fedha kiasi cha shilingi elfu hamsini (50,000) kwenyeakaunti yake, aliingia moja kwa moja kwenye droo hiyo. “Na sio mteja wetu tu hata mwananchi aliyefungua akaunti na kuweka kiasi kama hicho cha fedha naye pia alipata fursa ya kushiriki.” Alifafanua Bi. Rahma.

    Naye Meneja wa tawi la Samora wa benki hiyo, Bi.Leticia Mmuka, alisema ingawa kampeni hiyo imemalizika lakini amewahimiza wananchi kufungua akaunti kwenye benki hiyo na wale wenye akaunti waendelee kuweka fedha zao kwani benki inatoa huduma bora na zenye kuvutia wateja.

    Alisema huduma huizo ni pamoja na kutoa gharama nafuu na rafiki za kibenki na ni sukuhisho la kifedha kwa walimu, watumishi wa serikali, wafanyabiashara, wakulima na wananchi kwa ujumla.

    “Huduma za kibenki zitolewazo na MCB ni pamoja na mikopo yenye riba nafuu, huduma ya ATM iliyounganishwa na mtandao mpana wa UMOJA SWITCH uliosambaa nchi nzima.” Alifafanua zaidi.

    Meneja wa Mwalimu Commercial Bank, Plc, (MCB), tawi la Samora katikati ya jiji la Dar es Salaam, Bi. Leticia Ndongole, (wapili kushoto), akimkabidhi zawadi ya IPAP, Bw. Khamisi Mmuka, kutoka wilayani Newala mkoani Mtwara, baada ya kuibuka mshindi kwenye droo ya kampeni ya "weka akiba na ushinde" iliyochezeshwa na benki hiyo. Anayeshuhudia ni Meneja Masoko wa benki hiyo, Bi. Rahma Ngassa.

    Meneja Masoko wa MCB, Bi. Rahma Ngassa, akizungumza na waandishi wa habari baada ya zoezi la kutoa zawadi.


    0 0


    Mwenyekiti wa Bodi ya NHIF Mhe. Anne Makinda ametembelea Maonesho ya Nanenane katika Viwanja vya Nzuguni Mjini Dodoma ambapo alikuwa mgeni rasmi wa siku hiyo. Mhe. Makinda alisisitiza umuhimu wa kila mtanzania kuwa na bima ya afya ili kuwa na uhakika wa matibabu na kuweza kutimiza majukumu yake ya kila siku na kuepukana na umaskini.

    Alisema ‘…. tunajua kuwa katika zama hizi tunatakiwa kuchapa kazi kama Mhe. Rais wetu anavyotuhimiza, lakini ili tuweze kuendana na kasi hii hatuna budi kuwa na uhakika na afya zetu na Serikali imetuletea utaratibu huu wa bima ya afya ambao ni rahisi kwa kila mtu kujiunga na kuwa na uhakika wa matibabu pindi anapougua”

    Kwa upande wake Kaimu Mkurugenzi Mkuu wa NHIF Bw. Bernard Konga amesema NHIF imejipanga kutoka na kwenda kuwafuata watu walipo ili kuweza kuwasajili na huduma za Mfuko huo. Alisema kwa sasa Mfuko unafanya kampeni ya uhamasishaji wa huduma ya bima ya afya kwa watoto walio chini ya miaka 18 ijulikanayo kama TOTO AFYA KADI. “Mfuko umeanza kufanya usajili kwa wingi katika maeneo mbalimbali karibu na watu walipo ambapo kila mtoto anachangiwa sh. 50,400 tu kwa mwaka” alisema Bw. Konga.

    Huduma hii ya TOTO AFYA KADI imezinduliwa rasmi na Waziri wa Afya Mendeleo ya Jamii, Jinsia, Wazee na Watoto Mhe. Ummy Mwalimu wiki iliyopita ambaye alisema kuwa watoto ambao ni asilimia 51 ya watanzania wote wanahitaji kuwa na uhakika wa matibabu na alihimiza kuweka mikakati madhubuti kuhakikisha watoto hawa wanapata huduma hiyo.

    Naye Meneja wa NHIF Mkoani Dodoma, Bi. Salome Manyama amesema wazazi na walezi wamepata mwitikio na kufika kusajili watoto wao katika huduma ya TOTO AFYA KADI katika maonesho hayo. Ameongeza kusema kuwa umma uko tayari na wamejipanga kuendeleza kampeni hiyo katika maeneo ya karibu zaidi na wananchi.
    Mwenyekiti wa Bodi ya Wakurugenzi ya NHIF Mhe. Anne Makinda akisaini
    kitabu cha wageni kwenye banda la NHIF jijini Dodoma alipotembelea maonesho ya Nanenane yanayofanyika kwenye viwanja vya Nzuguni jijini humo.

    Kaimu Mkurugenzi Mkuu wa NHIF Bw. Bernard Konga na viongozi wengine wa NHIF wakimsikiliza kwa makini Mwenyekiti wa Bodi ya NHIF alipotembelea banda hilo Jijini Dodoma kwenye maonesho ya Nanenane.

    Mwenyekiti wa Bodi ya Wakurugenzi wa NHIF Mhe. Anne Makinda akisalimiana na mmoja wa maofisa wa NHIF waliokua wakishiriki maonesho ya Nanenane Jijini Dodoma.

    Meneja wa NHIF mkoani Dodoma Bi. Salome Manyama akielezea jambo kwa Mwenyekiti wa Bodi ya Wakurugenzi wa NHIF Mhe. Anne Makinda ambaye
    pia alitembelea banda hilo kama mgeni Rasmi wa maonesho hayo ya Nanenane yaliyokua yakifanyika jijini Dodoma kwenye viwanja vya Nzuguni.

    0 0

    Msanii wa filamu nchini, Miriam Jolwa ‘Jini Kabula’.

     MUDA mfupi baada channel ya mtandaoni ya Global TV Online kuendesha kampeni maalum yakumchangia fedha za kusaidia matibabu na huduma kwa msanii wa filamu nchini, Miriam Jolwa ‘Jini Kabula’,wadau mbalimbali wameonekana kuiunga mkono kampeni hiyo. Kampeni hiyo iliyopewa jina la Support Treatment For Jini Kabula, imeonekana kuwagusa watu mbalimbali hivyo kuahidi kujitolea kwa moyo japo kwa kidogo chochote kadiri watakavyojaaliwa.Miriam Jolwa ‘Jini Kabula’ enzi akiwa salama.
     Kwa nyakati tofauti, wadau kadhaa wamezungumza na kusema kuwa wameumizwa na kuguswa na tatizo la msanii huyo baada ya kutazama mahojiano kupitia Global TV Online.“Binafsi nimeguswa sana tatizo la Jini Kabula hivyo kwa chochote nitakachojaaliwa nitajitolea kwa ajili ya kusaidia kidogo, naamini na wengine wataguswa kama mimi, maana najua Watanzania tuna moyo wa upendo na mshikamano kwenye matatizo,” alisema mmoja wa wadau waliozungumza kwa nyakati tofauti na mwandishi wetu. Ndugu wa karibu wa Kabula wameliambia gazeti hili kuwa kwa yeyote aliyeguswa na tatizo hilo basi atume mchango wake kupitia namba 0712 56 53 69, ambapo jina litasomeka Daynes Jolwa ambaye ni dada wa Jini Kabula.

    0 0

    Mkuu wa mkoa wa Arusha Mhe. Mrisho Gambo amekutana na Kaimu Balozi wa Marekani Bi. Inmi Patterson ofisini kwake Jijini Arusha.

    Katika mazungumzo yao Bi Inmi Patterson amempongeza Mkuu huyo wa mkoa kwa kufanikiwa kuirudisha Arusha katika hali ya amani na utulivu.
    “Kwa kweli sisi kama wamarekai tunafurahi sana kuiona Arusha ikiwa katika hali hii kwani Taifa letu ndio linaloongoza kwa kuleta watalii wengi hapa kwenu na sisi kama balozi tuna wajibu wa kuangalia viashiria vyote vya vurugu na machafuko, ila kwa sasa tunawasemea vizuri sana kwa watu wetu, hongera sana Kamishna kwa jitihada zako sasa Arusha ni mahali salama” amesema Kaimu balozi huyo.

    Bwana Gambo alimshukuru sana Balozi huyo kwa kumtembelea Ofisini kwake na amemweleza wao kama mkoa wa Arusha wana wajibu wa kukuza Utalii Mkoani humo kwa asilimia kubwa ya mapato ya utalii yanatokana na mkoa wa Arusha.

    “Utalii ndio uti wa mgongo wa uchumi wetu sisi watu Arusha na pato la taifa kwa sekta ya utalii inachangiwa na Arusha kwa zaidi ya asilimia 80% hivyo unaweza kuona namna ambavyo amani na utulivu visipotiliwa mkazo vinaweza kuleta hasara kubwa kwa watu wa Arusha na taifa kwa ujumla wake.” Amesema Mhe Gambo.

    Kaimu balozi huyo wa Marekani ameambatana na Bwana Steve Mshauri wa masuala ya Sheria wa Ubalozi huo na Bi. Brinille Eliane Ellis Afisa wa masuala ya Uhusiano wa Ubalozi huo. 
    Mhe Gambo akiwa katika mazungumzo na Kaimu balozi wa Marekani Bi Inmi Patterson
    Kutoka kushoto ni Afisa Mahusiano wa Ubalozi wa Marekani Bi. Brilliane Ellis, Bwana Steve mshauri wa masuala ya kisheria wa ubalozi huo
    Kaimu Balozi wa MArekani Bi Seoung akimkabidhi Mkuu wa Mkoa zawadi ya kitabu chenye historia ya Rais wa Marekani Bwana Barrack Obama. “Ninajua unampenda sana Kiongozi huyu na umekua unamsoma sana, haya ninakupa kitabu kingine kilichoandikwa na New York times” alisema Balozi huyo wakati anamkabidhi Mhe Gambo kitabu hicho.
    Mhe Gambo na Kaimu balozi wa Marekani katika picha ya pamoja.
    Mkuu wa mkoa wa Arusha akimsindikiza mgeni wake kutoka nje ya ofisi yake.

    0 0

    Msanii chipukizi wa kizazi kipya kutoka mkoani Ruvuma anayejulikana kwa jina la LANISTER amefunga ya moyoni kupitia Exclusive Interview ya Ruvuma TV kuhusu uonevu uliopo katika Media .

    0 0


    Na Dotto Mwaibale, Lindi

    MAOFISA ugani mkoani Lindi wamesema wanashindwa kuwahudumia kikamilifu wakulima kutokana na kukosekana kwa usafiri wa kuwapeleka vijijini pamoja na kutelekezwa na wizara ya kilimo, mifugo na uvuvi kwa kushindwa kuwapatia mafunzo ya mara kwa mara.

    Wakizungumza juzi katika mafunzo kuhusu kilimo bora yaliyoandaliwa na Tume ya Taifa ya Sayansi na Teknolojia, COSTECH, maofisa ugavi hao walisema kutokana na upungufu wa wataalam hao wamekuwa wanahudumia vijiji vingi na mtu mmoja anaweza kuhudumia vijiji hadi sita. 

    Pia walisema kwamba tatizo lignine wamekuwa hawapati mafunzo ambayo yatawezesha waweze kwenda na wakati.

    Ofisa Ugani kutoka Manispaa ya Lindi Hussein Mwapili alisema wizara ya kilimo baada ya kuwakabidhi maafisa ugani kwa halmashauri imeshindwa hata kuwafuatilia na hata kuwajengea nyumba wakati wizara zingine kama elimu na afya zinawakumbuka wataalamu wao kwa kuwajenge nyumba na kuwapa miongozo ya mara kwa mara.

    “Sisi tumesahulika kabisa, tunakumbukwa wakati wa njaa tu ndipo utaona tunalaumiwa kwamba tunaishi mjini, lakini wizara ya kilimo imefanya nini kuhakikisha maafisa ugani wanaishi katika mazingira bora ya kufanyia kazi? Kule vijiji tunaambiwa tukaishi huko je kuna nyumba za wagani? alihoji.
    Mwezeshaji kutoka Jukwaa la Bioteknolojia Tanzania (OFAB), Dk.Emmarold Mneney (kulia), akitoa mafunzo ya siku moja ya kilimo chenye tija kwa maofisa Ugani wa Mkoa wa Lindi kwenye Maonyesho ya Kitaifa ya Nanenane yanayoendelea kwenye viwanja vya Ngongo mkoani hapa juzi.
    Ofisa Kilimo kutoka Manispaa ya Lindi, Amina Pemba akizungumza kwenye mafunzo hayo.
    Maofisa Ugani wakipata mafunzo.


    0 0


    0 0

    Na Agness Francis, Globu ya Jamii
    Mgombea wa Urais wa Shirikisho la Mpira wa Miguu nchini Tanzania (TFF) Shija Richard ameanza rasmi harakati za kufungua kampeni yake ya kuwania nafasi ya urais wa shirikisho hilo hapa nchini. 

    Shija amezungumza na waandishi wa habari leo jijini Dar es salaam nia na madhumuni ni kufungua rasmi zoezi la kampeni yake ambayo imejikita  kuzungumzia sera zaidi ya TFF  badala ya  maswala ya kiutendaji

    Mgombea huyo amesema kuwa atahakikisha  kunakuwepo na sport Academi katika kanda sita hapa nchini, hii itaongeza vipaji vingi vya kabumbu na  kuwashawishi  wazazi wanapeleka watoto wao wenye vipaji katika  shule hizo za mafunzo ya mpira.

    Hata hivyo Shija amesema kumekuwa na tatizo kubwa kwa klabu kukosa kuwa na uwanja, na hilo pia husababisha kutofanya vizuri kimataifa hivyo amesema atahakikisha anatafuta wadhamini kujikita katika swala zima la miundo mbinu ili kila klabu kujengewa kiwanja chake

    Amesema ili kucheza mpira kwa amani na utulivu bila kupendelea upande mmoja wa timu  ataweka mkakati kwa kushirikiana na vyama vingine vya michezo duniani kote ili kuleta ufanisi kwenye mchezo huo hapa nchini.

    Uchanguzi huo unatarajiwa kufanyika tarehe 12 Agosti  mwaka huu mjini Dodoma ambapo wagombea hao wa  kiti cha urais wa Shirikisho la Mpira wa Miguu nchini Tanzania (TFF) ni Shija Richard, Wallace Karia, Iman Madega, Ally Mayay,  na Emmanuel Kimbe.
    Mgombea urais wa Shirikisho la Mpira wa Miguu nchini Tanzania (TFF), Shija Richard akizungumza na waandishi wa habari kuhusu namna atakavyofanya kampeni zake alizozizundua leo rasmi na akiahidi maendeleo ikiwemo na kujenga shule za akadeni ya kabumbu katika kanda sita 6 nchini.

    0 0

    Na Chalila Kibuda, Lindi

    Kwa mara nyingine tena Mamlaka ya Elimu na Mafunzo ya Ufundi Stadi (VETA) imepata ushindi wa kwanza kwenye kundi la Taasisi za Utafiti na Mafunzo katika maonesho ya Wakulima Nanenane, 2017 yaliyokuwa yakifanyika kitaifa kwenye uwanja wa Ngongo mkoani Lindi.

    Baada ya kutangazwa mshindi katika sherehe za ufungaji rasmi wa Maonesho, VETA imekabidhiwa kombe na Makamu wa Rais Mhe. Samia Suluhu Hassan, ambaye alikuwa mgeni rasmi katika shughuli za ufungaji wa maonesho hayo zilizofanyika leo 8 Agosti, 2017. 

    VETA ilifuatiwa na Chuo cha Maji katika nafasi ya pili na Chuo cha Uhasibu Arusha ambacho kilishika nafasi ya tatu katika kundi hilo. Kaulimbiu ya maonesho hayo ilikuwa, "Zalisha kwa Tija Mazao na Bidhaa za Kilimo, Ufugaji na Uvuvi ili kufikia Uchumi wa Kati." 

    Katika maonesho hayo, VETA ililenga kutoa taarifa na kuhamasisha wananchi kutumia fursa mbalimbali za mafunzo ya ufundi stadi ili kuboresha shughuli za kilimo, ufugaji na uvuvi, hivyo kuzalisha kwa tija. 

    Vilevile VETA ilionesha ubunifu wa teknolojia bora na rahisi katika kilimo, mifugo na uvuvi na kwa ajili ya kuboresha maisha ya jamii ya wananchi wa kijijini. 

    Mfano wa ubunifu na teknolojia ni pamoja na mashine za kufukuza ndege waharibifu wa mazao mashambani, vifaa vya kumwagilia, ujenzi wa nyumba kwa gharama nafuu, mashine za kisasa za usanifu wa nguo, jiko la kisasa linalotumia mafuta ya taa na nyinginezo. 
    Mkuu wa Chuo cha VETA Lindi akipeana mkono na Makamu wa Rais Samia Hassan Suluhu baada ya VETA kuchukua kikombe cha mshindi wa kwanza wa Taasisi Mafunzo ya Ufundi Stadi katika kilele cha maonesho ya Kitaifa ya Nanenane katika viwanja Ngongo mkoani Lindi.
    Watendaji na Veta wakishangalia baada ya kupata kikombe cha mshindi wa kwanza wa Taasisi Mafunzo ya Ufundi Stadi katika kilele cha maonesho ya Kitaifa ya Nanenane katika viwanja Ngongo mkoani Lindi


    0 0

    Waziri wa Fedha na Mipango Mhe. Dkt. Philip Isdor Mpango (Mb) amewataka watumishi wa Wizara ya Fedha na Mipango pamoja na Taasisi zake kuwahudumia wananchi kwa uadilifu ili kujenga uaminifu kwa wananchi na Serikali yao. 

    Dkt Mpango aliyasema hayo alipotembelea banda la Wizara ya Fedha na Mipango katika viwanja vya maonesho Nanenane katika eneo la Ngongo mkoani Lindi.

    Alisema kuwa Wizara ya Fedha na Mipango inategemewa na wananchi wengi hivyo ni vyema wahudumiwe vizuripamoja na kutoa elimu kwa umma vya kutosha ili waweze kuelewa na kuridhika na huduma zinazotolewa na wizara.

    “Tujitahidi kuwaelezea wananchi juu ya kazi na huduma zetu ili waweze kuzitumia kwa manufaa yao na Taifa kwa ujumla na tuweze kufikia uchumi wa viwanda kama lengo la Serikali ya Awamu ya Tano ilivyojipangia ” Alisisitiza Dkt. Mpango.

    Kauli mbiu ya maonesho ya Nanenane mwaka huu ambayo ni ya 24 kufanyika kitaifa huku yakifanyika mwaka wan ne mfululizo mkoani Lindi inasema “Zalisha kwa tija mazao ya kilimo, mifugo na uvuvi ili kufikia uchumi wa kati”.

    Imetolewa na Kitengo cha Mawasiliano Serikalini
    Wizara ya Fedha na Mipango -Ngongo Lindi
    Waziri wa Fedha na Mipango Mhe. Dkt. Philip Isdor Mpango (Mb), akisalimiana na watumishi wa Wizara ya Fedha na Mipango pamoja na baadhi ya Taasisi zilizo chini ya Wizara zilizoshiriki Maonesho ya 24 ya Sikukuu ya Wakulima (Nanenane) yaliyofanyika Kitaifa Mkoani Lindi katika viwanja vya Ngongo. 
    Waziri wa Fedha na Mipango Mhe. Dkt. Philip Isdor Mpango (Mb), (kulia) akipata ufafanuzi wa Utaratibu wa malipo ya kiinua mgongo, pensheni na mirathi alipotembelea banda la Wizara ya Fedha na Mipango. Kutoka kushoto ni Mkuu wa Kitengo cha Mawasiliano Tume ya Mipango Bi. Joyce Mkinga pamoja na Mkuu wa Hazina Ndogo Lindi Bi. Pili Kamali 
    Waziri wa Fedha na Mipango Mhe. Dkt. Philip Isdor Mpango (Mb) anayesaini  kitabu cha wageni, katika picha ya pamoja na watumishi wa Wizara ya Fedha alipotembelea banda la Wizara ya Fedha na Mipango katika viwanja vya Nanenane, Ngongo, mkoani Lindi. 
    Waziri wa Fedha na Mipango Mhe. Dkt. Philip Isdor Mpango (Mb), (wa pili kushoto waliokaa) akiwa katika picha ya pamoja na watumishi wa Wizara na Taasisi zake walioshiriki Maonesho ya 24 ya Nanenane, yaliyofanyika Kitaifa katika Viwanja vya Ngongo mkoani Lindi. Kulia kwake ni Meneja Takwimu Mkoa wa Lindi Bw. Moses Sagala, kushoto kwake ni Mkuu wa Hazina Ndogo Lindi Bi. Pili Kamali, na Kamishna wa Mamlaka ya Usimamizi wa Bima nchini (TIRA) Dkt. Baghayo Saqware. (Picha na Kitengo cha Mawasiliano Serikalini-Wizara ya Fedha na Mipango) 

    0 0


    Waziri wa Habari, Utamaduni, Sanaa na Michezo Dkt. Harrison Mwakyembe (kushoto) akizungumza na baadhi ya Wadau wa mpira wa miguu kuhusu namna bora ya kukuza na kendeleza mchezo huo leo jijini Dar es salaam.
    Baadhi ya Viongozi Wastaafu wa mpira wa miguu nchini wakimsikiliza Waziri wa Habari, Utamaduni, Sanaa na Michezo Dkt. Harrison Mwakyembe (hayupo pichani) wakati wa majadiliano ya namna bora ya kukuza na kendeleza mchezo huo leo jijini Dar es salaam. Wa kwanza kulia ni Rais wa Heshima wa TFF na Mjumbe wa Kamati ya Utendaji Shrikisho la Mpira wa Miguu Barani Afrika (CAF).
    Waziri wa Habari, Utamaduni, Sanaa na Michezo Dkt. Harrison Mwakyembe (aliyekaa katikati) baada majadiliano ya namna bora ya kukuza na kendeleza mpira wa miguu leo jijini Dar es salaam.

    (Picha na Eleuteri Mangi-WHUSM)

    0 0

    Makamu wa Rais wa Jamhuri ya Muungano wa Tanzania Mhe. Samia Suluhu Hassan ametembelea banda la Maonyesho la Mamlaka ya Vitambulisho vya Taifa NIDA na kufurahishwa na ufanisi mkubwa katika kuunganisha mifumo ya Serikali yenye kulenga utoaji huduma bora na kurahisisha shughuli ya Utambuzi kwa wananchi.

    Mheshimiwa Makamu wa Rais ametembelea Banda la NIDA akiwa mgeni rasmi katika maadhimisho ya kilele cha maonyesho ya sikukuu ya Wakulima Kitaifa maarufu Nanenane yaliyofanyika viwanja vya Ngongo mkoani Lindi. Mhe. Samia aliambatana na viongozi mbalimbali wa Kitaifa akiwemo Waziri wa Kilimo, Mifugo na Uvuvi Mhe. Dr. Charles Tizeba.

    Katika maonyesho hayo NIDA ni miongoni mwa Taasisi zilizofanya vizuri na kupata ushindi katika makundi 15 yaliyotangazwa. 

     Makamu wa Rais Mhe. Samia Suluhu Hassan akiwasili kwenye Banda la maonyesho la Mamlaka ya Vitambulisho vya Taifa (NIDA) kwenye maonesho ya NaneNane viwanja vya Ngongo mjini Lindi leo. Makamu wa Rais alipokelewa na Kaimu Mkuu wa Kitengo cha Mawasiliano Bi. Rose Mdami
    Makamu wa Rais Mhe. Samia Suluhu Hassan akipokea taarifa ya shughuli za Usajili ambazo zimekuwa zikifanyika katika Banda la Mamlaka ya Vitambulisho vya Taifa wakati wa Maonyesho ya Nanenane kwenye Viwanja vya Ngongo mjini Lindi.
    Makamu wa Rais Mhe. Samia Suluhu Hassan akipata maelezo toka kwa Kaimu Mkuu wa Kitengo cha Mawasiliano Bi. Rose Mdami
     Makamu wa Rais Mhe. Samia Suluhu Hassan akipata maelezo juu ya mashine zinazotumika kusajili na kutolea vitambuslisho vya Taifa toka kwa Kaimu Mkuu wa Kitengo cha Mawasiliano Bi. Rose Mdami
    Watumishi wa NIDA wakiwa kwenye picha ya pamoja baada ya kupata ushindi kwenye maonyesho ya Nanenane kwa mwaka 2017. 

    0 0


    0 0

    Waziri wa Kilimo Mifugo na Uvuvi Mhandisi Charles Tizeba akimuonesha Makamu wa Rais wa Jamhuri ya Muungano wa Tanzania Mhe. Samia Suluhu Hassan ubanguaji wa korosho wakati wa kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi
    Makamu wa Rais wa Jamhuri ya Muungano wa Tanzania Mhe. Samia Suluhu Hassan akipata maelezo juu ya magonjwa na wadudu wanaoshambulia mikorosho na namna ya kutibu mimea kutoka kwa Mtafiti kiongozi wa Zao la Korosho wa Taasisi ya utafiti wa Kilimo Nahendele Bw.Fortunus Kapinga wakati wa kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi
    Makamu wa Rais wa Jamhuri ya Muungano wa Tanzania Mhe. Samia Suluhu Hassan (kushoto) akiwa pamoja na Mkuu wa Mkoa wa Mtwara Mhe. Halima Ndendegu na Mke wa Rais Mstaafu wa Awamu ya Nne Mama Salma Kikwete (MB) wakiangalia ufugaji wa samaki wa kwenye matenki unaofanywa na Jeshi la Kujenga Taifa (JKT) wakati wa kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi
    Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia karoti wakati alipotembelea na kujionea shughuli za kilimo cha mboga mboga zinazofanywa na Jeshi la Kujenga Taifa (JKT) wakati wa kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi 
    Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia mkaa ulotengenezwa kutokana na makaratasi yaliotumika wakati alipotembelea banda la Halmashauri ya Wilaya ya Nachingwea wakati wa kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi 

    Makamu wa Rais wa Jamhuri ya Muungano wa Tanzania Mhe. Samia Suluhu Hassan akihutubia kwenye kilele cha sherehe ya maadhimisho ya 24 ya sikukuu ya Wakulima (Nane Nane) mkoani Lindi.
    Sehemu ya wananchi waliohudhuria.


    0 0

    Mwakilishi wa Jimbo la Tunguu Zanzibar Mhe Simai Mohammed Said akitowa shukrani zake kwa Uongozi wa Shirika la Umeme Zanzibar kwa ushirikiano wao kuwezesha kupa umeme kwa wakati na katika kijiji cha Tunguu Uwandani Wilaya ya Kati Unguja, wakiwa katika sehemu iliowekwa Transfoma kwa ajili ya kupokea umeme katika kijiji hicho na kutowa huduma hiyo kwa wananchi zaidi ya mia moja kupata huduma hiyo. 
    Meneja Mkuu wa Shirika la Umeme Zanzibar ZECO Hassan Ali akitowa maelezo wakati wa hafla hiyo ya kupokea shukrani zilizotoka kwa Wananchi wa Jimbo hilo na Mwakilishi wao kwa msaada wao wa usambazaji wa umeme kwa wakati na kupata fursa ya kupata hudumi hiyo.
    Mwenyekiti wa Kamati ya Maendeleo ya Kijiji cha Tunguu Uwandani akitowa shukrani za wananchi wa kijiji hicho wakati wa hafla hiyo iliofanyika katika eneo lililowekwa transfoma ya kusabaza umeme katika eneo hilo na kutowa huduma kwa wananchi zaidi ya mia moja.
    Mwakilishi wa Jimbo la Tunguu Zanzibar Mhe Simai Mohammed Said akizungumza wakati wa hafla hiyo ya kutowa shukarani kwa Shirika la Umeme Zanzibar kwa msaada wao kukamilisha zoezi hilo la usambazaji wa umeme katika Kijiji cha Tunguu Uwandani Wilaya ya Kati Unguja.hafka hiyo imefanyika katika kijiji hicho tunguu. 

    KUSOMA ZAIDI BOFYA HAPA

    0 0

     Mabeki wa timu ya Simba, Jonas Mkude (kulia) na Mzamiru Yassin wakichuana na Mshambuliji wa Timu ya Rayon Sports ya nchini Rwanda, katika mchezo wa kujipima nguvu ikiwa ni sehemu ya Sherehe za kuadhimisha miaka 81 toka kuanzishwa kwa timu hiyo, zinazofahamika kama Simba Day. Mchezo huo umemalizika jioni hii katika dimba la Taifa, jijini Dar es salaam. Simba imeshinda bao 1-0 .
     Beki wa Timu ya Rayon Sports ya nchini Rwanda akionyesha umahiri wake wa kuondosha mpira wa hatari langoni mwake, katika mchezo wa kujipima nguvu ikiwa ni sehemu ya Sherehe za kuadhimisha miaka 81 toka kuanzishwa kwa timu hiyo, zinazofahamika kama Simba Day. Mchezo huo umemalizika jioni hii katika dimba la Taifa, jijini Dar es salaam. Simba imeshinda bao 1-0 .
     Mshambuliaji mpya wa Timu ya Simba, John Bocco akiwa na mpira mbele ya mabeki wa timu ya  Rayon Sports ya nchini Rwanda, katika mchezo wa kujipima nguvu ikiwa ni sehemu ya Sherehe za kuadhimisha miaka 81 toka kuanzishwa kwa timu hiyo, zinazofahamika kama Simba Day. Mchezo huo umemalizika jioni hii katika dimba la Taifa, jijini Dar es salaam. Simba imeshinda bao 1-0 .
      Mshambuliaji mpya wa Timu ya Simba, Emmanuel Okwi akiondoka na mpira mbele ya mabeki wa timu ya  Rayon Sports ya nchini Rwanda, katika mchezo wa kujipima nguvu ikiwa ni sehemu ya Sherehe za kuadhimisha miaka 81 toka kuanzishwa kwa timu hiyo, zinazofahamika kama Simba Day. Mchezo huo umemalizika jioni hii katika dimba la Taifa, jijini Dar es salaam. Simba imeshinda bao 1-0 .
     Mgeni rasmi katika mchezo wa kujipima nguvu kati ya Timu ya Simba na Rayon Sports ya Rwanda, Waziri wa Nchi, Ofisi ya Makamu wa Rais - Muungano na Mazingira, January Makamba (kushoto) akimuandalia, Waziri wa Mambo ya Ndani, Mwigulu Nchemba wakati akisalimiana na wachezaji wa timu hizo kabla kuanza kwa mechi hiyo. mwenye kaptula ni Mdhamini wa Simba, Mohamed Dewji "Mo".
     Kikosi cha Rayon Sports ya Rwanda.
    Kikosi cha Simba.


older | 1 | .... | 1849 | 1850 | (Page 1851) | 1852 | 1853 | .... | 3272 | newer