MICHUZI BLOG

Serikali yaipongeza Tulia Trust kwa kusomesha vijana mafunzo ya Sanaa Bagamoyo Serikali kupitia Wizara ya Habari Utamaduni Sanaa na Michezo imepongeza juhudi za Taasisi ya Kijamii ya Tulia Trust kwa kuwezesha kusomesha vijana 20 masomo ya Sanaa na Utamaduni katika taasisi ya Sanaa na Utamaduni Bagamoyo (TaSUBa) huku akiziomba taasisi za wadau wengine kuiga mfano huo.

Akizungumza wakati wa kufunga mafunzo ya masomo kwa vijana hao 20 waliodhaminiwa na Tulia Trust, Kaim Mkurugenzi Idara ya Sanaa Bi. Leah Kilimbi,ambaye alimwakilisha Mkurugenzi wa Wizara hiyo,amewataka vijana hao kuwa Mabalozi wazuri ili wakawafundishe na wengine kile walichojifunza hapo.

“Sisi kama Serikali, tunafarijika sana kwa namna wadau wanavyosaidiana nasi katika kuleta maendeleo katika Nyanja mbalimbali. Taasisi ya Tulia Trust imeonyesha nia na tunaipongeza sana kwani imesaidia vijana wetu kujifunza Sanaa, Utamaduni na kila aina ya mafunzo. Tunaamini huko waendako watakuwa mabalozi wazuri sana pia wadau wengine waige mfano huu” alieleza Bi. Leah Kilimbi.

Kaimu Mtendaji Mkuu wa TaSUBa, Gabriel Kiiza akizungumza katika tukio hilo la ukabidhiwaji wa vyeti kwa vijana hao 20 waliofadhiliwa kwa msaada wa Tulia Trust. Tukio limefanyika chuoni hicho Juni 16.2017, Mjini Bagamoyo.

Balozi wa Tulia Trust Hassan Ngoma akizungumza katika tukio hilo la ukabidhiwaji wa vyeti kwa vijana hao 20 waliofadhiliwa kwa msaad wa Tulia Trust. Tukio limefanyika chuoni hicho Juni 16.2017, Mjini Bagamoyo.

Baadhi ya vijana hao wakiwa katika maonesho yao maalum ikiwemo ya upigaji wa ngoma na kucheza wakati wa kuhitimu mafunzo yao

Vijana hao wakikabidhi risala yao kwa uongozi wa Tulia Trust.

Kwa taarifa kamili BOFYA HAPA

Kanda ya kati (Dodoma) imekusanya kiasi cha Tshs. 1,426,273,033.70 ya Makusanyo ya Kodi ya Pango la Ardhi, sawa na 204% ya malengo na hivyo kuvuka malengo iliyopangiwa. Kamishna Msaidizi wa Ardhi, kanda ya kati Dodoma; Hezekiel Kitillya ameeleza wakati akizungumza na Waandishi wa Habari.

Kamishna Kitillya alisema; tathimini iliyofanyika ni ya mpaka 31 Mei, 2017. Malengo ya Makusanyo yaliyokuwa yamepangwa na Wizara ya Ardhi, Nyumba na Maendeleo ya Makazi katika kipindi cha mwaka wa fedha 2016/17 - 30 Juni, 2017 yalikuwa ni kukusanya kodi ya Tshs. Bilioni111.77, ambapo kati ya kanda nane za ardhi zilizopo nchini, kanda ya kati ilipangiwa kukusanyaTshs. Milioni 700.

Vile vile, baadhi ya Halmashauri tayari zimeshavuka malengo ya makusanyo zilizowekewa, kama vile Manispaa ya Dodoma, malengo yalikuwa Tshs. 200,000,000/= na makusanyo yakawa; Tshs.678,804,841.40, Manispaa ya Singida, malengo yalikuwa Tshs. 200,000,000/= na makusanyo yakawa Tshs.308,392,069.17 na Halmashauri ya Manyoni, malengo yalikuwaTshs. 100,000,000/= na makusanyo yakawa Tshs. 117,200,000.00. Pia Halmashauri nyingine za Wilaya ya Itigi, Chamwino, Bahi; nazo zimeshavuka malengo na nyingine zilizobaki zikikaribia kufikia malengo.

Akieleza moja ya mkakati muhimu ambao umewezesha kanda yake kuvuka malengo ni pamoja na kusambaza hati za madai Demand notes. Alisema; “Halmashauri zote zilielekezwa kuandaa na kusambaza hati za madai kwa wadaiwa wakubwa sugu”.

Akizungumzia moja ya changamoto Kuu inayokabili zoezi la Makusanyo; Alisema ni Wananchi kutokuwa na uelewa wa kutosha kuhusu tofauti ya Kodi ya Pango la Ardhi na Kodi ya Majengo, ambapo Wananchi wengi hudhani wakishajenga nyumba na kuanza kulipa kodi ya jengo, hawapaswi tena kulipa kodi ya pango la Ardhi.

Aidha, Kamishna Kitillya ametoa wito kwa Wananchi kuhamasika kulipa Kodi ya Pango la Ardhi kwa mujibu wa Sheria na kwa Maendeleo ya Taifa. Aliongeza kuwa; “Sasa Kodi ya Pango la Ardhi imeboreshwa kwa kumuwezesha mwananchi kutambua kiasi anachodaiwa na kufanya malipo hayo kieletroniki, kwa kutumia Tovuti ya Wizara au simu kwa tigo pesa au m-pesa, tofauti na ilivyokuwa awali ambapo Mwananchi alilazimika kufika katika vituo vya malipo, katika Halmashauri yake”.

Kanda yakati (Dodoma) inahudumia mikoa miwili (2) Dodoma na Singida yenye jumla ya Halmashauri kuminatano (15).

Kamishna wa Ardhi msaidizi – Kanda ya Kati (Dodoma); Hezekiel Kitillya akizungumza na A Fm Radio - 92.9 – Dodoma; kuhusu Tathimini ya Malipo ya Kodi ya Pango la Ardhi ya Kanda na Maboresho ya ulipaji wa Kodi hiyo kwa njia ya Kielektroniki.

Mwananchi akifurahia kupata elimu na kupatiwa kipeperushi kwa elimu zaidi kuhusu Kodi ya pango la Ardhi katika mojawapo ya Saloon za kusuka, mjini Dodoma.

Vipeperushi vya kuelimisha jamii kuhusu Kodi ya Pango la Ardhi vikigaiwa kwa Wananchi katika Stand ya Mabasi mjini Dodoma

Kamishna wa Ardhi msaidizi – Kanda ya Kati (Dodoma); Hezekiel Kitillya akizungumza na Waandishi wa habari kuhusu Utekelezaji wa Majukumu ya Ofisi yake, Tathimini ya Malipo ya Kodi ya Pango la Ardhi ya Kanda na Maboresho ya ulipaji wa Kodi hiyo kwa njia ya Kielektroniki. Kushoto kwake ni Mwanasheria na Afisa Ardhi mwandamizi; Jane Kapongo na kulia kwake ni Msajili wa Hati katika kanda hiyo; Geoffrey Mauya.

Latest Images